الزواج قسمه ونصيب✨

الزواج قسمه ونصيب
مهما حاولتي وبحثتي ودورتي وسعيتي يبقى الزواج قسمه ونصيب ارضي بماقسم الله لك...
وادعي وان تأخر رزقك ونصيبك بالزواج فهي خيره انظري لمجتمعك لابد ان تجدي امثله لقصص لمتأخرات بالزواج وسعيدات ولديهن اطفال ماشاءالله وسعيدات اكثر من اللاتي تزوجن مبكرا ويشعرن بالتعاسه الشديده
عن عبد الله بن عباس -رضي الله عنهما- قال: كنت خلف رسول الله -صلى الله عليه وسلم- يوماً فقا
((يا غلام إني أعلمك كلمات: احفظ الله يحفظك، احفظ الله تجده تجاهك، إذا سألت فاسأل الله، وإذا استعنت فاستعن بالله، واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك، وإن اجتمعوا على أن يضروك بشيء لم يضروك إلا بشيء قد كتبه الله عليك، رفعت الأقلام، وجفت الصحف)) رواه الترمذي وقال: حديث حسن صحيح ،توكلي على الله وارضي بالقضاء والقدر وتذكري انه لايغير القضاء الا الدعاء
ثقي ثقه عمياء محد راح ياخذ رزق احد ومحد يياخذ رزق كتبه الله لك
ادعي سولفي لربي وابكي فضفضي اكثر من الناس اكثر من بنات خالاتك اوقريباتك اواغلى صديقاتك فضفضي لله سبحانه وتعالى اكثر من انك تفضفضين لصديقاتك واقرب الناس لك ادعي بكل عفوية وبساطه لاتتكلفين بالدعاء فقط الحي كثيرا وادعي وانتي موقنه بالاجابه وانتي محسنة الظن انها بتستجاب من الله وارسلي دعوتك لله جل وعلا وانت موقنه بالاجابه وباذن الله ربي بيستجيب وادعي لصديقاتك وبنات المسلمين وبتنرد لك الدعوه باذن الله✨💕
💜💜💜💜🕊✨وربي مايخيبك باذن الله
نقطه اخيره :
بدل ماتنتظرين على عريس الغفلة
تدورين احد يفهمك يحتويك انتي افهمي نفسك احتوي نفسك ارفعي نفسك وارفعي قدرك
ماانكر ان الزواج فيه مرحلة بالعمر وبتمر وغالبية الناس اوكلهم الاحالات قليله باذن الله بيتزوجون الاانه لايصير هاجس لك
وبالنسبه لاي شي بشخصيتك بمظهرك الخارجي وغيرها مايعجبك ومرهقك عالجيه زبطيه واشتغلي عليه وعدليه وتذكري علاج الهم اقتحامه
وبالنسبه لاغلب الزوجات وان تظاهروا لك بالسعادة
ماعليك منهم انشغلي بنفسك
واذا كانوا كل بنات جماعتك وقرايبك وخواتك وصديقات الدراسه وغيرهم متزوجات
ماراح ينقص منك شي الزواج شي يضيف لك مواساس عندك بحياتك
اهتمي ب
صديقاتك ،اهلك وقرايبك،عملك وعلمك،مشاريعك،هواياتك وكل حياتك
اهم شي ياقلبي 💕💕✨✨✨🕊
كملي دراستك ماستر ودكتوراه واذا ماقدرتي عبي السي في حقك دورات موعشان الكثره والوظايف عشانك انتي تستفيدين ويكون عندك علم وثقافه بكل شي وبدورات كثيره ومتنوعه
ايضا اقري كتب كثير ولخصيها اكتبي والفي كتب سوي فديوات باليوتيوب سوي مدونه افيدي بنات المنتدى اواي شي من اعمال مفيده وخيره غير النت ومواقع التواصل الاجتماعي
او اي شي انتي تحبينه
اخيتي الجميله يدي بيدك امسحي دموع الحزن وقرري ترك الحزن للابد فهذا موضوع بسيط وعلاجه بسيط وابداي بتغيير نفسك قال تعالى((ان الله لايغير مابقوم حتى يغيروا مابأنفسهم))
واحمدي الله على كل النعم واستودعيها الله دائما وابدا
شوفي المتزوجات ايش ربي اخذ منهم وايش اعطاك يكفي الراحه والرفاهيه والصحه والعافيه والشباب ببيت اهلك وقرري
لا ولن تحزني👏🏻👏🏻👏🏻👍🏻
ولماتحزنين والله ماراح يتغير شي بحزنك انتبهي
خصوصا اذا كنتي توك بال٢٠ لن يتغير العالم بحزنك وسيطيب كل شي ذات يوم لاتحزني وافرحي والدنيا حلوه بس نفهمها والدنيا وورديه ومبهجه وكلها الوان الحياه وان كانت متعبه جدداااا جدااااا، قال تعالى ((انا خلقنا الانسان في كبد)) اي بشدة وبوسط التعب💜💜😢 والله يرحمنا برحمته
اذا مره ضقتي كلمي امك اواختك مع اني ماافضل الام عشان ماتتعبينها اوصديقتك الصدوقه الصالحه
وفضفضي وابكي لاتكتمين مشاعرك بوحي لأصدق الغاليات والعزيزات على قلبك☺️💕💕💕
دوري على نفسك زين❤️❤️❤️😇
وفتشي باعماقك واعرفي نفسك زين
شخصيتك ،مزاجك،ماذا تفضلين وماذا تكرهين وايش هواياتك وسوي مشروع مادي وابدأي خططي لمشروع العمر وقف اوكتاب اوغيرها خصوصا للشباب وماانتهت الحياه لو عمر٦٠ اقصد الجميع
بموضوع مشروع العمر
حاولي اغلب افكارك اتطبقينها موتأجلين مولازم كل شي يكون بيرفكت وممتاز وكامل جربي واخطأي مره ومرتين ثلاثه اهم شي المحاوله وكذا بتتعلمين
مثل التوزيعات حقت العيد ترى اذا ماسويت الحين غالبا ماراح تسوين بعدين فانتي ابداي اذا عندك القدره الماديه والعنويه بس اذا كنت متكاسله ابعدي عن الكسل وتنشطي وانجزي وخليك عملية قدر المستطاع
اصحي كل يوم على هدف وشغف وطموح يحركك للامام
خلي لك روتينك الخاص فيك💛✨
روتين بعد النوم ،روتين العناية،روتين الاهل،روتين الاعمال وروتين قبل النوم والخ.
واخيرا اعلي استحقاقك لنفسك ارفعيها كلنا نستحق اننا نرفع استحقاقنا لانفسنا موعشان شوفووني ولللشو والغرور !!!! المهم قانون الاستحقاق بشرحه بمثال شرحته لي وحده الله يجزاها خير قالت:
مثلا:لما تحطين اكل لك وتسوين لك اجواء موتاخذين اي صينيه وتحطين الاكل بها خلي كل شي انيق حتى المواعين انيقه حقت الضيوف وشغلي شمعه وحطي ورود موعشان السناب والانستقرام والتصوير عشان نفسك وانبسطي وهذا المثال والكلام ينطبق على كل شي
علي استحقاقك بدراستك وشغلك وشخصيتك واهتمامك وثقافتك وغيرها واختيارك للزوج
والشي ثاني دللي نفسك انتي تستحقين ذلك الدلال
موشرط تحطين يوم اووقت لتدليع نفسك لك متى ماحسيتي انك مضغوطه اومحتاجه هدوء وراحه دلعي ودللي نفسك تسوقي،اهتمي ببشرتك وعنايتك،زوري اهلك قرايبك صديقاتك، سوي اي شي تحبينه اطلعي تمشي وغيرها
اهم شي تتغير نفسيتك للافضل. ولاتتعلقين باحد تعلقي برب البشر الله سبحانه وتعالى وادعي واستغفري وابعدي عن كل الذنوب والمعاصي
وارقي نفسك اذا كنتي محتاجه رقيه واقري قران القران زين بكل الاحوال قال تعالى(( شفاء لما في الصدور)) خصوصا سورة البقره (اخذها بركه وتركها حسرة ولاتستطيعها البطله)) اي السحره نعوذبالله منهم ومن شرورهم
حاولي تغيرين فيك القناعات القديمه المترسخه من سنوات بتفكيرك وغيري كل فكره واستبدلي السيئه بفكره ايجابيه واقنعي نفسك وقرري الحياه قرارت والسعادة قرار والحياه عباره عن قرار و افكار مترابطه🌹🌹🌹💛💛💛
ومن القناعات ان اذا تزوجتي بدري ان هذي السعاده وهذي قكره مغلوطه
الزواج رزق من الله سبحانه وتعالى وقسمه ونصيب❤️ يجيك متى ربي كتب لك ماانكر فيه اسباب بس كلها بيد الله سبحانه وتعالى ✨❤️❤️❤️
وماعليك من اللي تهايط وتقول انا انخطبت وياكثر خطابي اسحبي على ذي الشكليات 😁😂اذا كانو ياذونك ويقصدون الاذى
😂
دخلي مع اذن وطلعي مع الاذن الثانيه😉
وابتسمي وجاملي الحياه تمشي بالتغاضي
ومثل مايقولون جيل هالوقت بالتسليييك عاد مودايم بالاوقات المناسبه ☺️
انشغلي بحياتك وقوي نفسك واتحدى اذا احد رمى عليك كلمة اونظره اواي فعل يجرحك؟!!!😇
وانجحي ثم انجحي ثم انجحي 💛💛
وترى موشرط تكون قاعده لكل قاعدة شواذ والله يعيننا على نفسيات بعض الناس
ولغة التعميم لغة الجهلاء
❤️❤️❤️
لاتقارنين نفسك لاتعبين نفسك ابدا فهذي ازراق وقسمه ونصيب والزواج قسمة ونصيب موعشان انهم افصل لا تتعبين اوتسكتين نفسك وتتهربين !
لكن ارضى عن قناعه وليس اجبار اقتنعي بكل راحه ان الزواج قسمه ونصيب وانتي سعيده بكل شي كتبه الله لك وماندري لو ان اقدارنا التي نعتقد انها سيئة مثل الفقد وغيرها كانت فيها رفع للدرجات وتخفيف ذنوب بل دخول الجنه سبحان الله✨✨✨❤️
اريدك ان تقرري وان تبدأي نريد نماذج وقدوات بالمجتمع نريد قدوات للسنين القادمه وللأجيال القادمة
والخير موجود لكن نريد المزيد والمزيد من النماذج التي تشعر الجميع بالفخر 👏🏻✨❤️
نريد تنافسا شديدا وتنافسا محمودا للتميز ونفع المجتمع ووضع البصمة التى لاتنسى ولاترول👍🏻🕊♥️
انطلقي رعاك الله وحرسك بعينه التي لاتنام✨🌹
✨✨✨♥️♥️♥️