الزواج كان اكبر صدمه بحياتي 😭

مساء الخير بنات حواء اتمني تحتووني بنصايحكم اللي مانستغني عنها
اولا انا يوم كنت ماني متزوجه كانت حياتي عباره عن روحات وجيات نسافر بالسنه مرتين ماحد يحاسبني على روحاتي وجياتي الحمدلله عشت بعايله ملتزمه دينيا وماهي معقده طبعا عندي الوالده والوالد الله يحفظهم مسلميني اغلب شي بالبيت لاني اكبر وحده موجوده نروح مهرجانات بالصيف وايام الشتاء لو تنقط نقطه مطر اخذت فرشتي وطلعنا للحديقه انا وبنات عمتي ماكان يهمني شي كان بيتنا مره قريب من حديقه عامه ومول يعني شارع تجاري اذ جو بنات خالتي او عمتي لبيتنا نروح على رجلينا نتسوق لين نشبع ونرجع
ومع كل هالدلع كنت متقطعه على الزواج اقول راح عمري وانا ماتزوجت عمري 31 كنت دايما اقول ليتني اصير ام واكون اسره
تزوجت بشهر 4 تحسفت ندمت على كل لحظه تمنيت فيها الزواج ماشفت منه شي بالعكس محترمني وطيب بس طفش ماتوقعت الزواج كذا روتين ممممممل لابعد حد
ايام العزوبيه لو اقعد فاضيه وطفشانه اطلع مع امي لاي مكان او اكلم وحده من بنات عمتي نتمشى
انا اللي فيني البلاء ولا الحياه الزوجيه كذا وشلون متأقلمين
انا ماعرف اقعد كذا تعودت على تغيير الروتين
آآه ياحنيني لايام العزوبيه الزواج كان اكبر صدمه بحياتي
جعل من تنصحني او تجبر بخاطري ربي يجبر بخاطرها باللي تتمناه