الزواج من أي جنسيه بالنسبه لي عادي
كل شخص يمتلك حرية القرار والاختيار طالما لا يخالف الدين والقانون
لكن اختلف مع كلامك بخصوص انه من انجح الزواجات و ... الخ
لان رغم قلة الزواجات من الجنسيات المختلفه إلا اننا نلاقي حالات الطلاق فيه كثيره
وانا اكتب التعليق جاء في بالي كذا شخص سعوديين متزوجين اجنبيات وهم مشاهير وبعد ما مرت السنوات وجابو اطفال تطلقو
وفي حالات ثانيه الزوجه تهرب لبلدها مع الاطفال وتتطلق
وعكس كلامك تماماً اقوى اسباب طلاقهم عدم القدره على التعايش مع ثقافه مختلفه
حتى وان حاولوا يعيشون في بلد ثاني غالباً مايقدرون يكملون ويتطلقون
وطبعاً هذا الكلام لا يعني انه مافي حالات زواج ناجحه اكيد في واستمرارايتها قايمه على الصبر والتفهم وقوة التسليك والتفويت مثلها مثل أي زواج ثاني ممكن يمر بصعوبات

انا اتفق مع ياسمين بعض الدول عندهم انفتاح على الشعوب الأخرة زي مصر مثلا وتونس ولبنان فيتقبلوا فكرة الزواج من جنسية ثانية أما المجتمع الي متحفظ زي ليبيا وأغلب دول الخليج وبعض دول الشام ما ينفع معاهم الزواج من هالنوع وضحيته دائما الزوجة والأطفال حياتهم بيقضونها بالإدارات الحكومية هذا غير نظرة الدونية من فئة كبيرة من المجتمع ويمكن تنمر واستنقاص و شكوك لذلك أنا ضد بقوة ومع إن كل وحدة تتزوج من دولتها أريح لها عشان تقدر تحقق التكافؤ بأعلى مستوى.

عني انا انسانه منغلقه ما اتقبل الا اللي يشبه بيئتي ويشبهني

في عوائل تتقبل وبنات قويات شخصيه تقدر تأخذ قرار صحيح

نهائيًا أنا ضد هذا النوع من الزواج مهما انقال عن نجاحه صراحة حلاة الثوب رقعته منه وفيه والاختلاف الكبير في العادات والتفكير مو دايم يكون ميزة
أحيانًا يكون بداية فجوة تكبر مع الوقت لأن مو كل اختلاف جميل في أشياء أساسية صعب تتغير مثل طريقة التربية ونظرة الرجل للمرأة وتدخل الأهل وحتى تفاصيل الحياة اليومية هذي مو أشياء بسيطة تنحل بالحب أو التقبل

ممكن أتقبل لو كان من دول الخليج مثل كويتي 🇰🇼 أو قطري 🇶🇦 أو بحريني 🇧🇭 أو عماني 🇴🇲 لأن في تقارب واضح بالعادات والتقاليد وطريقة الحياة فالتفاهم يكون أسهل بكثير

أما لما يكون الاختلاف جذري مثل مصري 🇪🇬 أو سوري 🇸🇾
أو غيره أشوف التوافق شبه معدوم كل طرف جاي بثقافة مختلفة تمامًا واللي بالبداية ينشاف اختلاف جميل يتحول مع الوقت لضغط وخلافات وبالنهاية الزواج من نفس البيئة أريح وأضمن بكثير