عااادي عاداتنا وحدة

لكن المشكلة بعد الأهل بس انا بيني وبين اهلي نص ساعة ..احس اني بعيدة عنهم

اختي بقولك خلاصة الكلام واطيب الكلام وافيده والله لو تروحي تتوضيء وتصلي ركعتين وتدعين في التشهد الاخير دعاء الاستخاره افضلك واطيب لخاطرك اللي المس انك تبغين هذا الزواج يتم فااتبعي رغبتك بصلاة الاستخار مره واثنين حتى يتبين لك الامر عزيزتي والله يكتب لك السعاده وتاخذي السعاده حيثما كانت

انا اشوفه عادي

لأن دول الخليج اغلبهم عاداتهم وحده ومافيه فرق

بقولك تجربتي ..

أنا كويتية وزوجي قصمنجي من قلب مع إن جنسيته كويتي بس هواه وحياته وكلامه وكل كل شيء القصيم .... ما اقولك إن التوافق 100% لكن سعيده ولله الحمد
وعلى قولته إحنا تصادم حضارات أنا أحب الليل وأهو يحب النهار أحب الملح يحب السكر على النققيض بكل شيء بس على قولته الحياة توافق الأضداد وتكامل في العمليه ليل ونهار وملح وشكر فإذن التكامل موجود:32::32:


خالتي متزوجه سعودي وساكنه الرياض سعيده في حياتها

صديقتي سعوووووديه وماخذه كويتي والوضع جدا مريح وعمتها سعوديه ماخذه كويتي مع إنها المره الثانيه وشايلها فوق راسه

وايد حالالالالالالالالالات متزوجين سعودياين أو كويتي متزوج سعوديه ترى ما فيها فرق إلا باللكنه الخليجية وإلا الوضع جدا جدا عادي


وأزيدك من الشعر بيت صرت اتكلم قصيمي .." بووه مير نيم "
:35:

سؤال يابنات
اذا تقدم لك اثنين واحد من بلدك والثاني خليجي
اللي من بلدك شكل مقبول لكنه عاطل ولا عنده شقه ويبي يسكنك مع اهله واذا تحسن ماديته تطلعون شقه وبعد مايملك عليك يقول بيشتغل
والخليجي متزوج مو هو اللي تتمنينه مو متقبلته !! وماديته ممتازه رجل اعمال نفس مستواكم مستعد يسوي لك كل شي ومتمسك فيك يبيك بعد ماشافك
اكيد في استخاره بس انتي مين تختارين بدايه خاصه اذا كنت مو صغيره مثل مايقلون عنستي ومو كل يوم يجيك عريس