إذا الفرق مو كبير ما فيها مشكله

أنا الفرق بيني وبين زوجي 11 سنه

بس جداً متفاهمين ومنسجمين أنا وهو

والحمد لله

و وحده من صديقاتي بينها وبين زوجها 15 سنه ونفس الشئ
الله لا يغير علينا

لكن في نفس الوقت وحده من صديقاتي متزوجه واحد كبير بينها وبينه حوالي 25 سنه
في البدايه إنبسطت بس بعدين عظت أصابع يدها ندم
وتقول لو يرجع الزمن وراء كان أخذت واحد من سني حتى لو كان راتبه قليل بس يكون شباب زي

يحس في وأحس فيه

وأولاً وأخيراً التوفيق من رب العالمين

:26: :26: :26:

انا كان شرطي انه يكون اكثر فرق بيننا 3 سنين عشان نعيش شبابنا سوا


لكن زوجي اللي هو الشخص الوحيد اللي اقنعني الفرق بيننا 9 سنين

الحين بعد 5 سنين زواج اقول الفرق لحد 25 سنة منطق لكن مو اكثر


واهم شيء الاخلاق والدين

وبعدين ما تنلام اللي تبيه جاهز ماديا؟؟

ياساتر فرق 25 سنه !!
ليه بس :D

بصراحه بنظري العاقله تاخذ شاب مثلها واكبر فرق عندي 10 سنوات وبسسس
علشان تكون افكارهم ونفسياتهم ورغباتهم متقاربه ولا راح تتعب بعدين وتعض اصابع الندم بس بعد ايش !!

اما بخصوص المتزوج اذ فيه سبب شرعي للتعدد مثل مرض زوجته او عدم قدرتها على تلبية حقه الشرعي او عقمها كااان بها والله يوفقها

اما الي تاخذ زوج متزوج ماعنده ولا سبب غير انه يبي يغير ويستمتع بعروس جديده فاقول لها كما تدين تدان وبعد فتره بيمل منك برضو ويدور غيرك فالاتزعلين وتذكري زوجته الاوله كيف قهرتيها واستحملي وذوقي الي ذاقته :D

والله يوفق الكل لاختيار موفق وسعيد باذن الله :26:



..

.

جمال وصحة المراه تزولان بسرعه ان اردنا الواقع الحقيقي لذالك فارق العمر لمن تهتم بالتجدد والشباب يكون منقذ في تلك المرحله
كذالك بالنسبه لنضج وبرود الاعصاب وتقبل الامور بشكل اقل اندفاع متواجده عند الرجل الكبير ولن اقول الهرم بل اقول الكبير لوووول

كذالك الوضع المادي حق اساسي لاي فتاه مقبله على تاْسيس منزل واسره وابناء وذالك لا عيب فيه بل على العكس دليل على اهتمامها بالضروريات قبل قصص الخيال الوردي التي غالباً ما تنصدم بالواقع المادي الاليم..

القناعات مختلفه والاذواق كذالك مختلفه والتصورات تتباعد بين البعض فا لا يمكن التعميم في مثل تلك الامور التي قد نتحدث عنها بشكل تلقائي وساذج احينا لان الضروف ليست واقعه الان امامنا وعلى مرآنا بل مجرد كلام ×في كلام

الامور كلها بيد الله

ولكن غالباً الهوه تبدا ما بين 9 الى 12 سنه فرق في العمر وبتالي فرق بالتفكير وووووو الخ

فا من حرص على تعديل وتغيير شخصيته مع فارق عمري قليل مع شريك حياته فل يحرص على الشاب الصغير اما من وصلت الى مرحله معينه في التطور النفسي والشخصي ومستوى نضج معين فلتقبل بالكبير ان كان هو خيارها الوحيد الامثل؟


وهذا ما اتصوره والله يوفق الجميع

يعطيكم العافيه جميعاً على تفاعلكم الجاد معي في هذا الموضوع .

ولكن عندي توضيح للأخت ( القصيمية ) .....
أنا معك .. مو مشكله انها تتزوج برجل كبير في السن ولكن يكون الفارق السني بينهم قليل ..
اذا تزوجت برجل يكبرها بالسن راح تتدلل معه ولكن ما حتكون مبسوطة في النهاية .

شوفي أم هديل . الله يعطيهاالعافيه ذكرت لنا مثال عن الزواج بالرجل الكبير في السن .:44:

أما الأخت : المتغلية ...
مو مشكله انه يكون عشر سنوات ولكن المشكله اذا كانت أكثر راح يكون اختلاف بينهم في التعامل وفي الطباع وغيره ... أما الزواج على الأولى والثانية ... أذكر لكم قصه واقيه ذكرتها
لي إحدى صديقاتي .. وهي أن أخت زوجها تزوجت من شخص متزوج من اثنتين وهي الثالثه فكانوا زوجاته الثلاث في جلسه ... فقالت الأولى سوف أزوجك الرابعه فزعلت الثالثه وقالت كيف تزوجينه ... مع أن الثالثه صغيره في السن وتملك من الجمال الشيء الكبير ... فكانت النهاية أن الرجل تزوج بالرابعه .. ( وكما تدين تدان ).. والرجل ليس لديه سبب لتكرار الزواج ولكنها المتعه.:11:

ياعسل shai5ah ... اللهم لا تجعل الدنيا أكبر همنا ...
لو تزوجت برجل يحقق لها أحلامها ولم يستطع تحقيق السعاده لها بسبب كبر سنه ... فأين تكون هذه السعاده ؟ هل تكون سعادة الزواج في وجهة نظرك في المال فقط ؟ :44::11::06:

وتقبلوا تحياتي ...