ياحبيبتي الله يكتب لك الخير
انا ماعندي أولى وثانيه ولا دافعت عنهم
بس أسألك بالله كلام الأخت الرجال مايعيبه إلا جيبه صدق والا لا
وين راح دينه وين راح أخلاقه
محظوظ الرجال بمجتمعنا صراحه
Amon27
•
أسماء :
اﻵسباب بس ههههههههههههههههههه اجل لسانها طويل ترى مقيوله الحرمة من رجالها وماقدر على لسانها ياعيني اجل الثانية شلون بتفك عمرها لا والعذر الثاني الرجل هاوي سفر واﻵولى تكره السفر بالعقل في احد يكرة السفر والوناسة وتغيير الجو الغرض من هالعذر يغري المسكينه اللي خاطبها ويعطل تفكيرها اعذاره غير مقنعه وبصراحه تستدعي التفكير ميين من كﻻمه شكل الفخ وحتى فخ قديم وياما اللي جربن وندمن لو ودها تجرب خليها تجرب المكسب لو ليه مكسب لهى والخساره عليهااﻵسباب بس ههههههههههههههههههه اجل لسانها طويل ترى مقيوله الحرمة من رجالها وماقدر على لسانها...
هذا اللي قصدته..منهامتعة ومنها شهر عسل مثل مايتمنى ووجه جديد ولبس وكلام فاضي..هذه مش تجارب او عقد واضحه:
يبيها تسافر معه ويدلعها...آخرتها بتقعد في ارضها وياعالم الله لا يقول يطلع زواجه تاديب للاولى..
اسباب غير مقنعه ومالها داعي ..هذا رايي
يبيها تسافر معه ويدلعها...آخرتها بتقعد في ارضها وياعالم الله لا يقول يطلع زواجه تاديب للاولى..
اسباب غير مقنعه ومالها داعي ..هذا رايي
اختي انصحك والله فكري زين وتزوجي على الأقل بكره يكون عندك بيت وذرية مو زي حالتك اللحين ماعليك من كلامه نكديه ولابكيفها اهم شيء انتي تعرفين لنفسك وتعيشين زي ماتبين وكأنك زوجته الأولى اعرف بنات كثار اخذوا متزوجين وحياتهم عايشينها حلوه وكانوا بالبداية يعطون اعذار لزواجهم وهم اللحين قمة بالأخلاق مع زوجاتهم ليش لأنها عرفت له وعرفت كيف تجيبه من رأسه يعني حياتك عيشيها انتي وبمزاجك انتي مايحتاج تتدخلين احد فيها لان اللي هي زوجة اولى بتقولك تظلمينها والخ وبيطلقك ومن هالكلام ماراح يشجعونك يخافون ازواجهم بكره يتزوجون عليهم حطي ببالك اما اللي ماتزوجت من حقها تشوف حياتها وتعيش كزوجة وكأم يعني هو اللي جاء يخطبها مو هي اللي رمت نفسها عليه يعني خليكم من هالكلام والله اللي ماانخطبت او عمرها كبير وماتزوجت هي اللي عايشه الحاله وبتحس بغيرها غيرها مايهتم ويقولون لك وش لك بالرجال لانها تزوجت وعاشت حياتها بطولها وعرضها ومرتاحة مااحد يعرف ظروف اي احد الا اللي مجرب فينا اللي عايشه وحدها يتيمة واللي عند اخوانه وحريم اخوانها ظالمينها ومنكدين عيشتها وفيه اللي اخواتها كلهم تزوجوا وفيه اللي اهلها ماعندهم يصرفون عليها الخ فلا احد يأثر فيك شوفي اللي يناسبك وتوكلي على الله والله يسهل لك ويسهل لي وللجميع والوحده تحط ببالها اذا زوجك في راسه العرس بياخذ فلان ولا علانه المهم هو بيتزوج بيتزوج يعني مايفرق ولا احد له شغل بالناس اللي ربي يكتبه هو اللي بيصير يعني اخلاقه زينه وراتبه زين وش اللي يمنعك ماتتزوجينه وربي الرجال اللي بيحب زوجته بيحبه سوآء الأولى أو الثانيه او الآخيره الحب من الله ماله شغل بايش سويتي ولافعلتي فيه رجال نكديين وماينطاقون وفيه حريم بعد نفس الشيء وظالمين أنفسهم بتصرفاتهم وأخلاقهم مايتعاشرون ومااحد يبيهم لا أهل زوج ولا صديقات من معاملتهم وشوفة أنفسهم يعني الزين يفرض نفسه والشين بيبان مع الوقت مهما جامل فالزواج قسمة ونصيب ومكتوب وأنتي ببطن امك مهما اخطبوك عزابية نصيبك بيكون مثلاً لمتزوج فالله مايقدم الأ الخير والله يوفق
أرجع وأقول فكرررري بنفسك فقط .ماعليك من اللي ماتبيك تاخذين متزوج لانها ماتبي الكل يفكر فيهم لانها تفكر بنفسها .ومحد نافعك لو طار من يدك لاهن خاطباتك لخوانهم ولا عيالهم ولا يبغونك تاخذين متزوج. وكل وحده تقغل جهازها وتنشغل بينها وعيالها وانتي مافكرا بوضعك ولا شي أهم شي لاتاخذي متزوج عندهن !
وبعدين تعالي متزوج وعنده خير يساعد بتوفير حياة كريمه لكن .
ولا فقران ومتزوج ؟!
وبعدين تعالي متزوج وعنده خير يساعد بتوفير حياة كريمه لكن .
ولا فقران ومتزوج ؟!
الصفحة الأخيرة
اشفيكم يابنات تعقدتو من الرجال والزواج..
انا مالحقت اتزوجه علشان تدافعو عن الاولى اللي انا اصلا ماعرف عنها شئ..
معلش فيه حريم يقطعون الخميرة من البيت من كثر النكد وفيه رجال كذلك..
يعني مثل مافيه رجل شين فيه مرأة شينة..
انا شاورتكم لانه فعلا لاحظت اغلب اللي حابين يتزوجوني متزوجين لدرجة تعبت لاول مرة افكر اقبل بمتزوج وخاصة هو حلف لي بانها امرأة نكدية جدا وهو ماحاب يطلقها ويظلمها فقال يمكن هي لما تشوفني تزوجت تطلب بنفسها الطلاق.