وعلى سيرة المدخنين
انا ابوي مدخن ومثل ذكرت بائعة المسك ان المدخن ريحته دايماً دخان لانه كل ربع ساعه او اقل يدخن
وغرفة النوم اول ما أمر جنبها ريحة الدخان تنبعث منها واذا الباب مفتوح يتعبى البيت كله ريحة دخان
والثياب او الفرش او الكنب نصها تلقين اطرافها منخرم بسبب انها تطيح عليه او الرماد حقها اذا طاح يحرق
تخيلي حتى الملابس والكنب والستاير لاصق فيهم ريحة الدخان !! . . حتى المناديل انا كذا مره اخذ منديل من غرفة امي وابوي وريحته دخان قوووي
والكحه والبلغم والضغط والسكر دايماً مرتفع ، والمزاج المتعكر والعصبيه اذا مادخن حدث ولا حرج
وايام الصيام الناس تشتكي العطش او الجوع ، اما المدخن يشتكي من الزقاره واول مايقول الاذان الله اكبر افطر على زقاره
ومن سنوات ابوي استأصلو منه ورم حميد فوق الكليه بسبب التدخين
وفوق كل المصايب اللي صارت لصحته من الدخان لكن مايقدر يتركه يمكن بس وقت الرعب والخوف يحاول يخفف التدخين واول ماينسى الخوف يرجع له بشراهه ماكأنه صار شي
الله يشفي كل مدخن من هذي الآفة اللي دمرتهم
الصفحة الأخيرة
كأنكم تقولون لهم اصبرو علينا
خاصة ان بعض الامهات لما تخطب لولدها تتعب وهي تبحث عن بنات فتتمسك في البنت اللي تعجبها او اللي لقت مواصفات ولدها فيها
الدعوى مو قصة حب او الخاطب نفسه فيها خاصة اذا مايعرفونه ولا عمره شافها الا بالشوفه الشرعيه لا تضحكون على انفسكم بهذا الشي
وهذا الشي صار معنا امي ردت عليهم شاورنا البنت و ماتفكر بالزواج وبتكمل الدراسه مع ان الرد مجرد عذر لان اهلي مو موافقين عليه من الاساس ، وام الخاطب مابقى كلمه ماقالتها تقول مو مشكله تكمل دراستها ونصبر واخر شي فهمت صريح ان اهلي مو موافقين تخيلي قالت لامي عندكم بنات من اهلكم بسن زواج ههههههههههه
فمن الاخر ترى الزواج مو اجبار اذا هي رافضة فكرة الزوج المدخن ورفضته من البدايه لا تسمع لاي ضغوط لان ماحد راح يتحمل النتائج غيرها
وانا ما اقول خليها ترفض ولا اقول خليها تقبل
خليها تفكر بنفسها فقط لان هي اللي راح تعيش معه العمر كله
وترى الرجال لما يخطبون يتشرطون مليون شرط ويبحثون عن جمال وجسم وشعر وشياكه ونعومه واخلاق ونسب ، واعتقد من حق البنت تختار اللي يناسبها بدون حب خشوم ولا اجبار