الزواج من شاب سعودي !!

ماعندي حل

لكن توقعت من الموضوع ان المطلوب معلومات عن
الزواج من شاب سعودي

لأن المشكلة تتعلق بـ زوج و زوجه بغض النظر عن جنسياتهم

الله يعينها ..

ماعندي حل

لكن توقعت من الموضوع ان المطلوب معلومات عن
الزواج من شاب سعودي

لأن المشكلة تتعلق بـ زوج و زوجه بغض النظر عن جنسياتهم

للاسف هذا حال اغلب الحريم الاان مع رجالهم الخليجين و السعودييين بصوره خاصه

قولي تنحاش الله ابوها حياه هذي اخرتها

تسلمون حبيباتي عالرد والتعليق ..

لكن لين الحين محد حااااول انه يحل هذي المشكله !!!

اختي دندوووشه ..

صديقتي واايد حساسه .. وكانت تتمنى الريل اللي يحبها ويحس فيها ويداريها .. لكن للاسف .. !

تخيلي صديقتي الحين حامل .. وفي الشهر الثامن .. كانت فالامارات من كم شهر عشان تسوي عملية الربط .. تخيلي يلست بيت اهلها بالشهوور وهو مايصرف عليها !!! ولا على ولدها ..

بصراحه هيه تعبت من كثر ماتقوله طرشلنا مصروف وهو ولا هامنه الموضوع !!!

يلست المسكينه فالامارات بالاشهر ... فالسنه حسنه يدق عليها ويطمن على حالتها !!

ومن عقبها وحليلها شلت بعمرها ورجعت السعوديه ... لأنها وايد تلومت في أهلها !!

ومن سنه تقريبا ... صارت مشكله كبيره بينه وبينها .. ورجعت عند اهلها في الامارات

ويلست بالشهور .. وهو ولا يسأل عنها ... ولا مهتم !!

أهلها طلبوا منه ان يطلقها ... وبدوره طرش امه (المستبده ) عشان تنشع البنت بقوه من اهلها

وكانوا اهل صديقتي مصرين عالطلاق .... وهيه كانت كارهتنه وكاره الساعه اللي تزوجته فيها ..

بس سبحان الله ماتم الطلاق ... وكانت هيه في هالفتره تصلي استخاره ... ياها مره واعترف بذنبه وغلطته ..

ووعدها انه يسكنها في بيت بروحها ... مع العلم كانت قبل ساكنه مع اهل ريلها في غرفة وحده بس .. والحمااااااااااام ( عزكم الله ) مشترك بينها وبين عمتها !!!!!!

وفعلا ردت السعوديه معاه وسكنها في شقه بروحها ...... ولكن ردت حليمه لعادتها القديمه !!!

ومازالت المشكله لحد الان .... والله انا اللي ذكرته هني من حياتها هذا نقطه في بحر من مشاكلها مع هالانسان !!!

صدق مشاكل مالها حل غير الطلاااااااااااااق ....... وانا كم مره نصحتها بالطلاق ...

بس هيه ماتبا تطلق !! عشان خاااااااااطر عيالها ... !!!

من ينقذ هالمسكينه ويعطيها حلول ولو كانت بسيطه .... يمكن تقدر تساعدها في حياتها ..


وربي يوفقكم ..