الزواج من شخص من مدينه اخرى

السلام عليكم بنات .. بدون مقدمات انا في موضوع مؤرقني وتاعبني جداً انا احب شخص اكثر من ست سنوات وتقدم لخطبتي شخص من جماعتنا بالوقت اللي الشخص اللي احبه ناوي يتقدم لخطبتي والموضوع معقد جداً
اولاً انه شخص من مدينه ثانيه يعني تبعد عني الف كيلو واهلي رافضين فكره اني اتزوج واحد مايعرفون عنه شيء ابد ويقولون دام فيه انسان قريب نعطيك البعيد ليه؟
يعني مدري كيف اقنع اهلي بالفكره وخايفه لان كل اللي حولي رافضين بنظرهم ان الحب مو كل شيء واني اتصرف بطريقه عاطفيه وبعدين راح اعيش هناك وحيده بعيد عن اهلي والرجل ماتقدرين تكتشفين خيره من شره لين ترتبطين فيه وتعيشين معه تحت سقف واحد.. وانا وياه متعلقين في بعض بشكل كبير خايفه اذا تركته ماقدر اكون مبسوطه مع انسان غيره ويطلع الي تزوجته بعقلي للحين على صلة بحبيبته قبل الزواج لان الاغلبيه كذا يتزوج تقليدي ومستمر مع حبيبته واكون خسرت الشخص اللي يحبني عشان انسان كذا واجلس كل يوم اندم واتحسر وخايفه اني اصر واعاند كل الي حولي واذا عشت معاه اندم واقول ليتني سمعت كلام اهلي
بنات انا اعرف ان بعضكم يمكن يعتبرها مشكله سخيفه بس للاسف مو قادره انام وارتاح من كثر التفكير
اللي ابغى اعرفه رايكم في الزواج من شخص من مدينة ثانيه والبعد عن الاهل خاصة اذا زواج عن حب هل راح يكون فاشل والحب ينتهي مع الوقت ؟
وكيف يقتنعون الاهل ويسالون عنه لانه من مدينه ثانيه
علماً اني حاولت اكثر من مره اطلعه من حياتي وماقدرت وحتى هو ماكان يخليني ابعد .. الله يرضى عليكم اللي عنده حل يساعدني او كلام ينورني ويوجهني يكتبه واللي عنده كلام فيه تجريح يحتفظ فيه.🌿+ امانه بنات ادعولي ربي ينور بصيرتي ويختار لي اللي فيه خير لي