بصراحه انا ماعتقد ان فيه سعودي فى كامل قوه العقليه
يتزوج فلبينيه او اندونيسيه او كوريه او من اي دوله من شرق اسياء
بدون مايكون فى الموضوع سحر واعمال شعوذه
ممكن اتقبل فكرة ان سعودي يتزوج خليجيه او عربيه او حتى اوربيه
لكن الايام فى الغالب تكشف لى ان هالنوع من الزيجات
مواقت والغرض منه واضح مايحتاج ابراره مايصبر على فضايح وكبوات السعودي غير سعوديه
من اول ازمن الى اخره شاء من شاء واباء من اباء
مرده لبنت بلده وفى حال استمر زوجه من الاجنبيه مساكين عيالهم لاهم ياخذون من خوالهم ولا ينفع ياخذون من عيالهم
فى عقده وع اخذ ولد المصريه او معاد بالا اهي اخذ بنت اسوريه ويقومن الناس يعيرونهم ياعيال المصريه ياعيال السوريه
مجتمع متخلف صراحه لكن الحمد لله فى محيط عايلتنا مافيه زواج من الاجانب على اني ماستبعد مواضيع زواج السر فى الاخير كل رجال مخزن اسرار
لكن عندنا جيرنا امهم سوريه فدايم ينادون عيالهم حتى فى المدرسه ياعيال السوريه

اعرررف ناس كذا متزوجين

وبعضهم عايشين ماعليهم وامورهم زينه

وتعودو على العادات


بس البعض اممممممم نووو

حلوووغندور وش فيهم عيال السوريه ياليتني اخذ ولد سووووريه ماشاء الله كاملين والكامل الله واحسن من عيال السعوديين الي وجهه كنه صحن شكشوكه لا ونفس شينه وتعامل زززززفت اللهم لك الحمد الله يصبرنا عليهم بسسسس
امنيييييتي اتزززوج اجنبي فرنسي او تركي مسلم

خالي زوجته نمساويه وعايشه بالسعوديه
من ست سنوات وعندها ولدين
اخلاقها روعه حتى احسها ملتزمه اكثر من حريمنا
دايما تلبس كم طويل حتى الكل يستغرب منها بالاعراس وهي محتشمه صارالاحتشام عمله نادره
بالاعراس

النقطه الاهم هي اللي ذكروها البنات
اولادهم بالمستقبل ماحد يتقبل الزواج منهم
كل ماقالو نخطب بنت فلان قالو انحاشو ترى امها اجنبيه
وش يعني امها اجنبيه .. هي سعوديه وابوها سعودي
بس عندنا تفكير غريب
زميلة اختي تزوجة عامل عند ابوها من الجنسيه التركيه قبل 5 سنوات
وراحت معه تركيا وعايشه بقريه وفقر وحاله صعبه وماتزو اهلها الا مره بالسنه
ومع كذا تقول مستحيل اتركه او اطلق بالعكس الفقر مو عيب اهم شي لقيت سعادتي واحترامي معه
مع ان ابوها من اكبر تجار الرياض بس ماتدرين وين النصيب