ياهلا السيدة ماما
أكيد هالنوع من الزواج له سلبيات وبيتعرض لمشاكل كثيره غير اللي ذكرتيها
لكن دام الزوج يحترم ويقدر زوجته بالتالي الأطفال بيحترمون امهم وبيقدرونها وما بيهتمون بكلام النااس وحتى لو سمعو كلام يغث اكيد مابيحتقرون امهم وبيتحملون علشانها
وعمومن أنا اللي حبيت اوصله اذا اللقيطه تربت في بيئة محترمه وملتزمه مابيأثر العرق على أخلاقها وتصرفاتها
:26:
ياهلا السيدة ماما
أكيد هالنوع من الزواج له سلبيات وبيتعرض لمشاكل كثيره غير اللي ذكرتيها
لكن...
شكرا عزيزتي على مشاركتج .. ما بقولج ليش اضايقتي او لا تنرفزين عمرج .. رد فعلج وايد طبيعي .. بس عزيزتي نحن مش قصدنا نجرحج او نجرح غيرج .. نحن عايشين في مجتمع و متأثرين به .. أكيد سلبي .. بس ها غصبا عننا .. صح الانسان لازم يعمل على تغيير ها السلبية للإجابية عشان جي طرحت الموضوع عشان نعرف ان في ناس وايد يتقبلون اللقطاء و الحمدلله عايشين في خير مثلج .. يزا الله امج و ابوج ألف خير يا رب
لا تزعلين يا أم سعيد .. و لا تكدرين خاطرج .. إذا أنا أو غيري كان عدنا فكرة غلط ، أكيد بإذن الله بتتغير للأحسن .. أنا في ناس سألوني عن ها الموضوع ، لأنهم رايحين يخطبون وحدة قصتها نفس قصتج .. ما بغيت اتفلسف و أقول كلام بتندم عليه بعدين .. او اظلم من وراه حد .. الحين اذا بغيت اتكلم بقولهم ما فيها شي و وايد ناس ما عندهم مانع او ما يعارضون يناسبون ها اللقيطة
و على قولة بعض الخوات .. بعض اللقيطات الحمدلله احسن مليون مرة من ناس عاديين بعد ما انتشر الفساد في بلادنا
و بالنسبة "للعرج دساس" ها الشي عام .. يعني حتى الانسان غير اللقيط عرجه دساس .. يمكن يطلع فيه شي ما كان موجود الا في جده العاشر او السابع .. و ها العرج يا زين يا شين
يزاج الله خير على مشاركتج .. و ان شاء الله ربنا يوفقج مع زوجك و يبارك في عيالج و يحفظلج امج و ابوج