الزواج من متزوج معدد بالستين او الانتظار الأصعب

انا عمري نهاية الثلاثينات يا بنات مطلقة طبعا اكيد بعضكم يعرفني ويعرف قصتي
المهم تقدم لي الكثير ما يحصل نصيب اذا كان رجل كفؤ فان موضوعي مايتم لأسباب تتعلق بالرجل نفسه وإذا رجل مافيه خير ارفضه يازما كبير بالسن ومزواج ويطلق كثير ومن هالامور
الحين انا وصلت مرحلة صعبة كثير صبرت وصبرت وصبرت لكن اللحين احس الامر خرج من يدي
ولأسباب كثيرة تتعلق بي شخصيا وللظروف الصعبة اللي انا عايشتها ولحياة اهلي اللي كلها معاناة
المهم من الاخر الايام ذي تقدم لي كبير بالسن بالستين ومزواج على ماسمعت ياخذ ويطلق
له حرمتين في ذمته وانا قاعدة امشي في إجراءات الزواج منه بدون اي قناعة اللهم حلمي اطلع ببيت لحالي وأتمتع بحلم طالما تمنيته الأمومة وأشوف أولادي قدامي واربيهم
هو واعدني يوفر لي كل شي ابيه ولا يقصر علي
الان هل انا ماشيه بالطريق الصح
هل الحل الي اتخذته صحيح لو نسبيا
انا أتعذب الليل والنهار ابي ارتاح والله مليت مليت
استشرت والناس تشير علي انه ارفضه
امي وابوي رفضوا يقولوا مو دايم كل ماجاك احد طلعتي عذاريبه
وانا والله الاقي نفسي مستسلمة وراغبة بالزواج والحياة اللي احسها محرومة منها
اللهم يسر امري ان كان خيرا لي ولا تعسر علي وان كان شرا اصرفه ويعوضني خيرا منه ... ادعو لي يابنات انا اخت لكم محتاجة الدعاء والوقفة
اقسم بالله اني ماتوقعت حياتي تكون بهذا الشكل زواج وفشل وبهذل