الزواج من مخلوع !!

السلام عليكمحبيباتي زي ماذكرت ف السابق انا مطلقه وعندي بنت تقدملي شخص مطلق (مخلوع)ولديه طفلان قبل يومان كانت خطبة الرجال الرسميه وتبقى التحاليل حتى نملك.انا مستخيره كثير ومرتاحه لكن ف نفس الوقت خايفه مره مره يابنات ومانفسي اكرر التجربه السابقه وخايفه مرررررههو كان متزوج لمدة ٣سنين وزوجته كانت دوبها ف الثانوي يعني نقول عمرها الان يمكن٢٣، اطفاله اعمارهم فوق بعض سنه ونص وسنتان بينهم حمل البطن بس ، والان له مطلق قريب ٦ شهوراُمه بعد ذكر اسباب الطلاق وغالبا كانت لانو طليقته ماتبا تسكن معاه ف الغربه تبغا عند اهلها بالاضافه انو يستقدملها سواق وخدامه واسباب اخرى اكتفي بهذا القدر ،ف تقول انو طليقته خلعته وهوا ماكان ناوي يطلق عشان اطفاله حرام صغار لايتشتتو ودخل وساطه وخيلانها وحاول لكن طليقته رافضه .!! وتحلف تقول ما اخذ منها لامهر ولا حاجه ووكل ابوه يروح عنه المحكمه يتابع القضيه لانه ماله بالحاكم والمشاكل وبحكم انه ف منطقه بعيده . واطفاله مع امهم يشوفهم بس ١٠ساعات كل ويكند، وقالو احتمال لو تزوج حترميله العيال ف حنستقدملك فلبينيه وهذا كان شرط ابويا كمان وتم الاتفاق عليه ، ايضاً اذا اطفاله معاه ف بنتي كمان معايا ووافق . عموما وقت الخطوبه كان فيه ارتياح من قبل اهلي واهله وخرجو من عندنا مبسوطين وهذا الشيء ريحني.بس انا خايفه هل مداه نساها ؟ اخاف ياخذني عشان يقهرها ويرجعها؟ مع انه عمره ٣٣ يتهيألي يفكر ف الاستقرار وماهو فاضي لهدي الاعيب خصوصي انو هوا ساكن ف منطقه بعيده عن اهلي واهله بحكم شغله .لكن موضوع الخلع كمان مخوفني ماهو مطلقها ولا طلقه ! احترت وربي كل يوم استخير وكل يوم افكر واخاف اورط عمري بهذي الزواجه يكون فيه شيء ثاني مانعرفه لاقدر الله.مع انو سالنا عنه ف دوامه واهله واللي نعرفهم وكلهم مدحوه ومدحو بره لابوه وانه مصلي من البيت للمسجد وهادي جداً ،ولاحد يقولي كلمي طليقته او اهل طليقته لانو اهلي مستحيل يرضو وماعندهم هذا الكلامغير كذا يوم الخطبه قالو نبغا الزواج ف شعبان يعني هذا الشهر؟ عشان اجازته السنويه ف شوال يصير نسافر ويبغو العقد والزواج ف يوم واحد ؟ مافيه فتره بينهم، ابويا وانا رفضنا تماماً بحكم انو لازم فترة ملكه اعرفه ويعرفني ناسبكم اهلا وسهلا ماناسبكم مالنا نصيب معاكم ، لكن وافقو الحمدلله ووقت الملكه اكيد كلو حيبان! بس شكلي حضيع على نفسي شهر عسل ههههههه .شاورو علي ي اخواتي ف الله ! وانصحوني بشيء يفيدني لو تم الموضوع ، واتجنب ايش ! ولو فيه مطلقه تزوجت من مطلق تعطينا نصايحها !