(الزواج ) هل هو أمر أساسي ووسيله للسعاده..أم أمر نستطيع الاستغناء عنه!

بسم الله الرحمن الرحيم

اهلا فيكم خواتي
تكلمنا كثير عن موضوع الزواج والامور المتلقه فيه
بصراحه كل فتره يطلع لي مفهوم ثاني للزواج هل السبب في (ظروف مجتمعنا-ام ظروفي المنزليه-ام ترسبات ونماذج من الحياه- او لاني مجدر اعيش وضع اني لازلت عزباء وماعندي فكره عن الموضوع)

حبيت اطرح مشكلتي وابي نظرتكم بشكل(عام-وبشكل يراعي طبقة مجتمعنا-وحلول لمشكلتي )

انا حاليا حديثة تخرج من الجامعه وعشت في بيئه منزليه لها قوانينها يعني اهلي مو رواعي طلعات حتى ابسط الاماكن مانروحها وهالشي بدأ معي من دخولي مرحله الثانويه خاصه اني بالمرحله المتوسطه كنت صغيره شوي وماهتم حاليا لو بنطلع تقريبا كل شهرين طلعه للبحر او حديقه او مناسبتين فقط في السنه الوحده واحيانا ماعندنا مناسبات
ابوي مايهتم فينا بس مشغول بمزرعته وامي مشغوله بطلعاتها مع صديقاتي بس انا واخواني الاولاد خاصه اني الاصغر وخواتي متزوجات ! الحياه ممممممملللللله بشكل ماتتخيلون امي ماتسمح لي اطلع تخاف علي حتميا مستحيل اطلع بدون شورها هذا اذا سمحت لي!! ماعندنا قرايب عايلتنا شبه منقرضه بس بيت واحد ونزورهم مره بالاسبوع صحيح اضحك واستانس بس هالشي مايضفي شي لهالوضع الصعب اللي انا فيه غير كذا مايمشي لي مصروف مناسب لحاجاتي ! حياه ملله وفوق هذا فقررر ابوي عنده بس محد يهتم فينا ويعطيني حاولنا نقوله ظروفنا ويتعذر بالديون والله مو حاله !



ومن ناحيه زواجي انا حاولت القى حلول لمشكلتي مالقيت الا الزواج صدقوني دورت حلول مالقيت الا هالحل !
يجوني خطاب ومايعجبون ابوي لاسباب تاففهه حتى امي ترفض بحجه انها ماتحب ام فلان ووووو امي ناس كثير تعرفها ويجون خطاب كثير من من طرفها يعني معقوله محد جاني ولا واحد زين ومناسب !! واللي يوجع القلب انها احيانا تلمح تقول يعني لاتتزوجين وتتركيني هذا حقي شلون تضغطين علي يعني حسيت في جانب اناني يعني انتي تزوجتي وجبتينا وانا ماتزوج واحيانا المح ابين لهم اني ابي اتزوج للجل استقر ويفهمونها غلط اني عندي حاجه جنسيه ملحه وابدا هذا موتفكيري حتى لو صار تفكيري كذا !!مايمنع الواحد يطلب الستر وبتأني من دون استعجال لكن انا اشوف الوضع مافي اهتمام لرايي وبعيد عني صار الواحد مايحس بالمسؤوليه لنفسه اببي اغير من روتين حياتي خاصه اني اعيش بظروف صعبه في البيت مو متهنيه بشي الشي المهم بعد انو موضوع الزواج ماقدر اجيبه على لساني مستحيل يفتحون معاي هالمووضوع عندهم عيب وقلة حيا هالشي بصراحه سبب لي عقده !!! صرت اكره الزواج اقول اصلا الرجال يععع لكن انا حبيت اكون اذكى ومااقيس تجارب الغير على حياتي واللي تقول كذا معقده في رجال فيهم الخير والحياه لازالت حلوه


صدقوني مو هامني الزواج(خير ان شاء الله ) بس الوحده في بيت اهلها مو مثل حياتها ببيت زوجها بعض الزواج هم وهذا حظ من رب العالمين لكن الواحد وقتها يقدر يعيش باستقلاليه وخاصه لصارت وحده مثلي ظروفها صعببببه واللي قلت لكم قطره من بحر عن حياتي ببيت اهلي ! ومنكم بيقولي ليه مستعجله صدقوني مابي اتزوج بهالسرعه لكن حبيت اغتنم الفرصه دامني بسن 23 وشي يناسب نظرة المجتمع احنا مجتمعنا غير الوحده اذا وصلت بسن 27 مودايما يتقدم لها واحد بسنها لو اكبر منها !! وخاصه محيط مدينتي واهلي مومتخوفين من مسأله اني اكبر انا بظل صغيره ووبوثق من نفسي بس نظرة المجتمع تختلف والزمن تغير وكل ماله تتغير ظروفه واهلي مومعطين اعتبار لمسألة زواجي واحس امي ودها اعنس عشان اظل معاها وبصراحه هي تقولي كلمات محفزه للزواج بس مرات تغير رايها وودها اظل معها متررده من زواجي وهالشي يخليني اتوتر من ناحيتهم ومن ناحية مجتمع منطقتي وثقافة البلد ككل ! غيري متهنيات وناسين امر الزواج بسبب سعادتهم لانهم لاقين لهم اللي يختلطون معاهم واللي يمشون لهم مصروف مابالغت وطلبت اعيش برفاهيه لكن حتى ابسط الاشياء موقادره اوفرها واسعد نفسي لكن انا وضعي يختلف ! حاليا انتظر ع التقديم لعلي اغير روتيني واختلط بأحد والقى لي راتب يمشي لي ! وبعض البنات تقول انا مايهمني الزواج اما انها تكون عايشه بمصروف زين او انها ماتحب احد يتأمر عليها او انها كرغبه فقط ومستغنيه لكن اللي ظروفه صعبه مثلي شيسوي ! ندري ان الزواج مو كل شي ! لكن هذا حقي ومايمنع الواحد يبذل الاسباب



حاليا حاولت ادخل مواقع للزواج مع اني مو متأكده من خطوتي ! ومن ورا اهلي واهلي اللي حتى مافكروا بمصلحتي اذا عندي مصروف ولا لا وكل همهم يطيرون خطابي لاتفهه سبب ! صحيح يتمنون الخير ويدورون مصلحتي بس صعبه يتركون ابوي يتصرف بنصيبي كذا والاستهتار وكل مازاد عمري قلة الفرص وكل مره بيقول بيجي الاحسن طيب الاحسن جا وراح !!حتى موضوع زواج مافكروا يفتحونه معي او ايش رايك بفلان ! بصراحه الموقع فيه رجال فيهم الخير ومناسبيني لكن كيف اقنع اهلي ان احد متقدم لي من موقع !! اذا حتى قبيلي مايوافقونن عليه مع اني ماعندي اي مشكله ! وماحسيت فيه فروق كبير بين الخطابه او الموقع او ام الولد كلها نفس الوسائل !

انا ماعندي مانع اصبر واحتسب واذذا ربي كاتب لي نصيبي بتزوج ومحد يقدر يوقف بوجهي !
لكن ماحبيت اكتف ايديني قدام حياتي اللي تروح من يدي واخرتها محد بيدوم لي !
ماحبيت اكون نموذج مثل باقي النماذج من قريباتي اللي كبرت بالسن ومحد يفتكر فيها الا واحد كبر ابوها وعندي قريبه ثانيه امها توفت والحين مشرده وضايعه كل اخوانها متزوجين الا اهي بسبب رفض ومماطلة امها !

عندي نظره تخليني استغني عن هالافكار بس صدقوني مجتمعنا ماينفع معاه الا الحلول اللي كذا
انا قويه وعندي امكانيه اثبت واصبر لكن من حقي اغتنم الفرص بدون تردد واستعجال !


اخيرا ابي رايكم بفكرة موقع الزواج خاصه اني ارتححت كثير بس ايش الطريقه اللي اخاطب فيها اهلي اذا هم اصلا حتى موضوع زواج مايفتحونه واخاف يتقدم لي قبيلي ويرفضونه اوا اذا تقدم لي بعيد بيشكون فيه اني اعرفه ! واخاف اذا وافقت على اللي اخترته وطلع فيه عيب بيحملوني المسؤؤليه مع اني ماشوف في فرق ان لو اهلي سألو عن احد جاي من طريقهم واكتشفت ان في عيب نفس الشي بيحملوني المسؤؤوليه بيقولوون هذا حظك بعد فعشان كذا بنظري اختار واحد باختياري ويطيح بكبدي ولا اختار واحد من اختيارهم وطايح بكبدي !!؟



دنيا صعبه وهضم لحقوقنا حتى بقراراتنا الشخصيه صارت كلمة عيب مستهلكه ولو ان نيتي صافيه بالموقع وماعندي ابدا حركات حب وتحرر وقلة حيا لكن نحاول ندور حلول لمشكلة العنوسه مع اني مو متأكده من كلمة عنوسه خاصه وان لها تعريف مختلف لكن جرت العاده بأن شعبنا ضعيف في مسأله الزواج وغير كذا مشكلة المطلقات
احنا بزمن كثرت فيه المغريات صار نشوف الحرام سهل والحلال صععب !
والحياه ماتمشي الا بفلوس


انا متفائله والحمدلله
وابي رايكم بالموضوع