الزواج وتحكم الرجل بالمرأه

السلام عليكم ياحريم ويابنات
يابنات ساعدووووني ربي يحقق لكم امنياتكم
قسم بالله ضايق صدري بقوه
انا نشأت بأسره كبيره انا بالنص
اسرتي كل واحد له حريته كااااامل الحريه
اطلع وادخل وانزل وارقى وانام واقوم واكل ومااكل متى ما ابغا
تزوجت لي خمس شهور زوجي طيب وحنون ومايقصر بس هو قصيمي زيي اناا قصيميه
بس تعرفون القصمان وخصوصا البكيراوين يتكم بالمره بكل صغيره وكبيره
اقوله بزور اهلي بالعطله الجايه يقولي وش يخليك جازمه اني بروح سكت انا وقلت ان شاء الله اذا وديتني
وكل شي يتحكم فيني مو بالطلعات الطلعات معليش اوك من حقه
بس كللل شي متى انام ومتى اقول لابغى يروح والا يجي لازم اكون معه
عنده جايته دوره بمصر
يقول لازم تروحين معي موب على كيفك
لكن كل هذا يهوووووون عند السفر
الرجال معروف انهم اقوى من الحريم جسمانيا يمشي بالسياره من عرعر للرياض حنا ساكنين بعرعر
واهله بالرياض واهلي بعد يامشي يوم الخميس بعد العمل على طول نمسك الطريق يوم كامل
ومو هينا المشكله لمشكله انو نرجع السبت على طول قسم احس بيجيني انزلاق من قوة التعب وانا بالطريق احس
اني بصيح من وجع ظهر معنو انزل واسوي رياضه سريعه اثناء الطريق بس برضو ماينفع
قلت له مااقدر اسوي كذا زيك كل ثلاث اسابيع نمشي للرياض ونرجع بعد بطريق طوله الف كيلو
قالي موب على كيفك
قسم يابنات انو من ضيقة الصدر الي فيني وامسك صياحي كثير لايشوفني
ياخي من قوة التعب الي يعطينياه احس اني كرهته بس ما ادري اذا انا فعلا كرهته والا لا
بنات مو معقوله هذا هو الزواج هذا هو الحب ؟!
ليش نتزوج اجل ليييييش عشان ناكل من هالتعب والهم وماتصير اعمارنا بالثلاثين الا حنا معجزين
قسم قاعده اقول خله يتزوج عشر بعد انا هالتعب مقدر اتحممممممله
ولا عندي لابزران ولاشي ماغير يزخني من حبوب منع الحمل
وصرفيتي اليوم قايلته عطني لو خمس ميه كل شهر وبعد الترجي وافق
مع انو مهندس وموظف حكومي
والهدايا مااعرفها الا هدايا الرضاوه ورده ابو خمس ريال
بنات علموني وشلووووون اتصرف فهموني ياحريم يالي مشيتن بيتك صح لوسمحتووو
انا عمري عشرين واحس اني قلبت عجوز من وجع ظهري
ما اقول الا حسبي الله ونعم الوكيييييييييل