أقول مبروك فتح الملف الثاني والا مالها طعم ؟؟؟

شخبارج هذاك اول ياقصتك قصه !! والله صبرك هذا ماراح يضيع بإذن الله

اهلا اهلا على الأقل اخذتيه مطلق يعني عنده سوابق ويمكن متوقعه هالشي والا اتفاجأتي ؟؟؟

والا كنتي متوقعه ويازينه يتكلم عن التعدد في شهر العسل استغفر الله الله يعوضك خير يارب

واحد من الرجال قال اصعب زواج هو الزواج من ثانيه لأول مره بس لو سويتها بتكون مثل

السبحه وحده ورا الثانيه <<< على عهدته هالكلام مالي خص

ماقلتو لنا كم اعماركم الحين ؟؟؟ وكم اعمار ازواجكم ؟؟؟

طبعا ماراح اعيد لكم قصتي لكنه سبب زواجه ماكان لي دخل فيه والله يعلم السبب مو مني

لدرجة إني لما قلت له طلقني على طول طلق الثانيه وهي مالها ثلاث اشهر << شفتو نذالة بعض الرجال!!

أنا زعلت عليها لكن الحمدلله تزوجت الحين واحد ثاني وافتكت من عوار الراس ...

وطبعا خلاص اللي بينا من ثقه واحترام راح صرت اسبه واشتمه واقلل من قدره للأسف غصب عني

وصار بعد فتره يقول بتزوج قلت له اذلف الباب يفوّت جمل

وأنا بتزوج غيرك قال لي طلاق مابتتطلقين خخخخخخخخ

قلت له ماعليه بنشوف من يمشي كلامه <<< مسويه واثقه

والى يومكم مادري ناوي يتزوج والا مملك والا شال الفكره من راسه والا شو بالظبط

مادري تمر علينا ايام حلوه

وايام معفوسه بس ياليت اعرف اللي في قلبه وارتاح

واذا صارت مشكله مثلا<<< تكون عن ليش الفول فيه ملح زياده !!!

على طول اذكّره إني عامله حسابي

إني بعيش بعيد عنه وإنه ماله امان واشوف وجهه وهو يقول اشدخل الزواج في الفول !!

وهو يحس بإهانه مادري ليه مع إني ماشوفها إهانه له <<< تشوفون انتو أنا ماشوف!!!!..خخخخخخخ

يالله الحين قولو لي كم اعماركم أنتو وازواجكم الحين

أنا عمري 29 هو اكبر مني بعشر سنوات يعني39 تقريبا

لنا تسع سنوات وأهلنا يوم عرفو بزواجه مسحو فيه الأرض مسكين والله زعلت عشانه

وزواجنا كان باختياره لأننا عيال خاله وكنت العب في الحاره وهو يطالعني <<< قليل ادب من يومه خخخخ

حبيباتي انا كتبت استفسار في الملف الاول

وقالوا نجي هنا نكمل

وبعيده عليكم

واتمنى كل وحده تجاوب بعيد عن التعصيب والانحيازية اكون شاكرة لكم

هذي مشاركتي الاولى وماجا الا رد عليها

السلام عليكم ورحمة الله وبركاته

صبحكم الله بكل خير حبيباتي

عندي استفسار صغير وياليت الجميع يرد عليه بدون زيادة او نقصان ..

اذا كان زوجك عندك في ليلتك وهو بعيد عن جواله تقومين تفتشينه بدون ما يدري ؟

وهل اذا لقيتي رسايل من الزوجة الثانية سواء كانت اشياء ضرورية او غزل او شوق تقومين بمسحها ؟

وهل ترضين اذا كنتي من النوع اللي يمسحها انها تمسح رسايلك في ليلتها ؟

تكفون يابنات انا مابي وجع راس وتفهموني عكس ما انا ابغى

جاوبوني بنعم او لا وبدون اضافات رجيتكم ..

بانتظارك ردودكم اخواتي

************************

وهذي مشاركتي الثانية

ورديت على اللي ردت علي تنصحني اني ما اكون من النوع اللي يفتش الجوال والله يجزاها خير ما قصرت :

يابعد عمري انتي

فديتك انا مو من النوع هذا وان شاء الله ما اصير مثل كذا

لان هذا ظلم وربي يبي يسألني عنه يوم القيامه حتى لو مسحت من وراه وقتها لا هي ولا هو راح يفيدوني

انا توني مادخل علي زوجي

لكن ملاحظه اني ارسله رسايل (( نادرا )) فيها رومانسية

ويقعد مايرد علي(( وهذا مو من طبعه ابدا حتى لو رسايل عاديه ))

ويجلس يوم كامل مايرد عليها ويضيق صدري واظل ساكته ما اقول شي

واقول الغايب عذره معه يمكن مشغول ... يمكن بين عياله .. يمكن ... الخ من الاعذار

لكن بالاخير ودي ابكي اقول معقوله كل هذا قساوه واحنا لسه في البداية

اخر شي لما قلت له وصلتك رسالتي امس

قال اي رساله !!!

فلعب فيني الشيطان وقلت لا تصير هي تمسحها مع انه يقول انها ماتقرب لجوالي ابدا ولا هو يرضى بهالشي

والله تعوذت من الشيطان كثير واستغفرت كثير قلت لا يكون انا ظالمتها

وقلت خلاص ماراح ارسل الا اذا ارسل هو وفي المستقبل لو بغيت شي ((ضروري مررره )) راح اتصل فيه اضمن حتى لو ماكانت تمسح ..

ومشكلتي عندي قريبه لي صار لها نفس الموقف وطلعت زوجته تمسح رسايلها وهذا اللي خلى فوق راسي بطحه اتحسس عليها واخاف انها تمسح ..

بس سؤال ليه تسوي كذا ؟؟ :(

حتى لو كانت هي زوجته الاولة وهي على العين والراس لكن والله هذا مايرضي ربنا ..

انتظر من باقي البنات الردود على اسئلتي

اختي اموت في هالمنتدى

لو كنت متوقعة منه الزواج ما تزوجته وخاصة ان اهله مو عندهم هالعادة

لما سئلنا عن سبب الطلاق قال اسباب دينية , فهمت انه بسبب عدم الالتزام بالحجاب وامور اخرى

ما اظن وحده تتوقع زوجها راح يتزوج عليها وترضى بالزواج

ياريت الملف يكون خاص للزوجة الاولى

واذا كانت الزوجة الثانية عندها استفسار تكتبه بموضوع مستقل ما نبي يخرب الملف ويتغير موضوعه بهالاستفسارات

اهلا اهلا الله يعوضك حبيبتي يارب ويهديه لك

وناسه حبيبتي ارسلي له وهو في وقت الدوام واخلصي

وإذا انتي متعمده ترسلين له وهو بين زوجته وعياله فتحملي عاد النتايج يمكن تعجبك أو لا ...