اكبر من الالم :

اشكر اللي ردوا علي بس انا ابي تجارب الولات يصارحوني شلون عايشين قدروا يتأقلمون مع الوضع ولا انغثوا ومشاكل وغيره وقهر وصحيح ممكن الوحده تتهنا مع زوجها بعد مايتزوج عليها وماتصير الزوجه الثانيه نكد وحرقه في قلبها انا اللي اشوفه اني افضل لي ولاعصابي البعد اتحمل بعد زوجي شهر شهرين اكثر اقل وبعدين انسى اما لو رجعت راح ادمر نفسي واعصابي وححرق دمي وهذا بيأثرعلى حياتي وعلى اولادي من التجارب اعرف وحده بعد ماتزوج زوجها اندمرت وصارت ذليله ومكسوره وحده تحلف انها عايشه على المهدئات ةغير ان طول الوقت مشاكل وراحت وانا مارحت ومشاكل لها اول ومالها اخر تشغل الوحده حتى عن دينها وتشغلها عن عيالها يعني تصير الوحده مالها هم الا الثانيه اش قالها واش سوالها وراضين والا زعلانين وعلى ايش اضيع حياتي في حرقة الدم هذي بس زوجي ومشايخ يقولون لي ان ممكن الوحده تعيش سعيده وتكون الزوجه الاخرى مصدر خير لها وان زوجها يعرف قدرها اكثر ويحبها اكثر ومن الكلام اللي عقلي ما يصدقه فاذا وحده عندها تجربه تفيدني بها ابي احد يقنعني بهذا الكلام اذا موجود على ارض الواقع اعتقد اذا كانت الوحده ماتحب زوجها ممكن تتقبل والا لا والله ماني عارفه كيف ممكن الوحده تقدر على هذا الوضع اعتقد حتى اللي تقدر تكون مجبوره ولا هي سعيده ابد وحياتها ونفسيتها كلها دمار في دمار

اشكر اللي ردوا علي بس انا ابي تجارب الولات يصارحوني شلون عايشين قدروا يتأقلمون مع الوضع ولا...

عبير0101 :

اختى الغالية انا زوجة ثانية وراح اقولك اللي انا فيه انا ساكنة فوق وجارتي تحت في نفس البيت الغيرة موجودة لكن بقلبي مو اذا جاء عندي او تاخر عليه افتح محاضرة وينك ؟ وابين اني اغار منها لا وخليك واثقة من نفسك بس بدون ماتتكلمين شلي المرة من تفكيرك اتزيني اطلعي واهتمي بعيالك وعيشي حياتك بالطول والعرض خلي الحياة تمشي وكانها مو موجودة لا تتعبين تفكيرك وعقلك اكيد بتتعبين في البداية مثلي لاني بديرة بعيدة عن اهلي ولا اعرف احد واتعب والغيرة تقطع فيه بس ساكتة ولاعمري بينت له وتجيني افكار بس اتعوذ من ابليس واحاول اشتغل باي شي اليوم اللي مو عندي اعيش حياتي واشتغل بعمري واكلم اهلي وصديقاتي واتزين وادهر بعمري واغسل واكوي اسوي كل شغلى في اليوم اللي مو عندي واسوي انواع الاكل مع العلم اني لسه ادرس اخر سنة بالجامعة واذا جاء عندي ياهلا ويامرحبا وكاني انا وياه اللي عايشين بالعالم وبس اما انه يقارن لا والله عمره حبيبي ماطلعت منه الكلمة اللي يجرحني فيها مو عشاني زوجة تانية لا لانه هو قادر يضبط اموره ويدير بيت فيه حرمتين والله لدرجة اني اجتمع فيها بنفس السيارة ونفس المكان اذا كنا رايحين لاجتماع اهل زوجي وعادي اسلم عليها وهي تسلم على عادي (بس كل وحدة بحالها ) انت الاولى العالم والمجتمع كله واقف معك اما الثانية لا احسها مسويه جريمة لانها تزوجت واحد متزوج انا قلتلك الحقيقة اللي اعيشها وماشية عليها ومريحة راسي

اختى الغالية انا زوجة ثانية وراح اقولك اللي انا فيه انا ساكنة فوق وجارتي تحت في نفس البيت...