كح كح كح غباااااااااااااااااااااااااااااااااااااااااااااار طلع يوم دخلت احس الملف يوحش من الهجر


مسكين ياملفنا المهجور

حدوث وشلونك ووشلون الصغير عسى صار رجال

من يوم جت العطله وحنا دجه وهجوله مشغولين حتى عن النت الله لايشغلنا الابطاعته

دلوعته وانتي بخير ياقمر

سوق الزال قولي لصديقتك تتوكل على الله وتوافق اللي متزوج لسبب احسه فرصه لاتضيعها من يدها

انا تزوجت وكنت مطلقه وبالثلاثين من رجل يبي العيال والحمدلله جبت منه عيال والحمدلله مرتاحه خليها تستخير وتتوكل على الله

اروان بعذرك تكحين من زمان لاهين عن الملف بس انا مداومه هنا في المنتدى متى ماتحركتم دخلت والا ادور على الاسريه والجمال تخصص
ابقول لكم على موقف وابي المشوره منكم
امس اخوي عزم على نروح مزرعته انا وزوجي وبنتي لوحدنا نتسلى قال روحوا لوحدكم وانبسطوا براحتكم \
المهم رحنا انا واياه وبنتوتي وانبسطنا وشوي ووناسه من المغرب لين اخر الليل وعموما اصلا هي ليلتي يعني مااخذت حق غيري بس فيه شي صار ان بيته الاول دق عليه مارد قلت له عادي روح وخذ راحتك مافيها شي قال لا بس يبون يشيكون علي وانا مو فاضي للحركات
انا بعد اتصال ثاني قلت روح ياابن الحلال بعيد يمكن شي مهم وراح فعلا ولما رجع قال طيب انتي ماتدقين وتقدري تتصرفي بدوني رغم ان ماعندك احد بالبيت وهم اتصال على فاضي والمليان
سؤالي لو كنتم بهالموقف تتصرفوا نفس تصرفي او لا للعلم اي اتصال يجيه تسويها سالفه تحسبه مني عشان كذا ماحب اتصل عليه ابد الا للضروره والضروره القصوى وش رايكم انتم هل اتصل انا عليه عادي او لا انااحسها سخافه بس اقول في نفسي هي ماقدرت ان ماعندي رجال بالبيت وانا اللي اعرف ان عندها عيال كبار اقدر وضعها مااحب اكون سهله وضعيفه بحقي وبصراحه احسه غباء اللي تشيك على زوجها بدليل هو رد وفي مكان بعيد عن الاصوات وما حست بشي رغم اني اذا طلعهم عمري مااعترضت وقلت ليه او شيكت عليه

انا اشوف انه عادي تدقين عليه للضروره او تستغنين بالرسايل انا اسوي كذا مع زوجي

لكن اذا هي تدق على الفاضي والمليان خليها تدق لاتصغرين عقلك انتي خليها بكيفها وعادي حتى لو رد عليهم

بكيفه صدقيني بيستثقل اي اتصال لها مهما كانت اهميته مع الوقت وهذا هو يعرف اسلوبها

يعني فاهم الحركه ومستسخفها لاتحطين نفسك بوضع يحس انك سخيفه او تغارين منها

يقولون الثقل صنعه

الله لا يبلانا

مشكوره اروان على النصيحه جزاك الله خير
فعلا هو مستسخف هالحركات حتى انه دايم يقول انتي وضعك غير ماعندك احد غيري تعتمدي عليه دقي بأي وقت بس انااقول فيه اشباء الوحده تقدر تخلصها بتليفون او اقدر اعتمد على اهلي مب ضعف مني بس فعلا هو يكون مشغول والشي اللي احتاجه احيانا يكون شي بسيط فمااحب اشغله