انا ما يشغل بالي في التعدد الا شي واحد اللي هو العدل
وللاسف قليييييييييييييييييل جدا اللي يعدلون من واقع المجتمع اللي انا عايشته
تدرون زوجي مره قالي وانا مثقله بالحمل
قال لو تخليني اتزوج اجيب واحد توانسك بالبيت وتسليك وانا مستلم بالعمل
قلت لييييييييييييييه عشان اشتغل خدامه عندها
قال لا والله اني اخليها خدامه عند ك انتي الاولى ام العيال
قلت له سبحان الله هذا انتم يا الرجال يا تظلمون الاولى يا تظلمون الثانيه
ماقال اعدل بينكم لااااااااااا اخليها خدامه
قلت خل بنت الناس عند اهلها او اروح انا لبيت اهلي
بس بصراحه من اللي اشوفه بجماعتنا الثانيه هي اللي مظلومه مي الاولى
وما قلت هالكلام عشانكم يا التاليات لااااااااااااا والله بس هذا اللي شايفته عدل ما فيه
ودايما اقول هالكلام لزوجي اللي مو قد الزواج والعدل لا يبتلش ببنات الناس
قال تعالى(وان خفتم الا تعدلو فواحده)

السلام عليكم ..

يااانااس المساله مو ان الرجال يتزوج على زوجته لا ولا المشكله بالزوجه الاولى ولا الثانيه المشكله بالرجال نفسه يعني انا وبصراحه اعذر الرجال اذا تزوج على زوجته بعذر واااضح لكن مااعذره اذا تزوج كذا خاااصه اذا زوجته مرضيته وهو نفسه يقول هالكلام كذا اسميها فراااغت عين انا ابدآآ مااخالف زواج الرجل باخرى لكن للاسف ان الرجال يفكرووون دااايم بوناااستهم ونسيو انه فيه شرررط قوي جدآآ جدآآ ومستحيييل احد يقدر ينفذه الا من رحمه ربي وهو العدل هاللحين الام وهي الام ماتقدر تعدل بين عيالها بجميييييييييع المقارنات مستحيل يكوون العدل مثل المدرسه وطالباتها ممكن تكون طالبتين عندها بنفس المواصفات من الناحيه الدراسيه والسلوك ومع ذالك الا مايكون فيه ظلم لواحده منهم على حساب الاخرى وفي مجال الشغل المدير مع موظفيه برضو نفس الشي يعني بالحياااه لما تجيب شخصين وتحطهم في محل وااحد المحل ماااراح يووسع هالاثنين لانه راح يتغير المكان ممكن يووسع شخص والشخص الثاني ممكن مايوسعه مع الوقت يمكن ينظلم من المكان لانه العدل شي مرررررررررررره صعب من زمان بعيييييييييد والدليل انه الرجال اذا كبر الا مايختار بيت واااحد ومايقدر يكمل انا اذكر قصه اثرت فيني موووت وانتم ابيكم تصورون معي بالصوره وحده اعرفها تتكلم لي عن بنت عمها تقووول ان بنت عمها جميله جدآ وانسانه عمرها بحياتها ماشفت بنظافتها اهتمامها بنفسها وزوجها وعيالها شي مستحيل يوصف كامله والكامل وجهه وعلاقتها مع زوجه مررررررررره كوويسه مره متفاهمين وزوجها مررررره يحبها وفي يوم من الايام صار زوجها يطلع من البيت ويطووول ماااييجي وهو بالعاده بيتوتي يعني يحب قعدت البيت تغيرت معاملته مع زوجته صاار بدل مايقول انتي حلوه وانا احبك صار يقول روحي شوفي وجهك بالمرايه وانا وشلون انعمت على عيني وتزوجتك ولاحظوو ان الكلام هااذا بعد 15 سنه زواج صاارت الزوجه في حيره من امره وش صار وش اللي غيره وطبعآ صاارت تبحث عن الاسباب وبنفس الوقت صاارت تدور على وش يرضيه وهو ابدآ ولا شي يرضيه وكاارها المهم هي اساسآ سااكنه بالجنوب واهلها بالغربيه المهم خلااص الدنيا صكت فيها المسكينه وبيوم من الايام شاافت زوجها جااي من الدور السفلي من العماره واستنكرت مع العلم انهم مالهم اي احتكاك بالجيران اسكتت عن الموضوع وباليوم اللي بعده تابعت زوجها بعد ماطلع وشافته ينزل للدور نفسه ويدخل شقه بعد نصف ساعه راحت دقت الجرس ولما دقت الجرس طلعت لها وحده استنكرت وبعده باللحظات جاء زوجها ولابس لبس بيت وعرف انها زوجته وانصدمت الزوجه وطااحت من طوولها المسكينه واووول مافتحت عيونها مااكان زوجها جنبها كانت بالمستشفى ورجعت للبيت ولما رجعت للبيت حصلت البيت منعفس فوووق تحت من عيالها والشغاله قالت وش فيها قالوو لها انه من امس واحنا ندور عليك وبابا مايرد علينا جلست مع عيالها واووول ماحست نفسها تماام وتقدر تواجهه زوجها كلمته وطلبت منه انه يجي لمها جلسو مع بعض واول كلمه قالت له المره اللي انا شفتها بالحلال ولا الحرام قالها هاذي زوجتي الثانيه وانا مااقلت لك مراااعات لشعوورك وهاللحين بعد اللي سوتيه انا ماابيك شيلي عفشك وروحي لاهلك تخيلو ياابنات حطوو نفسكم بمحلها وش راح يكووون ردة فعلكم طبعآ هي رجعت لاهلها لكن نفسيتها زي الزفت تقوول انا لييييييه كل هالسنين نسيت الناس واهلي علشانه ياااحسافت هالسنين كانت تقوول انا دخلت بيته الثاني بيته ظلماااء ووسخ وزود على كذا زوجته جدآآ سمراء وطالعه لي بشكل غبي قميص روز والشعر كشه وشكلها مره غبي تقول كنت اجمع كل الاشياء البسيطه اللي اشوفه واقول وش عذره انا بيتي دااائمآ ريحته ريحة الفواحات العطيره شكلي داائمآ مرتب وداائمآ احرص على الرياضه ولا اكثر بلاكل علشان جسمي يستمر بحلاوته وداايم كنت زوجه وصديقه وكل شي بحياته ليه فجاه تغير وليته على شي يسوى مرته الثانيه مافيه شي الواحد يقول والله نظافتها لا جمالها ولا شي وش صااير ماادري وبس قصتها مره توجع القلب انا احسه اول زواجي بعد سنتين ثلاثه يتزوج علي اخف من بعد سنين بعد من جيب عيال ونكوون اسره ونرسم مستقبلآ جميع وبعدها يجيب من يشاركنا بكل شي شي مرررررره صعب والاصعب انه راح يتغير وراح يبعد الله يهون على اي زوجه اولى ويسخر الزوجات الثانيات بانه تساعد الزوج على العدل لانه حتى لو كان الزوج مو عادل الزوجات يقدرون يساعدوننه بس للاسف احنا دااايم نفسي نفسي ..

الله يوفقكم ياااارب
بس اتمنى من الزوجه الثانيه الي يقسى زوجها على الا ولى انها تحنن قلبه عليه مو تقول مالي شغل في احد
وترى الدنيا فانيه

رفع

ترى مو دايم الثانية تطالع الاولى هي لها عالمها وهذيك لها عالمه وان اجتمعو في مكان تسلم عليها وتحيها وان كانت اكبر منها الاولى توقف لها احترام والى تبي ترضى زوجها وربها تعينة على العدل