السلام عليكم ورحمة الله وبركاته
اليوم جايبتلكم مشكلة وجده صاحبتي وابغي رايكم فيها
المشكله ومافيها ان زوجها بيتزوج وعرض الفكره عليها فوافقت وتقول انها ماقدرت ترجعه عن السفريات والملاهي ويوم جاء ياخذ بالحلال مارح ترده حقه وشرع الله
راح الرجال وخطب والمرسولات قالوله ان العروس موافقه بس خايفه تسبب مشاكل بين الرجال وحرمته
رجع لزوجته وقوم الدنيا ولاقعدها ويتهمها المتسببه في الرفض ولاصدقها حتى حلفت على المصحف انها ماتدري من العروس ولا التوقيت الي راحو المرسولات فيه
وقالها اذا كنت صادقه في موافقتك تروحين معهم مره ثانيه تخطبونها وراحت المسكينه ودخل عليها ابو العروس وقال انت مدري بالي نفسك بس زوجك ونعم الرجال ولو بنتي وافقت كان يافرحتي بس بنتي عنيده وراسها يابس
قالتله الله يعلم وش في خاطري وانا بغيتها اخت لي
قال اذا انت تبينها اخت لك يمكن هي ماتباك ومالكم نصيب فيها وجلس يدعي على بنته يوم ضيعت العريس منها
ومن بعدها ومجالس الحريم تستلم هالمسكينه تحليل هذا غير الي تقول الخبله الدجاجه وش مشاها معاه ولي تقول هي ماغصتني بها الحركه وراح الموضوع له سنه ورجع الرجال يطلب نفس الطلب وحلفت زوجته ماتعيد الكره وتقوله انت روح بكيفك وانامسالمه معك بس ابيك تحفظ كرامتي وماتخليني حلا المجالس وش رايكم بقصتها وقدر هذي الانسانه تعيش مع ضره ولا لاوابيكم تعطوني نصائح لها وجزاكم الله خير
تسلمين يازوجة خلودي