دلوعـAته :

مساء الخير انا زوجه معدد زوجه ثانيه حياتي رائعه مع زوجي والحمدلله بثبات حملي توي بالشهر الاول الحمدلله زوجي حبيب وطيب ويحبني بجنون وماعندي اي اشكال معه بالعكس من تزوجته وانا عرفه ان عنده مسئوليات بيت واهل وشغل وعارفه نظامه من اوله وكان صريح معي في بدايه زواجه وقال لي اسباب الزواج على زوجته انا براي اسباب مقنعه بس مااحب اذكرها لأنها خاصه ومافيه فايده تذكر من سردها لكم اللي حابه اقوله وخلاني اسجل عنكم اولا عاجبني ملفكم كثير وافكاركم تناسب شخصيتي لأني انسانه مسالمه وطيبه جدا وهذا اعتبره عيب بهالزمن ضرتي معتقده اني ضعيفه واني مااقدر اتكلم واخاف منها وصدر منها كذا موقف بايخ مادري وشلون حرمه تخاف الله يصدر منها غير الكلام اللي تتقوله على لساني وكل مره اصفح عنها واسامح ولا ارد اكتفي بالصمت ويقول لي زوجي قولي حسبي الله ونعم الوكيل وادعي دعوة المظلوم وربي يا خذ بحقي ماتتصورون مواقف كثير صارت لها والله يا بنات انهاتصير لها من بعد ماادعي ان ربي ينصرني وقلت يا بنت خليها هي لو ماهي شايفه غلا زوجي لي ماسوت كذا كان بردت على قلبها واهل زوجي بعد قالوا لي وخصوصا انهم رحبو ابي ووجبوني وماقصروا وخصوصا خالي وخالتي الله يخليهم اعتبروني بنتهم المهم كثرت المواقف منها وقلت لزوجي ياحبيبي للصبر حدود وانا خلاص ابعلمها درس اني اقدر ارد يا انااخذ حقي وارد والا انك ترد بنفسك قال لا والله خلك بعيد اخاف عليك وماراح تعمل حساب لحد هذي ماعملت حساب لا لأبوي ولا لأمي تبيها تعمل حساب لك وصار زوجي اي موقف يصدر منها يادبها عليه وزوجي زعله جامد صارت وش تقول اناخبيثه وانا وانا سبحان الله لا كذا عاجب ولا كذا عاجب المهم اني علمتها ان السكوت كان ادب مو ضعف مني بتقولون وش هالمواقف اللي خلتك تثورين بقول لكم تتقولي على كلام قلته في حقها وانا وربي ماانطق عنها بكلمه لا عنده ولا عند اهلي ولا عند اهله ورغم اني عارفه مواقف كثير صدرت منها بس اسكت مااعلمهم ايضا تتقول علي افعال اني سويتها وعن اهلي وهو والله انهم احسن منها ومن اهلها ومقدرين زوجي ومحترمين انفسهم لدرجه مره اخوي قابل اخوها الصغير في زواج وقال انت نسيب ابو فلان قال اخوي ايه قال والنعم فيك وباهلك والله ماعرفت انا الي فهمت من اهلي انكم ناس ثانين الله يهديها بس والله يا بنات هذي كلمته لخوي تخيلو وش صوروت لأهلها حتى اخوها جا عند زوجي وقال انااعرف اخوها ومن عائله معروفه بالاخلاق وفي التجاره معروفين لهم سمعتهم واخوها اكاديمي معروف ليه ماقلت لنا منهم قال له زوجي اتوقع ان اختكم قالت لكم قال لا والله قالت انهم ناس فقراء وانهم قراوه وناس ما يشرفون هههههههههههههههه انكسفت وتفشلت عند اخوها يا بنات والله وصلت تسب في شرفي لكن الحمد لله زوجي عرفها وش معنى الكلام وانا اقول مادام وصلت لشرفي جعل ماقالته تشوفه بنفسها وباقرب الناس لها والله لايسامحها لادنيا ولا اخره وكل ماجاها من عقاب وفشيله تستاهله والله لا يعطيها الساعة السهله ابد دام وصلت لاعراض الناس والحمدلله زوجي قال لها انااعرف الناس فيها وكلها ادب واخلاق مع انك اكبر بكثير لكنها اعقل منك بكثير على الاقل احترمتني واحترمت كلمتني والله انها يكلمها وانا اسمع كل كلمه قاله لها وهي بكل وقاحه تتكلم في شرفي حسبي الله ونعم الوكيل حسبي الله وكفى طبعا هالكلام صار له فتره طويله ومن يومها وانا مطنشه اهم شي زوجي مااقصر دلال ودلع وحركات وموسعه صدره في يومي واذا طلع بسلامته اذا احتجت شي دقيت عليه او ارسلت له مسج وان مااحتجت شي خليته وهو يابعد الدنيا ما يقصر لازم يدق علي او يمر في يومها يشوف طلباتي لأني عايشه لوحدي ولا عندي احد قريب من بيتي

مساء الخير انا زوجه معدد زوجه ثانيه حياتي رائعه مع زوجي والحمدلله بثبات حملي توي بالشهر الاول...

الكلام الصعب :

الله يعينك ويصبرك ... ويصلح مابينكم .. اختي اهم شيء انتي ريحي ضميرك من ناحيتها لاتكيدين لها وانا مااتهمك .. لا بالعكس اهنيك على صبرك ووعيك .. لكن لاتيأسين وتقولين لازم ارد ماينفع الطيبه .. لا خليك مثل ماانتي .. لاتردين ولاتتجاوبين مع المشاكل .. ومدام انتي واثقه من نفسك وانك ماضريتها بشيء .. ماعليك من الكلام ... انا اتفهم موقفها لانها يمكن مقهوره او غيرانه او متخوفه منك .. لاتنسين هي ماتعرفك على حقيقتك ولا تعرف اخلاقك يمكن من خوفها على بيتها.. تحاول تتصيد اخطاء ..انا مااعذرها على اسلوبها .. و نصيحتي لك .. انتي تغاضي عن بعض الامور ولاتقضين وقتك مع زوجك تصفيه حسابات زوجة الاولى عيشي يومك ولاتولمين زوجك على اخطاء زوجته .. ومدام هو طيب معك خلاص انسى ولاتعكرين صفوك بمشاكل وكلام لايودي ولايجيب .. المهم ان زوجك راضي عنك وواثق فيك .. وعلى فكره كل الي ذكرتيه شيء طبيعي بدايه الزواج زوجته الاولى بتتكلم عنك الغير طبيعي لو حبتك ومدحت فيك عشان كذا انصحك اختي عدي لها كلامها لان حتى اهل زوجك لما يشوفونك مو حقت مشاكل ولا اخذ ورد ماراح يصدقون فيك لانهم تأكدو انك ما تحبين المشاكل .. ... الله يوفقك ويسعدك ويريح بالك

الله يعينك ويصبرك ... ويصلح مابينكم .. اختي اهم شيء انتي ريحي ضميرك من ناحيتها لاتكيدين لها وانا...