نامت بنتي قلت فرصة أمسي عليكم
بصراحة هالملف واللي قبله أخذوا قلبي وعقلي ههههه
عمري ما تحمست وتابعت ملف مثل هذا
لدرجة إني كل شوي أطل وأطير فرح لو لقيت ردود جديدة
يا حبيل قلوبكم وحدة وحدة

تبين السبب

ان شاء الله ابشرح لك

لان وضعي زي وضعك نوعا ما

مثال ليلتها وله مو ليلتها

هو يجي يقعد معنا الين الساعه 9 ويروح عندها وهو بالعاده ينام

على 11 ويصحى ويروح العمل

وبعدها ما يرجع هناك على طول يرجع للبيت لي ولعيالي

لحد يقول انه ما يعدل

لان هذا الاتفاق جرى بينه وبينها من اول الزواج

تهاوشوا وتطلقت وبعدها رجعت له من جديد

على هذا الشرط ومن بينها مشاكل كثيره هو حدد لها وش يقدر عليه

وقال لها ان كنتي موافقه انا ابرجعك وان لا براحتك ما ابي اكون محاسب

شي ثاني يا اختي

زوجي الى يومك يقول ابطلق ويتراجع

وانا اساسا ولا اتدخل واقول يا رب انك تفرجها ولا بودي اساسا يطلقها

لاسباب كثيره ما ابي انها تتطلق

بصالحها وبصالحه وبصالحي كمان

السبب الرئيسي

يخاف ان يظلمها

هو اقدم على هالشي وبعدها اكتشف ان ما يقدر على العدل

ثم بعدها طلقها وهي عانت وما انكر انها تنازلت كثير عشان يرجعها

ولو يحصل مشاكل الين بعد عشر سنين راح تتنازل اكثر

مثل ضرتك تماما

وش سكتها عن حقوقها ما غير انها ما تبي الطلاق

بالتالي في اوليات كمان يسكتون عن حقوقهم ويعيشون لانفسهم وعيالهم لانهم ما يبون الطلاق

هذي الحرمه تخاف من الطلاق تقول الاهم اني اكون متزوجه والاوليه تقول الاهم اني اكون مع عيالي

وكل وحده لها اسبابها

قلنا ان الرجل كائن حي

لكن هذا لا يعني انه انسان من غير ضمير ومشاعر

سواء للاولى ام الثانيه او الثالثه او الرابعه

يعني صحيح ان مصلحته فوق الكل

وخصتا نصيبه من المتعه بتجميع النساء حوله ووو

لكن هذا ما يعني انه ما يشعر بوحده من زوجاته

وبكذا لما يحصل اي مشكله من اي زوجه يعصب يهدد يهجر

لكن قلما بعد الهدوء يفكر بالطلاق

شي اخر الرجل عندما يتزوج من الزوجه الثانيه وبعدها يطلقها

يجون له ناس زي ما تشمتوا بالاولى يتشمتون بالرجل نفسه

وبإذني سمعت صاحبه عند الباب يقول له بصوت عالي

يوووووووه يا رجال ما قدرت على بيتين ههههههههه وضحك

هذا جرح لرجولته

مستعد يقصر جنسيا على اي وحده لكن مهو مستعد ان يبين لخلق الله انه مقصر مع اي واحده بالجنس

ممكن يسكن وحده بقصر ووحده بخرابه وعادي عنده لكن ما يقولون عنه انه مقصر بالجنس

انتي وهي ستر وغطى عليه عشان كذا مهو مهتم ان يعطي حقوقكم بالجنس

لكن الرجل لما يوصل لمرحله ان يفكر بالطلاق

لازم يكون سبب مقنع من جهة الزوجه لرفضه لها

وبما انها هذيك راضيه بعيشتها رغم القصور

بالتاكيد انه يخاف الله فيها

ولو انه يشوف عياله حوله يخاف يجيهم شي من ظلمه لها

لما رجع زوجي زوجته قال لي حرام يا ام فلان الي سويته انا تفاهمت معها وو

انا سكت قلت زين سويت انا فاهمه وش يقصد

لاني اعرفه زين

انا زوجي ان قاله الغريب طلبه قال تم

وان زعل كلها دقايق وما به شي

بالتالي هالنوعيه من الرجال

يخاف ان يظلمها قلبه ما يهون عليه ان يجرح او يظلم

لكن برضوا لانه مهو مرتاح زي زوجي وزوجك يحاول انه يقضي اكثر وقته بأي بيته يرتاح فيه

والله لما تكلمتي عن ولدك والي سواه زوجك لما بكى

ذكرتيني بزوجي

زوجي ان كان به شي من ناحية بيته الثاني

سكر على نفسه مع ولده واشغل نفسه معه

وله يتكلم مع بنته يقول لها انا غلطت يا بابا

ولان عيالي كبار صاروا يتعودون على اسلوبه الجديد

ان تكلم هونو عليه وان كان ساكت لهوه على الي فيه

يا اختي يا حبيبتي

صحيح الدنيا قسمه ونصيب

مثال :::

المرض يجي من النصيب

وان الواحد يروح يتعالج يجي من القرار

وكمان الزواج

قسمه ونصيب

لكن الطلاق قرار قبل النصيب

يعني الانسان يكون فيه مخير

لكن دائما النصيب يتقبله الانسان بصدر رحب لانه من عند رب العالمين

لكن اي قرار يتخذه الانسان ما كان في صالحه يلوم نفسه لان كان هالشي بيده وسواه

بالتالي بعض الازواج يكونون مهم مرتاحين بحياتهم لكن قرار الطلاق يسبب لهم خوف وهلع من الظلم

ولو ان البعض بلا شك مهو مرتاح

ويبين على الواحد من تصرفاته

من نظراته

من كلامه

من نصايحه للغير لا تتزوج ثنتين هههههههه

::::::

ليتك يا اختي تحطين راسك بالليل وانتي مرتاحه

قولي مهو مرتاح ما لقى الي يبيه

كان متوقع شي وطلع شي ثاني

وش يقول المثل المصري

بطيخ على البركه يعني يا حمره يا خضره يا الله العالم

بالنهايه ما يقضي وقته معكم الا لانه متحسر على الي صار

قولي الحمدلله رب العالمين

واعتقد ان جه الوقت انك ترتاحين من سالفة زواجه

ركزي على حياتك انتي وعيالك

ولا تلومينه على اي شي

ان كان بيتخذ قرار الطلاق خليك على جنب ولا تعطين رايك

انا تطلقت وانا مرتاحه نفسيا بشكل مو طبيعي لان ما كان لي يد ابدا بطلاقها

ورجعت مره ثانيه وانا كمان مرتاحه نفسيا واقول برضوا ما كان لي يد انها ترجع

تركت كل شي

خليتها تركض وراه وتسوي له كل شي وتعطيه كل شي

وقلت براحتهم

وقام يروح ويرجع براحته

وشفت بعيني الي يعل القلب

تحطمت تكسرت انتهيت لا والله ما جابو لي الهم

الا جابو لي منحه لنفسي اني التفت لروحي وعيالي

خلهم لدنيتهم ووناستهم وش علي دام ماخذه حقي ما ابي الباقي منه

والله ان ما يجيبه عندي الا الراحه

لا كلام عنها ولا غيره ولا سؤال عن احواله هناك

ماسكه خط واحد بس

الي يحبه اسولف فيه

اما سوالف مالي خص فيها ابد ما اتكلم

وشي ثاني

كل ما تجي ببالك

قولي كلمتين لا اكثر

قولي لنفسك

ما في احد يستاهل اني افكر فيه ان كان يجيب لي التعب

قولي ولااااااااا ثانيه من وقتي لها اني افكر فيها

خلاص اعطيتيها من وقتك وتفكيرك بما فيه الكفايه

حتى زوجك لا تفكرين فيه لما يطلع لها بالعكس انسيه تماما ابتسمي تنفسي بعمق وقولي الآن بسوي الي ابيه براحتي

شوفي لك وش تحبين تسويه واجلتيه كل هالسنين جه الوقت الي تحققين اي شي تبينه

اما موضوع الجماع الي قل من بعد زواجه والي انتي متأكده انه من السكر

جارتي تعاني من هالشي من زوجها بعد ما صار فيه السكر

مع انها زوجه وحيده بس والله كل يوم يومين تجيب هالسيره تقول ما يقدر

فطولي بالك يا قلبي عليه

ان كنتي انتي كل هالعشره كان يعاشرك

اجل وش تقول هذي الي تو ماخذها ولا هو قادر يعطيها حقها

قولي الحمدلله رب العالمين

وان شاء الله كل الامور بتزين

اما ردك الاولي لما سألتي كيف وصلتي للمرحله هذي من الهدوء

فأنا اقول لك

اول خطوه

الرضاااااااااااااااااااااااااا يا اختي بما كتبه الله لك

كوني على قناعه ان زواجه خيره لك

وقتها بس بتحسين بهدوء وراحه

لا تتوقعين يا اختي الرضا بزواج زوجك

هو ان خلوك قدام امر الواقع

ابدا هالكلام مهو صحيح

الواقع كنتي تقدرين تغيرينه لو طلبتي الطلاق كان ما كنتي ببيته الآن

محد خلاك قدام امر الواقع
هم تزوجوا وانتي كان بيدك القرار

والحمدلله انك عاقله واتخذتي القرار الصحيح

وجودك ببيته ومع عيالك يسوى الدنيا كلها

بس انتظري وراح تعرفين انك اتخذتي القرار الصحيح بلا شك

انا بس ابيك تهدين وتقعدين مع نفسك جلسه

تقنعين نفسك بافكار ايجابيه

راح اقول لك شي

ومنها انتي ردي على نفسك

وانا راح اسالك على حسب ما مريت فيه

وراح تكونين على يقين ان كيف قاعده احس فيك الآن

ومنها راح تكتشفين الخيره بزواجه عليك

قبل يا اختي هل كان يعاملك زي الآن ؟؟

هل كان صبور مع عياله زي الآن ؟؟

هل كان يعطيك من وقته زي الآن ؟؟

هل يسمعك زي الآن ؟

هل كان يبين انه سعيد بتواجده معكم زي الآن ؟

كل شي تغير لا تقولين لا

لاحظي واسترجعي سنين عمرك

راح تلاقين ان الرجل تغير معك للافضل

من كلامك واضح هذا الشي

اجل وش مضايقك

هي ؟؟؟

من هي ؟؟

انسانه دخلت بحياة زوجك

مهو حياتك انتي :22:

انتي تصرفين عليها :o طبعا لا

انتي سكنتيها ودفعتي لاثاثها واكلها ووو :30:

هو صح ؟؟

خلاص يصطفلوا

انتي خليك بالسيف سايد ( بالطريق السليم )

مهو ناقصك شي

مهو تاركك ولا هاجرك

مهو مقصر على عياله

مهتم بجميع اموركم

حسه مالي دنيتكم

خلاص

هو حر بحياته

اما انتي لو قدموا لك حريتك بليلتها

بتقولين ما ابي الحريه :06: وزعيها في ناس محتاجينها والله

ناس مهمومين من تدقيق ازواجهم على اكلهم على لبسهم على اهاليهم والله جابوا لهم الهم

استغلي الحريه

استغلي ليلتها

عندك سجادتك

عندك هواياتك

عندك دراسه

عندك تحفيظ

عندك عيالك

عندك بيتك

عندك حنا كلنا نحبك ونبيك دايما معنا

عندك اهلك

عندك اشياء كثيره

لا توقفين حياتك

علشان زواجه ولا توقفين التفكير بامور اهم بكثير

على اساس ليه وليه وليه

انا ادري ان كل وحده اوليه ببداية صدمتها

لمجرد انها تقوم من النوم وله تجلس لحالها

تقول ليه وش صار على ايش ووو ؟؟؟ اسئله كثيره كثيره كثيره

لكن لما يجي وقت محدد

لازم توقفين كل شي

تقولين خلاص عاد

محد يستاهل اني افكر فيه

اما الاوليه الي باعها زوجها خير شر

وش تقول هالمسكينه ؟؟

وش تعاني هالمسكينه ؟؟

الي هاجرها ولا يدري عنها وعن عيالها

فكري بايجابيه قولي لنفسك انا احسن من غيري ربي لك الحمد

لكن عندي كلمه لكل اوليه مهجوره مظلومه

تدرين ليه باعك ؟؟؟

لانك غاليه يا قلبي

غاليه وتسوين كثير كثير كثير واتعب وانا اقول كثير

لكن تجي هي ما تطلب الطلاق وراضيه بقسمتها

وتنتظر يوم الي يرجعها وله يدق باب السماح

والله ما باعته

الا لانه ما يسوى شي ولا راح تلاقي احد يشتريه

الله يعينكم على القراءه

المفروض اكتب لكم من البدايه ان ما راح اسكت هههههههه


:::::::::::::

الاخت الغاليه الحبوبه الي تدخل وتنعشنا بتواجدها

الحبيبه أم مرال

ادعي لك من قلبي

عسى ربي ينور لك دربك ويوفقك دنيا واخره ويسعدك ويسخر لك زوجك ويحفظ لك عيالك

ولكل من تقرأ ان شاء الله

حي الله توحيد

تراك وحشتينا يا قلبوو

السلام عليكم

اخبااااااااااااااااااااااركم .. ان شاء الله تمام..

رؤيا الله يهون عليك حبيبتي ..

وكل الحوامل هنا الله يسهل عليكم يارب..


الكريمه 2009

حبيبتي وضع زوجك مثل وضع زوجي .. بس انا الحمدلله عديت هالفتره هذيك ... << الله لايعيدها علي يارب

كانت فتره صعبه ... لانه كلمها من ايام الخطبه قبل لايملك عليها .. حسبي الله عليها ...

وطاااااااااااااار معها بشكل ماتتخيلينه وماعاد يشوفني شي والله لو ولعت بنفسي نار ماعليه مني ..

ولا قدر اني كنت حامل وتعبانه .. ولا علييييييييه من شي ... خلاص ماعاد يشوف الا هي ..وبالطول بالعرض

الا يتزوجها .. عارض الناس كلها الا اتزوجها ... وتزوجها ...

والحمدلله انه تزوجها ولا قعدوا على مكالماتهم ... لانها طلعت براسه الشيب ههههههههههههههههه

قويه مره ونكديه وراعية مشاكل .. جننته ... الحين ماعاد يشوفها شي ..

رجع لي ... احسن من اول ... ويدور رضاي .. لانه عرف انه انا اللي احترمه واقدره ولا اكسر له كلمه ..

بس ترى انا زوجي مو كبير .. يعني توه 32 ... وهي اكبر مني بعد ..

يعني تطمني ترى اشياء كثير تتغير بعد الزواج .. خلاص هو لما ياخذ حاجته منها خلااااااااااااااص تطيح من نفسه

وتروح السكره وتجي الفكره عاد .. يبدا يفكر انا وش سويت بنفسي ..ويفكر بالديون ...الخ

الله يسخر لك زوجك ويرده لك .. ويسخر لنا ازواجنا ويردهم لنا يارب

كلي حلى

جزاك الله خير على دعواتك الطيبه

ربي يوفقك وييسر لك امورك

بالنسبه لكلامك لكريمه

صدقيني بس تقرأ كلامك بترتاح ان شاء الله

لانها كانت داخله هنا وتنتظر وحده مجربه وعدت هالمرحله

والله مدري يعني ليه يتكلمون معهم وله يخونون قبل الزواج زي حالتي

يعني لو يبون الحلال ليه ما يبتدون صح عشان الله يوفقهم

وين الله يوفقهم دام صار شي غلط من البدايه

وكلمها و غير جو معها بمكالمات رومانسيه

بالتأكيد الحياه تحت سقف واحد فرق شاسع

من كذا ما يمديه مسكين يتهنى باحلامه البمبيه على قولة ويبقى حبيبي

ويرجع مو بس بقوه الا يرجع وهو يقول لبيك شبيك وش يرضيك وانا بين اديك

بس كل شي يبي له صبر

كل شي فيه معاناه بالبدايه نهايته بتكون سعيده ان شاء الله

كل اوليه خليها تصبر وتصبر وتصبر

والله لا تشوف ايام حلوه

:::::::::::

يا اوليات

مين تحب السمك ؟؟

وتبيني اعلمها طريقتي بالصالونه

وتدوخين البيت كله بالطبخه هذي

الي يبي يرفع ايده

ضماااااااااااان ان بيعجبكم