الزوجة الأولى ..حياك الله .. منزل جديد مبارك

كـلّـي حــلــى • 14 سنة

صباح الورد لكل الملكات

اخباركم واخبار الكتاكيت الصغار..

الحمدلله اليوم انا تمام كرفت كررررف :D

عزلت البيت ... بما ان ابو الشباب راح اليوم الله يستر عليه بيجي بكره ان شاء الله ولا بعده .. عنده شغل

فقلت فرصه اعزل البيت ...

بنات ..

الحين انا احس اني الحمدلله مدري هو انا تأقلمت على الوضع او اني مرتاحه ما ادري صراحه ..

بس اني احسن من اول زواجه علي بكثيررررررررر .. ما اغار عليه .. ولا اتعب نفسي

احس كل ماطالعت فيه اتذكرررررر كل اللي سواه فيني .. واحيانا ما اكذب عليكم اكررهه:(

بس قلبي اهبل .. ارجع احبه .. واقول بنفسي ربي مانساني جازاه وخذا حقي منه مو مرتاح بحياااااااته

ابدا.. واللي كانت تكلمه ومعيشته بدنيا كلها ورود طلعت الورود من عيونه ههههههههههه اللهم لاشماته يارب

فيه وحده هنا مدري وش اسمها تشتكي من الهم وانها بتعلم اهل زوجها ونفسيتها تعبانه ..

حبيبتي انتي مريتي بجزء بسيط باللي مريت فيه تحمدي ربك ان الناس مادرت .. ان نص مأساتي من الناس

مابقى اشاعه ولا سالفه ولا شي الاطلعت .. غير كذا زوجك طول اليوم عندك وش تبين .. ولا كلمها ولا شي قبل الزواج عشان تغارين ..

انا كلمها ولو احلفلك انه بهذاك الوقت ماكان يتمنى يشوفني احس من نظراته لي انه يقول ياليتها مو بحياتي

يختلق المشاكل ويطلع العيوب فيني ع اتفه شي عشان يختلق مشكله ويسبب زعله ويروح يكلمها اطول وقت ممكن

انتي ماصار لك انك تدخلين الكمبيوتر وتقرين محادثاتهم .. هذي صارت لي .. لاتقولون لي حرام

طبعا هذي قريتها بعد الملكه لما عرفت هي مين وانا كنت اعرفها اصلا من قبل تقرب له .. وقد رحت بيتهم

وضيفوني وكل شي .. بالنهايه خذوا زوجي مني او زوجي راح لهم كلها نفس المعنى ..

كنت اقرى كلامهم ومحادثاتهم بالمسن .. جاني القولون العصبي وشعري صار كله شيب وانا توني 28 سنه

من الهم واللي شفته .. والله والله ما ارتحت الا لما تزوجها خلاص ... اررررررررررتحت من العذاب

لانه طبعا ماعاد فيه مكالمات زي اول وعشق وهيام خلاص لك يومك ولها يومها زادت المشاكل وعرف من انا

ومن هي ... والمشاكل زايده هالايام اللي راحت جعلها دوم ان شاء الله.. على اللي سوته فيني ربي بياخذ حقي منها

ان شاء الله وبتذلف عني .. اتمنى طلاقها ما اكذب عليكم اتمناه من قلبي .. لاني ابغى وضعنا المادي يتحسن

وابغى زوجي يرجع لي مثل قبل .. مع اني احس هو بيرجع بحب وشوق اكثر من قبل .. بس انا لاااااااااااااااااااااا

ماني قادره .. شي في قلبي غصه حتى لو طلقها ما احس ان مشاعري بترجع زي اول .. واذا ماطلقها في اسوأ الامور

عادي الحمدلله يارب مرتاحه وكل من شافني بعزيمه ولا شي احس نظرات الحريم مستغربين مني

احس بيعيونهم كلام كيف هذي زوجها متزوج عليها وكذا تضحك ومبسوطه احس بنظرات الشفقه بعيونهم

لاني صغيره وصار لي هذا كله .. بس انا احاول اني اصرف نفسي باي شي ..

عموما انا ماخذه زوجي وسيله للحياه سواء طلقها ولالا صحيح اتمنى يطلقها بس اذا ماطلقها تجي العافيه

ما احد بميت .. وانا ادري ان ربي بينصرني ياخذ حقي منها .. حسبي الله عليها ...

عموما الحياه ماتوقف عند اي انسان مهما كان غلاه .. مصيرنا نمر بمرحله ونعديها .. لكن ماراح نموت,,

وانا طلعت من هالتجربه اني ما اعطي احد اكبر من حجمه ولا اتعلق باحد لدرجة انه اذا غلط انصدم .. خلاص

عموما الحياه فيها اشياء كثيره حلوه نفكر فيها ونضيع اوقاتنا فيها .. بدل هالرجال اللي ماوراهم الاالهم..:)

انا طولت عليكم بس نفسي اسولف ..

كـلّـي حــلــى • 14 سنة

ام رزن حبيبتي ..

يارب يفك كربتك .. لاتنسين سهام الليل لاتخطيء ادعي من قلبببببب وابكي وفضفضي لربي وشوفي كيف تفرج عليك

والله ان احسن منحه صارت لي من زواجه علي ان قويت علاقتي بربي مررره .. واذا صارت لي اي مشكله

انتظر اخر الليل بشوق ولهفه كأني متواعده مع احد والله ماكذب عليك حتى كنت مابكي اذا متضايقه امسك نفسي

اقول ابكي اخر الليل اذا ناموا كلهم على سجادتي .. واصلي وادعي ربي وابكي وافضفض كل اللي بقلبي ..

واللي اني ما اشيل سجادتي الا ربي ماسح ع قلبي بشكل ومرتاحه .. يالله شي عجيب ..

جربي بس وشوفي ... اتمنى ارجع زي اول لاني هالفتره متكاسله مره ... بس باذن الله برجع ..

لانه ماصبرني على كل اللي مريت فيه الا صلاة اخر الليل ....

الله يآجرك يعوضك .. كلمي ابوك احد يجيب لكم اغراض او مقاضي للصغار او كلمي اهله يجيبون لعيالهم

تصرفي الله يفرجها عليك وعلينا يارب

كـلّـي حــلــى • 14 سنة

رؤيا ياقلبي عندي سمك وش كثره .. وابي اسوي طريقتك بس تراني متنحه واحس اني مافهتمتها زين..

التمر الهندي لازم نحطه .. ؟؟ فصلي الطريقه بالتفصيل الممل لاني ابي اسويها ولاابي اغلط ..

نحط طحين ولا صلصه.. وبالنهايه وش يطلع لون الصوص كله ..

والطماطم اقدر افرمه مره لين يصير زي العصير ولالا لان زوجي مايحب يشوفه كذا بالاكل مقطع

هو والبصل يا اني افرمهم مره ولا ما احطهم خير شر :D

وبعدين فيه شي بقوله لكم قولوا لي طريقه تنظيف السمك سهله وسريعه لاني مره نظفت هاموره كبيره شوي

وطلعت اغراضها اللي ببطنها كثيررررررر ماقدرت اكلها بعدين.. علميني كيف انظفها ...

وابي بعد طريقة ربيان مقلي يكون حلووو,, اذا تعرفين ..

تعبتك بس ابي استفيد من خبرتك لاني مو مره بالبحري توني بديت اسويه ,,

القدعه • 14 سنة

ام رزن

اسال الله بمنه وفضله ان يفرجها عليك ويسهل امرك وعليك بسهاااااااااااااااام الليل ووالله هي ماتلجين اليه بهذا الوقت

دعواتي لك بالفرج القريب والله ماينسى عبده ويمهل ولا يهمل ثقي بالاخير راح ينصرك اصبري والله مع الصابرين

كـلّـي حــلــى • 14 سنة

بنات كلكم نمتوا ..؟

قوموا يالله<< نذله