اللهم آآآمين وياك يالغلا

ياعمري الله يجزاك خير

صباح الخيرات
وأنا بالدوام وعندي شغل وش كثره بس ما أصبر عنكم

الله يبارك فيك يا قلبي

ايه اكيد بختار هالالوان

بس ليتني اشوي اصحصح من هالزكام :(

وبعدها اروح اختار الاكسسوارات وغيره





الله يبارك فيك يا حبيبتي

الشر ما يجيك يا قلبي





صباحنا ما في احلى منه دام مريتي وصبحتي يا قلبو

وكلنا بخير يا عمري

واشتاقت لك العافيه ان شاء الله





زي اول لا يا قلبي مو زي اول

الا احسن من اول

بس يشهد الله اني تعبت كثير منه بالبدايه

خصتا بسالفة الخيانه ما قبل الزواج

بس كل شي يبي له صبر

والله سبحانه وتعالى يجازي الواحد على صبره

والحمدلله رب العالمين

يا خواتي معلش انا ضد ان الاولى تهمش حياتها مع زوجها لمجرد انه تزوج

تقول ما له بقلبي مكان

وتبون الصدق الي تقول كذا احسها مهي صادقه

المرأه يا خواتي ما في احن منها بالدنيا

المرأه من مميزاتها انها ان حبت مستحيل تنسى

انها منبع الحنان كله

كيف تقول ماله بقلبي مكان وله ما له قدر عندي

وله ما عاد له اهميه

لا والله ابحسبها بس من الجرح تقول كذا

وله بقلبها اكيد له مكان

لما كنت اكذب على نفسي وعليه وقلت له ما احبك ما ابيك

بس طاح مريض بالفراش ما كان يقدر يتحرك قسما بالله اني كنت ابكي من خوفي عليه

لا تقسون على انفسكم

لو زوجك راجع لك او نص راجع :22:

عطي انتي نفسك حقه مو هو الي يعطيك حقك

انتي الي تستاهلين تعطين نفسك حقه

شي لك تقولين لا عشان غيرك

لا والله ما اتنازل باخذ حقي من حب وعشق وهيام بعد ولا يهمني لو عنده ثلاث غيري

دام انا بصحتي وشبابي وجمالي وش ناقصني عشان بس اعيش كذا الا ابرضي انوثتي وقد قلت له لو ما تقدر قل من الحين عشان اطلب الطلاق او الخلع واشوف من يرضيني ترا لي احتياجات والله ما استحيت

حتى انه قال وش احتياجاتك ؟؟

وقلت وعددت له وش احتياجاتي وما انسى لما فتح فمه من جرائتي

عادي هو طالب بحقه بالزواج من الثانيه وسواها يعني انا ما اطالب بحقي الي الله حلله لي

والي تتنازل عن الحب عشان الثانيه بقول لها وش فيك انتي ؟؟

اممم هل تنتظرين رساله من ضرتك تقول لك شكرا لانك ما عدتي تحبينه

جزاك الله خير ما قصرتي بصراحه اختصرتي علي الطريق










اكيد الحمل يا قلبي زي حالتي

الله يحفظك من كل شر




الله يبرد على قلبك ويكتب لك الخيره يا رب

بس يا قلبي عندي ملاحظه

اربعين الف مو كثير :22:

كان كثير قبل تسع سنوات

بس الحين عادي يعني يدوب تجهز نفسها

ثم يا اختي لو كانت صغيره وبكر بتتزوج من رجال متزوج وعنده عيال

تصير بس قليل جدا

من كذا دايما تجمعنا

كل وحده تقول ان ضرتها يا اكبر منها او مطلقه او ما تجيب عيال

او انها بنهاية العشرينيات بس انها موافقه انها تشيل اعباء الحياه الزوجيه من راتبها

والله كل وحده لها قصه غير شكل والوحده ما توافق على الرجال المعدد الا لشي مقنع بالنسبه لها


طيب يا اختي ابقول لك شي

عيالها يجون لها والله بصالحك يا اختي

عشان زوجك يشقى :22: هو ما تزوج الا عشان راحته يجون عيالها بيخربون عليه

ما في رجال بيستحمل يوم يومين ثلاثه بالنهايه عاد بيكره عمره هو ما تزوج الا عشان يبي يجرب شي ويطحن الي براسه


وانها تكون من منطقه بعيده عنكم وما قد احد خذ من المنطقه هذيك

يمكن يحصل زوجك صعوبه بالتفاهم معها على حسب الاختلاف الي يصير

بالنهايه

ابقول لك شي

توفق معها وله ارتاح معها وله احترق معها ما علينا

شوفي يا قلبي انا على قناعه تامه بالنسبه لزواج الزوج

على زوجته انه خيره بالنهايه

فكري بالموضوع ادري انك مجروحه وكلنا مرينا بنفس المنوال

لكن انا ما احب الحرمه تطلع من بيتها وتشتت عيالها

بنتك الاولى بمكان والثانيه بمكان

هل تشوفين هذا حل لحياتهم

هل تشوفين ان هذا بمصلحتك وله مصلحتهم

هل تبين الطلاق ؟؟

قلتيها ورديتي على نفسك قلتي ما ابيع التسع سنين الي مروا بحياتي معه بلحظه

وانا معك بالشي ذاه

حاولي ترجعين يا قلبي

وطنشي من الحين الين ما ينتهي من كل شي

وبتشوفين كيف ان زواجه خيره بالنهايه

لو كنتي تعانين ما راح يكون ليليا معك بترتاحين مع بناتك وتاخذين راحتك ببيتك ويخف عليك المسؤوليات

ان كان سعيد قولي انا هم سعادتي بإيدي

وان رجع لك احسن من قبل

لا تتنازلي عن هالشي

لكن جلوسك ببيت اهلك وابتعادك عن بيتك

ما راح يجيب نتيجه لمصلحتك ولا مصلحة عيالك

شوفيها طلبت انها تشوف عيالها ببيتها

وانتي تشتتينهم الله يهديك

شوفيها تطلب وتتشرط

وانتي جالسه ببيت اهلك وتفكرين بالماضي والي شفتيه منه

الماضي انتهى

وهو تزوج واليوم يوم جديد

وصفحه جديده

تبين تعيشينها بسلام عيشيها

لكن بتحزنين على الي فات ما راح احد يهتم الكل بيواصل مسيرته وانتي بتبكين على حالك يوم بعد يوم

ما هو قرارك البعد

ما جه قرارك انك تبتعدين الا عشان انك مجروحه

لو قال الف من يتمناك

خذيه شهاده تقدير لنفسك انك الافضل

والرجال قبل ما يباشر حياته مع الثانيه يقول ويقول ويقول

ويجرح براحته ولا على باله ان بيوم بيشقى وله على باله ان هالحلم بيخلص بيوم

بالنهايه بيرجع على طبايعه الاوليه

وبيحس ان محد يفهم لطبايعه غير الاولى

فكري كويس بحياتك

وش ناويه انك تسوين

انقهر لا سمعت وحده طلعت من بيتها عشان انه تزوج

خل يتزوج ثلاث بليله وحده

الاهم انك ما تتركين بيتك ولا عيالك يتشتتون عشان حرمه ثانيه بتدخل بحياته

خل تدخل وتطلع وتدخل وتسوي ما بدالها

حياته وهو حر فيها

انتي حياتك الاهم

الروح الي شلتيه ببطنك واهتميتي فيه وكبر قدام عينك الاهم







الاشياء الي تسوى يجيبها للغسيل يخاف عليهم ههههههه

الاشياء العاديه ما يجيبهم يعني ملابس البيت و غيره هي تغسلهم

لما يبي يروح ياخذ معه ملابس العمل لليوم الثاني وهو طالع من عندها عشان يلبسهم

كنت اكويهم له واجهزهم الحين ما عدت اكوي له احطهم بكيس وهي تكوي

بس انه مصر ان ما يحط له ملابس العمل هناك

والشي الي يشيله من ملابسه من عندي وله جزمه يرجعهم على نهاية الاسبوع









جزاك الله خير حبيبتي

مشكوره على النقل كلمات رائعه

حفظتها عندي





وعليكم السلام والرحمه

اكيد يا قلبي ممكن

الله يسعدك ويوفقك

الكلام الي الوحده تقولها للاوليه لو زوجها تزوج

تقول ما عليك بكره بيرجع

المعنى من هالكلام

مو المقصد منه ان يطلق الثانيه ويرجع لها

المقصد منه ان ما راح يرتاح الا ببيته الاولي

خصتا لو لقى راحته وهدوئه عندها

خصتا لو كانت ملبيه احتياجاته و معطته حقه

خصتا لو انها ما تنازلت عن حقوقها بهدوء و رضت بما قسمه الله لها

الزوج مهما يسوي لا نكون غير عاقلات ونتهمهم انهم ما لهم قلب

الا ما يجي يوم ويفهم ويحس بالاولى

لكن ما يجي كل هالاشياء الا بالصبر عدتها مرارا وتكرارا

وما يجي هالشي الا بعد ما يرجع كل شي روتيني بحياته

حتى لو كان مايل للثانيه

الاولى لها معزه خاصه

لها تقدير خاص

ميلان الرجل للثانيه ممكن يكون من نواحي اخرى

لكن هل الي مضى ينمسح بيوم وليله

هل شباب الواحد ينساه عشان يعيش مستقبله بدون عنوان ؟؟

عنوان الرجل زوجته الاولى

بكل ما مر بحياته من تفاصيل

مره او حلوه المهم انه عاشها معها

وما راح يقدر ينساه

هذا المقصد من كلامنا للاوليات

لما نقول لهم اصبروا ترا بيرجع

صباح الخير يالغوالي
صباحكم ورد وفل و ياسمين

كيفكم ,,, شخباركم
يارب تكونون بأفضل حال

اللهم ان لي أخوات بهذا الملف أحببتهن فيك
اللهم اني أسألك ياذا الوجه الأكرم والعطاء الأجزل والأسم الأعظم
أن ترزقهن بما يتمنين ,, وأن تعطيهم حتى يرضين
وأن تسخر لهن أزواجهن تسخير العبد لسيده
اللهم ورد لهن أزواجهن رداً جميلا
وأجعلهن أحب الخلق لقلوبهم

وأسألك ربي أن ترزقهن راحة البال
وطمئنينة القلب
ورضاك والجنه
وسعادة الدارين

اللهم آمين ,, يارب العالمين