الطائفية :

مو الكل ياعسل يحقد وربي اني عمري مافكرت لو تزوج زوجي احقد عليها او انظر لها هالنظرة اولا من قبل لااتزوج مؤمنة جدا بالتعدد ومهيئة نفسي مااعترض ابدا على شرع الله ولاامنع زوجي يتزوج لو عشر ولا احب اشغل نفسي بالتخطيط او كيف ارضي زوجي واخليه لازق فيني ومايفكر بغيري لأن هذا محال فهو غريزة في الرجل ثانيا والله لو احرقت نفسي لرضاه وربي كاتب انه يتزوج ثانية او اكثر مارح تنفعني جهودي الا اذا ربي كاتب عنده ان مجهودي بيمنع زواجه ثالثا مرة كنا نتكلم بهالموضوع انا وزوجي قلت والله مستعدة اخليها زي اختي ان كانت طيبة بيثمر فيها ونستمر على اخوتنا ومحبتنا واذا شرانية بنسحب وكل وحدة لها بيتها وقلت له حتى لو ملت لها وتركتني وعيالي ماهمني دام اني مؤمنة بري وان الفضل كله من عنده ومالأحد علي فضل لو شو ماعمل . وودي دائما ان الحريم يخففوا من الغيرة وتوكل امرها للرحمن الرحيم اصلا وربي ماتدري الوحدة منا لما يطلع زوجها يمكن انه عنده غيرها ويروح لها وهي فرحانة بعمرها تحسب انها ملكته لوحدها صحيح المرأة تحس لو زوجها عنده شي بس العاقلة واللي تعرف ان الدنيا فانية تسلم لأمر الله وماتغير من تصرفها مع زوجها شي وهالشي يرجع لأدبك واحترامك لنفسك قبل كل شي ومروءتك اللي تحترم نفسها عمرها ماتنزلها للسفاهة وتغير من اخلاقها الطيبة اللي ترجو من الله انها تكون سبب لها لدخول الجنة وبس سلامتكم

مو الكل ياعسل يحقد وربي اني عمري مافكرت لو تزوج زوجي احقد عليها او انظر لها هالنظرة اولا من قبل...

حلآ الورد@@@ :

عزيزتي الزوجة الثانية .. انتي يا صاحبة الموضوع وغيرك من الزوجات الثانيات ما أكلمك بشكل خاص !! بما اني وحده من الحريم ومن المجتمع بجاوبك 1- لأن كل زوجة ثانية أنانية قبل ما تقولين لي شرع وسنة في شي أهم " حب لأخيك ما تحب لنفسك " أمرنا الرسول ان نحب لغيرنا اللي نحبه لنفسنا ما أمرنا بالزوج الثاني ! 2- الزوجة الثانيه منافية للطبيعة العامة لأن الأسرة معروفة تتكون من " زوج وزوجة وأبناء " وإن شالله حياة سعيدة بس ينحط فرع للزوجة الثانية وابناء الثانية .هذا شي ثاني ما اقولك انه غلط .. لأن حتى الطلاق مو غلط !!! 3- ما عمري شفت زوجة ثانية الا تذم في زوجته الأولى ،، بشكل مباشر وغير مباشر " مهمله ووسخه وما تهتم وما تفعل وما وما وكأنها مشالله دخلت عشان تعمر البيت وتكمل الناقص لزوجها ماله داعي هالاعذار اذا انتي واثقة انك و زوجك ما سويتو شي غلط ،، حرااااام هالشي والله وحتى لو كان صج وين الستر ؟؟ <<-- قلنا من قبل انها انانيه فا مستحيل بتستر الزوج لمن يتزوج على زوجته يتزوج بلا بسبب لا كمال فيك ولا نقص في الأولى ..بس دائما حتى هو عذره تنقيص في حق الأولى 4- انتي قلتيها الزوجة الثانية " دلوعة زوجها " أغلب الزوجات الثانيات تاخذ شي أكبر من الأولى بكثير .. لأسباب كثيرة .. - لأنها داخله وعارفة ومتجهزة / بعكس الزوجة الأولى المنكسرة من الموقف - الزوج مستانس بالجديد وملان من القديم فا بيجتهد مع الثانية وبيهضم الأولى أكيد الناس عارفة هالشي ومتعاطفه مع الأولى وكارهه الثانية 5- الحريم يكرهون الزوجة الثانية لأنهم يحطون انفسهم مكان الزوجة الأولى ،، وهذا نوع من التعاطف لها وما اشوف انه كريه ويخافون ان يكثرون " الزوجات الثانيات " في المجتمع وتجي وحده على راسهم من جد الله لا يكثرهم ويكفينا شرهم [ بستثناء ] 1- اللي تخطف الرجال بجد يعني تدور عليه لين تاخذه 2- اللي تدخل على البيت وتخربه وتشتت أهله هذيلا أكيد يكرهونهم مو بس ينبذونهم الا الناس الحاقده الشماته أما : - الزوجة اللي تتزوج على زوجة بعذر نقول عنه عذر مثلا ما تجيب عيال أو مريضة أو شي كبير هنا يحله الشرع الأعذار الغبية ما اعتقد انه حلال عليه الزواج لأنه مستحييييييييييييييييييييييل بيعدل والتعدد ما يحل الا بالعدل " وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ " صاحبة الموضوع .. ما أعتقد بعد ردي رد .. فما بنتظر انك تردين علي !!

عزيزتي الزوجة الثانية .. انتي يا صاحبة الموضوع وغيرك من الزوجات الثانيات ما أكلمك بشكل خاص...