انا عمري ما طالبته بمصروف ولا راتب الشغالة لكن مالي دخل بمصاريف البيت والعيال

على فكرة انا كنت نزلت موضوع في الحياة الاجتماعية عن الموظفة وليش زوجها ما هو كريم معاها لكن الموضوع تحول الى معركة بين ربات المنازل والموظفات وانحذف الموضوع


المهم بالنسبة لموضوعك انا اقول اهم شي التعويد - يعني المفروض الوحدة اول ما تتزوج ما تعود زوجها تصرف على البيت لان اذا تعود مستحيل يتغير
يعني الخطأ يبدأ من الزوجة
واكبر غلط الحريم اللي علشان تكسب زوجها تقعد تجيب مقاضي البيت وتدفع الفواتير وتشتري له سيارة وفيه حريم واالله حتى الايجار يدفعونه
وفي النهاية تنصدم لما تلقاه لم فلوس وتزوج عليها


بعدين الرجال مكلف يصرف على زوجته حتى لو كانت مليونيرة


وهي من حقها تامن مستقبلها ما دام انها تتعب وتكرف


لكن موضوع المصروف صعب شوي - يعني اذا هي راتبها مثلا 8000 ريال هو كم يبي يعطيها؟؟؟؟؟؟؟

يعني ممكن تلزمه مثلا بكسوة العيد والمناسبات

يعطيها مثلا عيدية

واذا زوجها مرة مقتدر ليش ما يعطيها

ايوه من حقي انه يصرف على وعلى بيته وعياله لو راتبي مليون ريال مو مساله طمع بس هذي واجبات والدين ايضا هذا رايه
الرجال قوامون على النساء احس الرجل اللي يناظر راتب زوجته مافيه خير
لو ظروفه تعبانه اساعده واوقف معه وبحدود مو اخليه بس اسم زوج

عني موظفة ولاعمري طلبته لكن زوجي لازم يعطيني من نفسه على حسب مامعه لانه تاجر فيوم يجيه خير يعطيني اكثر وايام لا يعطيني شوي وفاتورتي هو يسددها وماعندي شغالة وهو يحاسب عني والزوج يحب يصرف على زوجته سواء موظفة او غير موظفة
ويمكن حسب الزوج الزوج اللي عارف ربه وملتزم بيصرف على زوجته لو هي مليونيرة لانه عارف ومقتنع ان له القوامة بالانفاق وانه ملزوم شرعا بزوجته
اما الرجال اللي حاسد زوجته على راتبها او طماع او مو وجه نعمة اكيد ماراح يعطيها ولاشي وبيتحجج براتبها وللاسف في شريحة كبيرة من الرجال واللي ينقال لهم ملتزمين مايرضون يعطون حريمهم الموظفات بحجة انه سمح لها بالخروج من البيت للعمل بينما الواقع انه لو هي ترفض الوظيفة وتقعد من نفسها بالبيت بيموت هو من القهر لانه مصدر فلوس له لكن اللي يصرف على زوجته نفسيته مرتاحة محد يقدر يقول تصرف عليه زوجته ولاهو لما يحاسب نفسه يشوف تقصير لانه قايم بواجبه ولابيكون مهتم حتى لما زوجته تترك الوظيفة لانه سامح لها من منطلق رغبتها وماتكون مقصرة ببيتها مو عشان الفلوس

انا مو موظفه بس الموضوع حلو مرره

بالنسبة لي كسوة العيد عليه
مصروف على حسب ظروفه بس لان عنده ديون فإذا عنده مايقصر والحمد لله