السلام عليكم اخواتي الغاليات
اذا فاكرين موضوعي كتبته قبل شهر تقريبا انه زوجي تزوج علي
حابه اولا افضفض
وثانيااستفسر عن الزوج بعد زواجه وكيف تكون طباعه يتغير ولا لأ صرت مو فاهمه عليه ولا ادري عنه
زوجي بعد ماتزوج قال انه ندمان وانه يحبني اكثر منها كلام اكثر المعددين بعد زواجهم
يجلس معانا اكثر منها على كلامه متفقين على كذا من قبل الزواج هو عند عياله وهي عند عيالها وكل بعد فتره يسافر لها لانها في ديره واحنا في ديره ثانيه
متفق هو وياها على بعض الامور ولا احد فيهم يتجاوزها بعضها قالها لي وبعضها ماادري عنها ولا هو راضي يقولها لي حتى سبب زواجه الى الان ماقال لي
ويحلف بالله انه مايقوله لاحد عجزت معاه اعرف السبب
يقول لي المفروض هي اللي تغار منك مو انتي لانك اجمل منها واصغر منها الله اعلم اذا صادق ولا لا في العمر صح انا اصغر منها ام الجمال الله اعلم
هذه كم شغله حبيت اكتبها قبل لا استفسر
زوجي صار قليل الكلام حتى لمن نطلع السياره والاولا معانا مايتكلم كثير مثل قبل ويتناقش معانا في موضوع نفتحه تغير كثير عن اول وانا يبدأ الوسواس يشتغل عندي
اكيد قاعد يفكر فيها
ماادري هل هو مهموم او في شي مضايقه بس فعلا يابنات شكله كبر عشر سنين
في البيت مايجلس مع اولاده كثير ولا يمزح معهم مثل قبل احسه يشغل نفسه باي شي تلفزيون كمبيوتر نوم
طول الوقت سرحان ولمن اساله يقول مافي شي كيف مايوسوس لي الشيطان ويلعب بعقلي
حتى اهله لاحظوا عليه انه متغير ولمن فتحت معاه الموضوع حطها فيني انه انا السبب ومشاكلي معاه هي السبب رديت عليه وقلت له انا وانت متزوجين صار لنا تقريبا 18سنه وكانت حياتنا فيها مشاكل مثل أي بيت بس ماكنت كذا ولا اهلك واولادك لاحظوا عليك شي وكنت انسان طبيعي مالاحظوا عليك الا بعد ماتزوجت
ابغى المجربات يعلموني هل هذا الوضع عند زوجي طبيعي ولا لأ
هل يفكر فيها طول الوقت ونفسه لو هو عندها
وهل مشاكلي معاه لها دور في الوضع اللي هو فيه او يبالغ مع انه مانطول بالزعل ونتراضى لكن يقول مشاكلك مااقدر اتحملها مع انه مشاكلي كلها قهر من زواجه وغيرتي اللي عجزت اسيطر عليها
ابي الحكيمات ينصحوني ويعلموني كيف اتصرف حتى لو في وحده بتقسى علي بالكلام راح اتقبله اذا كان في مصلحتي بس بدون تجريح
نفسي اعيش سعيده مع زوجي واولادي
وسامحوني كلامي مو مرتب لاني ملخبطه ولا عارفه افكر صح
4تويكس @4toyks
عضوة جديدة
يلزم عليك تسجيل الدخول أولًا لكتابة تعليق.
بسر
•
الله يذهب حزنك اختي ، مااحد يدري هو يفكر فيها اولا هذا علمه عند الله لكن شي طبيعي يفكر بها لأنهم ببداية زواجهم وجديدة عليه حتي لو ماكان حب ، لكن انت اكثري من الاستغفار والدعاء وشاغلي نفسك بشي مريح لك وتوضيح له انه شي طبيعي ألمك وقهري منها وانه بيلك وقت تتجاوزونه فلا ينتظر منك انك ترجعي طبيعية من الحين ، الله بفرج همك
بسر
•
بسر :
الله يذهب حزنك اختي ، مااحد يدري هو يفكر فيها اولا هذا علمه عند الله لكن شي طبيعي يفكر بها لأنهم ببداية زواجهم وجديدة عليه حتي لو ماكان حب ، لكن انت اكثري من الاستغفار والدعاء وشاغلي نفسك بشي مريح لك وتوضيح له انه شي طبيعي ألمك وقهري منها وانه بيلك وقت تتجاوزونه فلا ينتظر منك انك ترجعي طبيعية من الحين ، الله بفرج همكالله يذهب حزنك اختي ، مااحد يدري هو يفكر فيها اولا هذا علمه عند الله لكن شي طبيعي يفكر بها لأنهم...
اقصد اوضحي له انه شي طبيعي قهرك منها
خذي هذا الكلام من زوجة 2 الرجال يعطي هذي كلام وهذي كلام مايبي يدوش راسه .
بس ليش تقهرين نفسك وليش تحرينها ترى مافيه وحده تحلم بمتزوج أبد لكن حظها كذا .
يكفي أن كنيتك هي نفسها كنيته وهي لا مايكنى بأسم ولدها .ولو نادته بأسم ولدها تقوم الدنيا عليها !
ولدك وبنتك أول فرحته مو مثلها لو ولد واحد مايفرح مثل فرحته في أول أبناءئه .
عشتي معه سنين أنتي وهو وخليتي فيه لوحدك وقلتي اسرارك له وهو كذالك .بس هي من تزوجته يوم معها ويوم مع غيرها ماعاشت لو سنه لوحدهم !حتى الاسرار ماتقول له شي لانها ماتضمنه يصبها بأذن زوجته .
غير الحسره بنفسها أن نصيبها ماكان مع غير متزوج .
صدقيني مهما كان حالك أفضل منها .
أطلبي من الله ينزع الغيره من قلبك ويرزقك الصبر .
بس ليش تقهرين نفسك وليش تحرينها ترى مافيه وحده تحلم بمتزوج أبد لكن حظها كذا .
يكفي أن كنيتك هي نفسها كنيته وهي لا مايكنى بأسم ولدها .ولو نادته بأسم ولدها تقوم الدنيا عليها !
ولدك وبنتك أول فرحته مو مثلها لو ولد واحد مايفرح مثل فرحته في أول أبناءئه .
عشتي معه سنين أنتي وهو وخليتي فيه لوحدك وقلتي اسرارك له وهو كذالك .بس هي من تزوجته يوم معها ويوم مع غيرها ماعاشت لو سنه لوحدهم !حتى الاسرار ماتقول له شي لانها ماتضمنه يصبها بأذن زوجته .
غير الحسره بنفسها أن نصيبها ماكان مع غير متزوج .
صدقيني مهما كان حالك أفضل منها .
أطلبي من الله ينزع الغيره من قلبك ويرزقك الصبر .
ما عندي إلا اني اقول لك الله ينزع الغيرة من قلبك و يصبرك
صدقيني مايستاهل تفكرين وتوسوسين علشانه
صدقيني مايستاهل تفكرين وتوسوسين علشانه
blanches
•
ما اتوقع يرجع مثل قبل ابدا و لا حياتكم ح تستقر الا اذا نسيتي تماما انه فيه احد غيرك بحياته ..
و ما اتوقع ان سرحانه اثبات انه يفكر فيها
الرجال ما عندهم لف ودوران لو يفكر فيها راح لها و تركك انتي و عيالك لين يشبع منها و يلتفت لك
سرحانه اتوقع انه من كبر المسؤوليه عليه و التشتت
انها في منطقه و انتي في منطقه اذا ما تعدل هالحال بيجلس طول عمره مشتت
انصحك لا تزنين عليه و لا تسألينه ايش تفكر و ليش
خليك مرحه فرحانه و استمتعي بكل لحظه و هو معك
اطلعو و تمشو سافرو و كلو العبو
لا تنكدين على نفسك و عليه
و مو مهم سبب زواجه عليه يمكن م في سبب اصلا بس كذا
مادام حلال و عنده فلوس بيتزوج من غير اسباب
و اذا سافر لها فليها مع عيالك و اهلك خرجات و مطاعم و زيارات و ادخلي تحفيظ قران ترى والله اجر و تغير جو و صحبه طيبه او دورات تجميل فن و ممكن تفتحين محل تترزقين فيه و تطلعين ابداعاتك
و ما اتوقع ان سرحانه اثبات انه يفكر فيها
الرجال ما عندهم لف ودوران لو يفكر فيها راح لها و تركك انتي و عيالك لين يشبع منها و يلتفت لك
سرحانه اتوقع انه من كبر المسؤوليه عليه و التشتت
انها في منطقه و انتي في منطقه اذا ما تعدل هالحال بيجلس طول عمره مشتت
انصحك لا تزنين عليه و لا تسألينه ايش تفكر و ليش
خليك مرحه فرحانه و استمتعي بكل لحظه و هو معك
اطلعو و تمشو سافرو و كلو العبو
لا تنكدين على نفسك و عليه
و مو مهم سبب زواجه عليه يمكن م في سبب اصلا بس كذا
مادام حلال و عنده فلوس بيتزوج من غير اسباب
و اذا سافر لها فليها مع عيالك و اهلك خرجات و مطاعم و زيارات و ادخلي تحفيظ قران ترى والله اجر و تغير جو و صحبه طيبه او دورات تجميل فن و ممكن تفتحين محل تترزقين فيه و تطلعين ابداعاتك
الصفحة الأخيرة