كوبونات الراقية تسجيل الدخول

مناير الغلا
مناير الغلا •
يالبى قلبك هذا زبدة الموضوع وروعته لو كل وحده طبقت هالنصيحه

كان عاشوا بسلام من دون مشاكل ولاهموم

تذكروا ان هذي الدنيا قصيره ماتستاهل اني اغضب ربي وارتكب

معاصي وذنوب كله علشان ارضي هالزوج اللي في النهايه مو نافعني

يوم القيامه ولا بيشيل الذنوب عني ورزقي اللي

كاتبه لي ربي بأخذه مو الزوج اللي يحدده

الله يحسن خاتمتنا ويرزقنا الجنه ,,
دلوعـAته
دلوعـAته •
عروس الفرح عروس الفرح :
ياعزيزتي انا وربي نفس تفكيرك ومالي مصلحه بحد وانا بنوته للحين ويمكن على وش جواز بعد بسسس وربي داخله هالقسم استفيد لكن انصدمت كثيررررررررررررررررررررررر بالي يصير وتمرد اغلب الزوجات الثانيات شي فظيع وكلام افظع وابشع وربي انا شايفه ولا وحده من الاوليات سوت غلط هن يتحرشن ويبغن المشاكل وبلغت عنهم المشرفات بس شنقول الله يهديهم ويهدي الجميع ويعوضهم عن ذا الحقد والنقص بكل خير والا يشغلهم عن هالقسم بالي هو :26:
ياعزيزتي انا وربي نفس تفكيرك ومالي مصلحه بحد وانا بنوته للحين ويمكن على وش جواز بعد بسسس وربي...
معليه ياقلبي
اول شي الله يوفقك لكن انتي تقولين ماشفت شي غلط منهم
اول شي الكلام هذا مو صحيح الا والله ياماشفنا كلام يقشر له البدن بس يتم حذفه من قبل المشرفات الله يجزاهن خير
وصدقيني موضوع امس صحيح صار فيه تجاوزات بس خلينا واقعييين الكل اخطا على الثاني وكانت البدايه من شموخ الخيال صح او لا
انا كنت متابعه ورفعت نفسي عن الخوض في المهاترات هذي لكن لاشموخ ولالوليتا ولاابتسامه قصروا بالكلام وحده قذفت البنات وقالت سمعتكم شينه وعوانس ومطلقات بالله هذا كلام انسانه عاقله وبالتالي شي طبيعي تلقين الدفاع اكثر شراسه
عموما اللي ماتخاف الله سواء اولى وثانيه مايهمها مشاعر غيرها اهم شي تطلع غيرتها وحقدها ماتدري انها محاسبه على كل كلمه تكتبها
وانا والله والله تعرضت للأساءه من ضرتي ومن هنا في حواء ولا رديت عليها بس اقول لي رب ياخذ بحقي وعند الله تلتقي الخصوم ولا نزلت لمستوى كلامها ويكفيني اني اعرف انها ماقالت الي قالته الا لعلمها الكبير بمكانتي عند زوجي والله لو الوحده واثقه ان ضرتها مالها مكانه ومكانه كبيره بعد ماقذفتها وتكلمت كان قالت ماتهم زوجي بشي فليش اهتم لها
لكن الغيره يا حبيبتي تعمي القلوب والضمائر الله يكفينا شرها
مايميزني طيبتي
مايميزني طيبتي •
أم عـــناد أم عـــناد :
والله اعجبتني ردودكم وكلكم لان ردودكم تدل على عقليات متفهمه والله انا من حزني على البنات اللي ماتزوجو وعلى الزوجات الاولات والثانيات لان مثل ماقالت احد الاخوات الحياه اخرها موت فا الوحده تتقي الله في نفسا وفي ضرتها وفي زوجها وابنائها وابناء زوجها والله راح يخرجها من الضيق الى الفرج بأذن الله شرفني مروركم جميعا
والله اعجبتني ردودكم وكلكم لان ردودكم تدل على عقليات متفهمه والله انا من حزني على البنات...
صح كلامك ياقلبي انا اعرف ضراير ماشاء الله زي الخوات
وأكثر بس المشكله بعقول البشر
الله يهدي الجميع
والرجال صح عايش عايش
وتسلم يدينك اللي كتبتي الموضوع
عزيزة بربي
عزيزة بربي •
ربي سبحانه اللي قدر الزواج والطلاق قدر ان هذي تاخذ عازب وهذي مطلق وهذي متزوج هذي اقدار زي هذي حلوة وهذي وسط وهذي بيضا وهذي سمرا كلها اقدار واللي قاعدة تسب الزوجة الثانية ماتضمن وش يصير عليها بباقي حياتها يمكن تنفصل وتضطر تصير ثانية
انا الحين متزوجة واحد متزوج والحمدلله على كل حال الولد والمطلق يستكثرونه على المطلقة ومعها طفل مااحد يبيها حتى المتزوجين قليل منهم الجاد واللي تاخذ متزوج تبي ذرية وستر وبيت سقفه يغطي راسها ولا تدري المتزوج ماعليه شفقة الحمدلله على كل حال
وله قلبي
وله قلبي •
السلام عليكم

اختي الكريمه ,,

اعجبتني جرأتك في الطرح واسلوبك الحيادي الرائع ,,

من وجهة نظري المشكله تكمن في عقليه العضوه نفسها دون الإلتفات للرقم اللي تحمله

هذه العقليه تعمي صاحبتها عن الصواب وتريها فقط ما يتلاءم وهوى النفس

الملاحظ في منتدانا

البعض يرى في شخص اي زوجه ثانيه تهديد لأمنها واستقرارها فتهجم عليها بكل قوتها,, تستنفذ طاقتها في محاربه شخص تغافلت عن انسانيته ووصمته بمجرد رقم ! أسقطت عليه أبشع الخيالاتك الذاتيه التي لاتمت للواقع بصله ! واهملت نقطه مهمه وهي : انها مجرد خيالات !!! الأولى تتخيل ان ضرتها تحمل نفس الصفات ,, والوحيده تتخيل نفسها في موقف الزوجه الأولي

بعض الاخوات يعرفن زوجات ازواجهن و وفق ذلك ينقسمن الي :

الاول : تكيل لها الشتائم والاهانه وتدخل بمعرفات جديده ,, تترصد مشاركاتها وتنقلها للزوج لتخلق لها مشكله في حياتها ويكون البقاء للأقوي

الثاني : تتجاهل وتتغافل عن وجودها تماما ولكن لايخلو الأمر من بعض الاستفزاز

الثالث : ان تكون رااااقيه بمعني الكلمه ,, وتقتص الحق ولو من نفسها ,,


لو نحتكم للعقل بنشوف ان العمليه مجرد اسقاطات نفسيه ومشاعر سلبيه وجدت من القسم أرض خصبه لاحتوائها ,, النظره احاديه الاتجاه كارثه انسانيه تحل بصاحبتها قبل اي شخص آخر ,, وبكل امانه الاحظ ان المخربات عاده لا يهتممن بكون الموضوع لاولي او ثانيه ! المهم ان ينلن من العضوة "الهدف " باثاره البلبه وتحريف الكلام واجتذاب السذج لمعركة تدار في الخفاء !


قيل ,,

العاقل طبيب نفسه ,, وليت هذا البعض يراجع نفسه ويتفكر بوعي وادراك في ان المسأله لا تحتاج الي كل هذا الاجهاد الذهني والحرب الالكترونيه !

التجارب الشخصيه ليست معيارا ,, من يأخذ الكلام الصادر من (( أولي أو ثانيه )) ويقيسه على نفسه انما هو دليل خلل نفسي واضمحلال ثقه !
المتحدث غير مسؤول عن أفكار الآخرين وردود افعالهم

نتمنى ان مثل هذه المواضيع ترتقي بذائقه البعض هذا


كل الـــود