الزوجه الثانيه

بنات من اليوم م نمت من التفكير أعز صديقاتي وبنفس الوقت قريبتي تزوج زوجها عليها وحرق قلبها جاتني الصباح افطرت عندي تعلمني عن قرايبي انهم يتشمتون فيها ويتريقون عليها وهي حساسه مرا انا انصدمت من وزنها راحت البنت اختفت كان وزنها 60
الحين وصل 46
صارت هيكل عظمي حسبي الله عليهم من حريم
تقول كل م انسى واتناسى زواجه يعكرون علي جوي ويذكروني اخر مرا ليلة السبت تقول قلت بخرج انبسط اغير جو تقول راحت لخالتها وجو قرايبها واجتمعو ع عشا تقرل جلسو يعايروني ويذكروني بزواج زوجي تقول وحده تحلف تقول تراها أحسن منك وموظفه مدلعه زوجك مو زيك حافيه منتفه ماعندك شي والثانيه تقرل تراقب بيتي تقول يجلس عندك 3 ايام ويجلس عندها 5 ايام واضح م يرتاح عندك والثالثة تقرل تزوج يبغى عيال انتي م تجيبين غير بنات واخت زوجها تقرل هاذا نصري عليك ي فلأنه تقول اقسم بالله اني م اذيت اخت زوجي بشي تقرل احاول اعصر مخي يمكن كلمه جرحتها او شي م اتذكر. تقول رجعت بيتي صرقعت البيت صرقعه تقول هاوشت زوجي قلت انت السبب انت اللي خليت لناس مجال تتشمت فيني وعصبت عليه وضربت بناتي ضرب قاسي تقول وسبيت زوجي من القهر وطلبت الطلاق وقلت ي انا ي زوجتك الثانيه قام زوجها شرد من البيت وراح لزوجته الثانيه وقال انتي نكديه وراح ادور المكان اللي ارتاح فيه مع انه ليلتها بس كله بسبب ظغط الحريم عليها
المشكله انهم قريبين منها حيل وبعضهم ساكن معاها بنفس الحوش يراقبونها مراقب مدري ايش يستفيدون من ياأذون الحرمه نفسسسيا تقول قدامهم م ابين اني مقهوره اضحك واسوي نفسي مبسوطه عشان أحرقهم وربي اني خايفه عليها
تحلف بالله تقول اللي غبني وقهرني الحريم اكثر من زواج زوجي تقول اسلوبهم وشماتتهم تغبن
قلت لها لا تجتمع معاهم بس المشكله بعضهم يجيها ببيتها وجالسين مدح بزوجته الثانيه للعلم هاذي جميله وحلوه والثانيه مو حلوه يس يكايدونها