الزوجه الثانيه والزوج المصون .. موضوع للنقاش

السلام عليكم ورحمه الله وبركاته

طبعا يابنات اي وحده فينا مستحييييل ترضى ان زوجها يتزوج عليها
واغلبنا بس يفكر كيف يمسك الزوج ويحافظ عليه لايطير من يدينا

انا بس لمن افكر مجرد تفكير واهوجس ان زوجي تزوج علي انكتم واتضايق وينقلب مزاجي ويتعكر

الله لايكتبها لاحد فينا يارب ونكون اول واخر النساء في حياه ازواجنا ويجملنا بعيونهم يارب

احيان افكر بيني وبين نفسي لو لاسمح الله زوجي قرر يتزوج وسواها فعلا اش بتكون رده فعلي ؟؟؟
طبعا انا فراسي ان مستحيل اقعد معاه دقيقه وحده نفس ماختار غيري انا بختار نفسي وحياتي مو ناقصه هم وحرقه قلب بروح لاهلي واتطلق احسن لي وعيالي برميهم له:hmh:
انا من النوع الغيور جدا وحساسه ماعتقد بقدر اتحمل الوضع واتقبل الضره
غير اموت بفراشي بسكته قلبيه وماحد درى عني :(

بس ابي اعرف هل تفكيري في محله ؟؟؟

وهل في بنات كان تفكيرهم مثلي ولمن تزوجو ازواجهم قعدو وتحملو الوضع؟؟

وبرضو هل في بنات تطلقو ؟؟ وندمو او سعيدات في حياتهم ؟؟

الموضوع للنقاش لا اكثر ولا اقل وشي في نفسي وابي اتكلم فيه من فتره وطبعا عالم حواء المتنفس الوحيد لنا الله يخليه لنا ولا يخلينا منه :)