صدقيني بيجيك يوم تندمين اذا وافقتي عليه لان فيه وحدة اعرفها قصتها
قريبة من قصتك . روحي شوفي حالتها اقسم بالله لا تسر عدو ولا صديق
عاضة اصابعها من الندم دائما تقول ليت الزمن يرجع وراي كان...........
تري الرجال بشكل عام يتغيرون بعد الزواج بعدين يظل دائم الشك فيك يكفي
انك تعرفتي عليه بطريقة غير مشروعه هذا اللي يزيد الطين بلة






انتبهي قبل لايطيح الراس بالفاس مثل اللي صار مع الحرمه
بعدين ماينفع الندم انتي للحين بالبر فكري ولا تستعجلي بالزواج
احنا كلنا مثل خواتك نبغى مصلحتك ولامانصحناك انك تتركينة افضلك
وانتي وراحتك عاد

انااا رايي من راااااااااي .. مراءه نفسي
كلاااامهااااااا .. عين العقل

والله يفرج همك ااامين

هلا خواتي مرة ثانية

أبغي أعرف انتوا ليش شايفين أنه التعدد في تجني على الزوجه الاولى؟
أصلا الله ما أباح شي الا اذا فيه مصلحه للمسلمين ، ولو تفكرون فيها
بمنطق بتلقون الموضوع كله غزو فكري مب أكثر يعني آباءنا واجدادنا
مثلا كان شيء طبيعي عندهم الزواج من اكثر من وحدة وما كان في هجوم
ولا اعتراض بهذي الطريقة اللي نشوفها الحين بالعكس كانوا يجمعون الحريم في بيت واحد
والحمد لله عاشوا حياتهم وربوا عيالهم احسن تربية ،أما في العصر الحالي وبسبب انتشار
الفضائيات اصبح الزواج الثاني مرفوض الى درجة التحريم والعياذ بالله

لا تعتقدون اني ادافع عن الرياييل بالعكس ، أنا لي نظرة خاصة في الرياييل وأدري انهم مالهم
أمان ، وما في اليد حيلة ما نستغني عنهم ولا هم يستغنون عنا علشان جذي لازم نتنازل علشان
مصلحتنا ، وعلى فكرة الريال ما يتزوج على مرته إلا اذا كانت مقصرة ............

واقول للاخت صاحبة المشكلة لا تخافين انتي مب ظالمة بالعكس انتي انظلمتي لما تركج وتزوج
بنت عمه ، وحسيتي باللي تحس فيه اي زوجة زوجها تزوج عليها .......
توكلي على الله اذا كان الريال مقتدر وصاحب شخصية يمكن الاعتماد عليها واستعدي للمشاكل
اللي بتواجهك
:27:


كلمةاخيرة :اللي ما تبغي زوجها يتزوج عليها تخليه في عيونها ، وهو بيخليها في قلبه وعمره ما
ما بيفكر في غيرها

:26: :26:

أختي M.S.K

أنا آسفة لو غلطت بحقك أو ظلمتك وأنا مدري..

صدقيني..همني راحتك..والأيام بتثبت لك صدق كلامي..

*

الإماراتية عفواً..أنا منيب ضد التعدد..!!

لكن ضد يضيع عمر الواحدة وهي في عمر الزهور وألف واحد يتمناها لمسمى الحبّ



ياحبيبتي فية فرق بين الزوجة اللي على سنة الله وحلال..

وبين الصديقة أو الحبيبة الوهمية..

هذيك بالحلال..وإذا تزوج عليها صدمة العشرة وكلام الناس

والحبيبة أو الصديقةأصلاً بدت الطريق ولا تدري وش نهايتة..

ويكفي إنها حاسة بخوف من الله وكلام الناس وفضيحتها وذنبها لو دروا عنها..

شتان بين ماتقارنين بة..

ترى كلامي مع الإماراتية مجرد نقاش أخوي..وليست صاحبة المشكلة المعنية بة..

والعذر والسموحة من الجميع

لاتخيرين الناس و استخيري رب الناس...... ماعندي نصيحة غير هاي ..... واذا بغيتي معلومات عن صلاة الاستخارة فانا موجودة ان شاء الله.