الزوجه والحماة وطرق تفاديها (موضوع للنقاش وطرح تجارب)

بسم الله الرحمان الرحيم
السلام عليكم
كيفكم وشخباركم ***** الله كلكم بخير وسلام
انا اليوم فتحت موضوع جديد عشان اطرح فيه تجربتي الي استمرت 4 سنوات والعمر كله ***** الله
وبطلب من كل وحده فيكم تكتب تجاربها وحلولها
انا عن نفسي ما خليت طريقه ما سويتها لارضي حماتي
والي زاد الطين بله الي عاملتها زي امي واكثر يمكن امي الله يسامحني سعات بعلي صوتي عليها او بقلها كلام
بس حماتي بحترمها فوق احترام بشوي
بس هذا ما خلاها تحبني
نفاق في نفاق في نفاق رغم اني كنت فعلا بحبها وما اقول كنت هي لسه ام زوجي وانا بعزها
عاملتها هي واخوات زوجي كانهم اهلي امي وابوي واخواتي
ضحك مزح كلام اروح عندهم اطبخ لهم اسئلها اخد من خبرتها
وكل الناس وكل العيله خادوني مثل للكنه الطيبه
لاكن هذا كله ما خلاها تحبني يوم يصير شيء احسها تغار مني كاني زوجت زوجها مو ابنها
تغار حتى من للبس الجديد لو اشتريته
ما تبغى احد يقول زوجت ابنك ماشاء الله على جمالها
تبغى الكل يمدحها هي بس
وانا كل هذا يضحكني
1 شيء لاني انسانه عندي تقة في نفسي مو غرور بس تقه
وكمان لاني مشغوله بحجات كثير ما تخليني ادخل في شغل النسوان هذا
بعد كل الطر ق الي سويتها
ما لقيت غير الحل الي انا ماشيه عليه صارلي 5 شهور
هو احسن حل بين الكنه والحماة
السكوت
لما تزورينها اذا كلمتك ردي واذا ما كلمتك خليكي ساكته
لا تتدخلي في اي شيء ولا تقولين رايك
لا تعاملينها زي امك امك هي وحده وماراح يجي غيرها
خلي حماتك بينك وبينها حيط مبني من حديد
لا تطالعينها
لا تزورينها الا في المناسبات
لا تناقشينها
لا تتصلي عليها الا لشيء ضروري
وهذا الي انا ماشيه عليه صارلي 5 شهور
احسني مره مرتاحه
بعيده عنها

وفي مثل يقول
خليكي بعيده تضالين حبيبه وعزيزه
ايش ارائكم وتجاربكم