الزوج اذا طاح من العين كيف يرجع لها؟ تعالوا بنات

تذكرون موضوعي
انا المريضه اللي الطبيب نصحني اخذ مانع مده العلاج
وزوجي بدل لا يواسيني صار وحش وجرحني وهاوشني
وقال انه مظلوم معي وانه يبغى احمل غصب
رغم انو بنتي لسى عمرها سنتين و 7 شهور.. جبتها اول ماتزوجت
وهذا رابط موضوعي
http://forum.hawaaworld.com/showthread.php?t=4267760


طبعا ام زوجي شاده حيلها وشاحنته علي
وهو وقت ماكان يصرخ بوجهي قال انه ماطاع امه عشاني
لانها قالت له ايش تبي فيها والبنات مالين البلد
حسبي الله ونعم الوكيل فيها
كل هذا لانها تقول لازم كل سنه تجيبن طفل
وتقول المرأه السنعه اللي تمشي وعيالها طابور وراها
وزوجي سلبي جدا مع امه ويتاثر فيها
وانا صار لي ظرف صحي فجأه وهو ما قدر ابدا


المهم
فجأه صارت لخبطه بكورس العلاج
ولان الطبيب باجازه حاليا بننتظر لما بعد العيد
يعني بيتأخر العلاج وانا اقول يمكن خيره من ربي
اللي صار
انو زوجي جاء واعتذر لي
ماعطيته وجه ولا كلمته ولا حتى ناظرته
قال خلاص يابنت الحلال.. وبعدين طلع وتركني
لا ناقشته ولا كلمته
وانا للحين مقتنعه ان زوجي معدنه رخيص
وموقفه معي ماهو رجولي ابدا


بنفس الوقت كارهته وكارهه اهله
شوروا علي ياجماعه