الزوج البارد والمتبلد 😪👊🏾

استغفرالله ، الله اكبر ، الحمدلله ، سبحان الله
السلام عليكم ورحمة الله ، اول شي ي بنات ممكن تشوفون مشكلتي شي بسيطه بس هي بالنسبه لي كبيره ، واكيد كل وحده فينا ماترضى زوجها يطنشها ويعتبرها جدار مهما سوت له وفرحت قلبه وتحملت العيشه معاه برغم الماده السيئه ، اول شي انا متزوجه من سنه وشهر ماعندنا اطفال كنت مخطوبه له من 6 سنين ولما تخرجت ملكت وتزوجت عليه ع طول ، والحمدلله كنت مرتاحه جدا من ناحيته هو انسان كويس وطيب وحنون بس عنده عيب هو (وقت الزعل ) ي بنات انا تعععععبت منه من الناحيه هذي لدرجة فكرت بالطلاق منه وماهمني شي واقول بنفسي انا باقي صغيره والكل يجي يخطبني حتى لما تزوجت كنت اروح زواجات مع اهل زوجي وكانو الناس يخطبوني منهم يعني شي يحز بالخاطر الكل يتمناك واللي تحبينه بارد وغامض وصامت وكتوم وفوق هذا كله مايعبر ولا يهتم لمرضي ولا يسال عني كثير اذا كنت بعيده عنه ، الزبده انو صارت مشكله صغيره جدا وزعل مني وخليته يومين مااكلمه ولا يكلمني لحد مايهدا ويحن ، عايشين ببيت واحد بس هجر بالكلام وهجر في الجنـ .. ، وصار هو ينام في الصاله وانا بالغرفه احيانا يعني الادمي مسوي سالفه ومكبر الموضوع والمشكله جدددا بسيطه وتافهه ماتستاهل كل ذا ، المهم انو بعدين سافرنا لمنطقة اهلي بجلس عندهم لان هو بيسافر شغل للدوام وفي الطريق بديت اكلمه قلتله اشبك علي مسوي زعلان عشان موضوع بسيط مايستاهل قام رفع صوت المسجل ولا كن في احد يتكلم معاه ، ولما نزلني عند اهلي ناديته مرا ثانيه عشان اسلم عليه تخيلو ي بنات انه رفض يسلم علي وعطاني ظهره طلع وجالسه انا انادي فيه واحلف عليه يجي ولاكني اتكلم طلع وسكر الباب ، ابدددا مايعطيني فرصه اتفاهم معاه واعرف ايش عنده دايم اذا زعل يسوي هالحركة التطنيش اذا ابي اتفاهم معاه ، طيب ليش كذا ترا انا زوجتك وعندي كرامه وعندي احساس الحركة هذي التطنيش جدددا استفزتني لان دايم يسويها واكلمه ويرجع يسويها واخر مرررا طفح الكيل عندي ، قمت ارسلتله رساله عتاب من ضمنها عدم الاهتمام وعدم السوال عني لما اكون عند اهلي لدرجة حتى امي لاحظت علينا انو مايسال عني كثير اذا كنت عندهم مو زي ازواج اخواتي الباقين ، علمته بالرساله ككككككككل اللي بقلبي وكل اللي تحملته خلاص ماقدرت امسك نفسي بالذات من بعد حركته لما رفض يسلم علي ، اخر شي قلتله اذا بتتعدل تعال خذني من عند اهلي واذا بتستمر كذا ع حركاتك الله يستر عليك ماعاد يهمني شي ، وتخيلو لي اسبوع عند اهلي الحين ولا دق ولا جا ولا شي هو مطنش وانا مطنشه عالاخرررر ، والله ي بنات انا مو مقصره معاه بشي لدرجة انو احيانا اساعده في مصاريف البيت بسبب حالتنا الماديه واحاول افرحه بكل شي ولما كملنا سنه انا حجزت فندق بس عشان ننبسط سوا ، احيانا الراتب يبقى منه 500 يقول ماعاد يكفينا وكيف اعطيك اذا بغيتي شي ويكون زعلان ومتضايق وانا اللي اهون عليه اقوله انا راضيه وعاذره ضروفك اهم شي انو مبسوطين مع بعض ، مشكلته اذا زعل ينسسسى كل اللي سويته له وينسى اني انتظرته سنين ورفضت الرجال اللي جوني عشانه يحسسني اني عدوته مو زوجته وفوق هذا كله يهجر بالكلام ويهجر في المعاشره طيب ليش كذا الواحد كم مرا بيعيش عشان يكتم بقلبه ويكبر المشكله ، وانا انسانه جددددا عصبيه بس ارضى بسرعه وماازعل كثير وامشي امور كثيررررره ع حساب انو نعيش مبسوطين ، وهو يزعل من شي تافهه ويكبر الموضوع ويجلس زعلان بالاسابيع وانا ادميه اطفش من الزعل اللي كذا ،
والحين منطشته وهو مطنشني لايدري عني ولا ادري عنه واحيانا افكر بالطلاق الصراحه يعني ايش اللي حدني اسكت واتحمل وانا باقي صغيره وماعندي اطفال منه ، حتى لما اتكشخ واروح عزيمة او زواج مايعبر ولا يقول رأيه ولا يتغزل العالم كلها تتغزل فيني الا هو ادددددمي فيه كميه برود وتبلد بشكل مستفز ،
كثير قريت انو طنشي الرجال وهو اللي بيجيك لان الرجال بطبيعته يحتاج للمراه عكسنا احنا والدليل انو الحرمه اذا ماتت او تطلقت الرجال يروح يتزوج ع طول ، وهذاني انا عند اهلي منطنشته ولا كن في رجال بحياتي لان جد مليت منه وطفشني ، انصحوني اللي جالسه اسويه انا صح والا لا 💔😭