الزوج الدقيييييق

مساكم الله بالخير ❤️
ياجماعة الخير وش الحل مع الزوج الدقيق الي مايعجبه العجب !! والي يستنى عليك اي تكّه
المهم يابنات امس جلسنا جلسة مصارحه وقالي الاشياء الي تضايقه فيني "وتقززه" على قولته
تضايقه اثار الكم حبه الي في كتفي 🙂
يضايقه اذا شاف شعره في رجلي لاني مسويه ليزر تطلع حبه او حبتين
كنت فترة الحمل صعب ادنق واشيلها وغير كذا من التعب ماكنت اركز اذا فيه حبه شعره واشيلها 🙂
ورب الكعبه ماابالغ انه شعره فقط شافها ويقول اتقزز 🤦🏻‍♀️
كنت احسب اني في نظره كامله بس صدمني بتفاهته
هذا وانا مقطعه نفسي ليزر ومسويه
بشرتي وناعمه ووجهي مافيه حبوب
بس غصب عني في الكتف اثار بسيطه للحبوب من الشيل
الي يقهر في الموضوع هو انسان مو ذاك الاهتمام في نفسه مايتعطر في البيت + ياكل بصل وثوم ولا يفرش اسنانه 😷 + ريحة عرقه توصل المريخ
انا صارحته البارح زي ماصارحني بس هو في النهايه رجال ولا يهز شعره فيه
بس انا احس تحطمت بيني وبينكم لانه اجحف بحقي وركز على الكم مره الي ممكن نقول اهملت فيها واشياء تافهه قسم بالله لكن الحمدلله النظافه مايقدر يقول عنها شي
احسه مريض مافي احد كذا يتقزز من اشياء جداً تافهه
في النهاية انا انسان مافي انسان خالي من العيوب
اعتبروها فضفضه وسلامتكم ❤️