الزوج الشكاك ..ايش الحل معاه؟

مرحباً

هذي أول مشاركة لي ف المنتدى بس أحتاج أسمع آراء بخصوص مشكلتي

انا متزوجة من سنة تقريبا
زوجي يسير ولد عمي ..يحبني جداً جداً و حبه لي على كلامه من سنين من قبل الخطوبة و الملكة
يقول كنتي مشغله بالي و فكري و كنت أدعي ربي ما أموت قبل ما أتزوجك

المهم هو صديق ولد خالي قبل ما نتزوج  بس حاليا ما بينهم تواصل كبير يعني تواصل عادي للضرورة
ولد خالي هذا كان يقوله انه خطبني و مدري ايش
اللي صار والشي ذا من فترة طويلة طبعا ..المهم انه بنت خالي كانت تسولف مع اختي و تقولها لو  ما كانت فلانة مخطوبة ل فلان *تقصدني انا و زوجي*تقول كان يمدينا خطبناها لأخوي

كله كلام فاضي لأني انا و زوجي معروفين أننا لبعض من سنين طويلة

انا يعلم الله أني ما أكن ل ولد خالي أي مشاااعر أبدا  شخص عادي ما يعني لي اي شي و هو أصلا متزوج قبلنا ب سنتين

المهم زوجي انساااان غيييييووور جداً من بداية زواجنا كنت ألاحظ غيرته الزايدة 
و يقولي دائم انا أبغاك لي انا بس انا ما أبغاك تفكرين ب أحد غيري انا ما أبغى يخطر على بالك شئ  بلا بلا بلا

و كنت أقوله أكيد انا لك و ايش هذا الكلام اللي تقوله و مدري ايش
و يقولي من خوفي و حرصي عليك

و يتضايق من جوالي و يحب يشوفه و يشيك عليه دائم 
وأنا عادي ما أبين له أني أتضايق 

المهم مره قعد يقلب ف الصور ف ذاكرة جوالي القديم  قبل ما اتزوج و شاف صورة ولد خالي و انا والله العظيم ما أتذكر متى و كيف انحفظت هي بس الصورة كانت بنت خالي حاطتها و اتصورت الشاشة

يعلم ربي أنها ما انحفظت لغرض شخخصي و أصلا ناسية سالفتها
بس شكلي حفظتها عشان اوريها انه آووه أمي شوفي بيت خالي اليوم طالعين يتمشون و كذا
يعني عشان اوريها أمي لا أكثثثر

و وضحت له و بينت له و يعلم ربي أني ما حفظتها الا للشي اللي ذكرته
و لا عمري اهتميت لهالتفاهات و لا عمره طرى على بالي

بس زوجي أصلا أحس غيرته ب توصله للشك
و يمكن وصلته لأنه لما يروح الدوام يأخذ المفتاح معاه 
واليوووم تفشلت مرره من بنت عمي اللي هي اخته  عشان سالفة المفتاح

مقهوورره
ما أدري كيف أتصرف معاه
فيه تفاصيل كثيره ما قلتها بس حاولت اختصر