الزوج العنيد الي رأسه زي الصخر وش علاجوه

السلام عليكم
اخباركن يالغاليات
طبعا وكالعادة صرت اخجل منكن من كثر مااشتكي لكن
زوجي جايب لي الهم
عنيد ورأسه يابس اي شي لا صرت اعرف الجواب من قبل بس احيان أتأمل انه يوافق لكن لاحياه لمن تنادي
طلعه لا
تمشي لا
جمعه عند احد لا
جمعه ببيتي لا
جاني اكتئاب منه لااطلع ولا شي
لاقلت بطلع قال إذا تبين تروحين لامك تجهزي غير كذا لا
يابنات مليت وامي ملت مني ومن عيالي من كثر ماني طابه عندها
لكن احيان من الطفش اروح وأجي متضايقة
لأني ألاقي عيال اخواني او عيال خواتي قدامي ويصير طق ومطاقق وأعيف الجلسة وارجع لبيتي اقصد للسجن
كرهت بيتي وكرهت عيالي ومليت من كل شي
امس مثل بكرى وبعده
صرت انتظر الليل يجي بس لأجل ننام
حياتي ممله وكئيبه
وعيالي الكبار اخذوا اغراضهم وراحوا لأهلهم يقول مانبي نجلس هنا ممل وطفش وهم صادقين انا وأنا كبيره مليت وطقت كبدي
الحمدلله ثم الحمدلله ثم الحمدلله
لكن الروح تبي الأرواح
الليله وحده من جاراتي عزمت وقلت له ورفض كالعاده
يقول اختاري ياأنا يا هن
يقول للحين عندك أمل
وصار نقاش حاد وكالعادة مافي فايده
إبي شي يخليه يوافق
انا لأطلعت بر ولا استراحات ولا سفرات ولاشي
من بيتي لبيت أمي فقط
قمة الطفش والممل
كل يوم طابه لعنده
اكيد بنفسها تقول هذي ليش ماتركد
ماتدري أني مااطلع الا لها فقط
ادعي ربي كل يوم يلين رأسه والأمل بالله كبير
لكن فضفضة ولعل وعسى ألقى حل
والف شكر مقدمآ
وهذي بؤسه على راس كل عضوه هنا 😘