الزوج الغير متحمل المسؤولية

معاك الله سبحانه و تعالى ...
لكن السؤال هنا
اين تذهبين ؟ واين تسكنين ؟
ومن اين تصرفين على نفسك و عيالك ؟
وليش ماتدخلين كبار عائلتكم وتعلمينهم عنه يحلون مشكلتك ...

وليش انتي وبناتك ما تتغيرون ؟
ليش ما تكونون اقوياء مشاعرياً وعاطفياً ونفسياً ؟
ليش تقابلون الاستهزاء او الكلام القاسي الجارح بالتفاعل العاطفي المشاعري النفسي وتحسون انكم بحاجه للصراع والدفاع ؟
ليش تبرمجين نفسك وبناتك على انكم مساكين ضعيفات مكسورات ؟
وخير يا طير ابوهم يرمي كلام ؟علميهم التجاوز عن التفاهات خاصة انها جايه من الأب اللي يفترض ان صبرهم على اذاه من البر خاصة ان اذاه مجرد لفظ كلام فاضي يعني مايوصل للاذى الشديد بالضرب وغيره
لا تعلمينهم يصيرون مايعات هشات كلمه وحده تكسرهم لان الحياه ماراح تكون مفروشه بالورود قدامهم لو بيجلسون يدققون على كل كلمه وكل حرف من الناس ماراح يعيشون بسلام
وحتى انتي تعلمي انك ماتاخذين كل شي بجديه من زوجك وتعلمي التفويت والتسليك عشان الحياه تمشي وتستمر وانتي تريحين دماغك وتوفرين طاقتك ومشاعرك لحاجات اهم من هذي التفاهات
واذا كان الزوج بخيل ولا يتحمل مسؤليه يعني وش تبينا نسوي له ؟هو مو اول ولا اخر رجال ماعنده حس مسؤليه للاسف يعني مشي اللي يتمشى وارضي بالواقع
احياناً الشخص يكون عنده ظروف مايقدر يبدلها ويغيرها ومن التعقل والنضج انه يتقبلها ويرضى بها وما يتصارع معاها ويرفضها بل يصبر الى ان الله يفرجها

اكيد ماصار زوجك فجأة
تعامله معاك كذا بسبب سكوتك من البداية
فاللي خلاك تسكتي وانتي من غير عيال
الحين عشان اولادك اتحملي
اذا ماعندك بيت ولا مصدر دخل
ومين قلك ان الوحدة لازملها اب ولا اخ عشان تكن قوية
الشخصية تنبع من نفسك
ابوك واخوك يعطوك دافع وقوة
لكن اذا انتي من داخلة ضعيفة وجودهم وعدمه واحد
وبالنسبة لأخواتك وازواجهم وش تبغيهم يسوولك
تقولي تخلو عنك
وش مطلوب من ازواج اخواتك يسووه
لالهم سلطة عليك ولا عليه
ولا هم مصدر امان ولا قوة
ولا حيعملهم اي اعتبار زوجك
واقل شي يقوله لهم
مالكم دخل

انتي كان لازم من الاول ما تسكتي له مو بعد ما صار عندك اطفال تذكرتي

اذا انتي سعوديه لاتخافين حقوقك موجوده