الزوج اللي مايبي عيال

من رأي ماتطيعه لن رجال كذا ولاكبرو قالو نبي صغير يملي البيت فرح

فيه رجال مو حمل مسؤولية كثرة اطفال ولاازعاج
قريبتي جابت ولدين ورا بعض وزوجها قال كفايه نربيهم ونهتم فيهم وكانت تترجاه تبغى بنت مارضي والان عيالها كبروا وزوجتهم ماشاء الله وتنتظر احفادها
وقريبه ثانيه لي جابت ولدين وبنت ونفس الشي زوجها ماعاد رضي تحمل يقول كفايه الان ولدها اخر العنقود في الثانوي وزوجها ولايفكر في خلفه

حراااام تحديد النسل
3و2بس ليه طيب

والله يااختي كل شي يجي بالتفاهم انا عندي ٣ قريباتي عندهم كل وحده بس ٢ ومايبون زياده ولهم سنين هم مرتاحين كذا
ومن كانو ببدايه شبابهم يقلك ابي اربيهم كويس واتفرغ لهم والمتطلبات وظروف الحياه صعبه وجهه نظر
وبصراحه كثر العيال يهد الام هد وحتى علاقتها مع الاب تتاثر يادوب عندها وقت لنفسها وبتحلق على ايش والا ايش انا الي ٤ اشوفه عادي بس اكثر متعب اشوي
وعلى هالطاري والله قريبه لي محزنتني مره متزوجه من ٨ سنوات وصغيره بالعمر هي وزوجها اليوم جابت السادس ليه زوجها يحب الاطفال حرام والله ما تهنت بحياتها وطلعت من الجامعه انزل ياولد اخوك جاي وراك ليه هالتعذيب طيب هم لسا صغار اذا ظلت كذا لحد تقطع الدوره عادي تجيب ١٥ واكثر والتربيه طيب والمسئوليه لدرجه صارت ما تقدر تجمعهم وقت المدارس تخلي الصغار عند امها ماتقدر وابو البنت يقول من تزوجت بنتي كل حياتنا اندمرت لان الاطفال على طول بيت جدهم.

سالت وحده منهم ليه ماعاد تحملي مكتفيه باثنين قالت زوجي يقول احنا مو قد مسؤوليتهم
احيانا تلاقي الرجال متربي في عيله كبيره جدا يعني اخوانه واخواته اكثر من عشره وهو ضايع بينهم فمايبغى يكرر التجربه في عياله
وكثييييير اعرفهم مكتفين باثنين ثلاثه فقط لا وزوجوهم كمان ومبسوطين