الزوج الل ينكد على زوجته شالسوات وياه

السلام عليكم ورحمة الله وبركاته


حوآئيات قبل ثلاث ايام ليلة الويكند نزلني زوجي بيت هلي اوك ورجع الشقه نام لان كان مقاوم يومين تغريبا المهم تعبت اتصل مايرد قلت شكله بعده نايم اخر شيء اتصل الساعه 3اخر الليل وقال نامي لان تعبان ونام وسكرت منه وودتني اختي مع زوجها الصيدليه وخذت احتياج بنتي من حليب وغيره
المهم قلت له اني بصبغ وبخلي اختي وكذا تصبغ لي وبرضو بتحنى ابي اغير له اللوك تدرون مرت علي ولادتين وصرت هامله نفسي بقوه
المهم يوم ثاني رحت لاختي وصبغت شعري واهي حيل مبسوطه تقولي زوجك بيخق ومن هالكلام لام اهي دايم توصي فيني اهتمي وغيري للرجال توج صغيره من هالكلام المهم خلصت شعري وريحت معها وبعدها نزلت بيت هلي اتصلت فيه بالليل عشان يجي ياخذني قال بيجي قلت له او تبي اتحنى قال اذا كذا خلصي امورك بالمره ضلي اللليله نامي وطلبته يجيب الحنى مع العلم بيت هلي وشقتي البعد بينهم نص ساعه ماقصر جابهم ومشى كلمت اختي الثانيه قالت مب تقدر تجي بيت هلي جات مع زوجها ماقصرت خذتني ورحت معها وحنتني وشورت شعري وحطت لي الميك ونزلتني بيت هلي وخواتي مدح فيني زوجك بينبسط مب يصدق والله انك عروس شالجمال من هالكلام جا وخذني تو ركبت السياره ماشوف الا طب فيني ليش تروحين مع خواتك بدون ماتكلمين قلت له انا قلت لك بخلي اختي ولا قدرت تجي وخذتني بشقتها ورتبتني عصب فيني مابحللك ولا ابريك بالذمه تطلعين بدون اذني قلت له مارحت بيت غريب قال لا ع اي حاجه تقولين لي ويلا بس سكتي وربي تحطمت قلت والله مايستاهل اجل سويت كل هذا لجله وهو مب هامه مع العلم انا من النوع مستحيل اطلع بدون اذنه
المهم وصلنا الشقه شاف اني لابسه ثوب عند الركبه وعصب زود انتي عادي معج شاللبس هذا ولا بحللك ولاابريك بالذمه شلون تطلعين وتلبسين يم خواتك كذا قلت له هذا ال طلعت لي ولبسته وعصب زود انتي شكلج حتى في بيت ابوك كذا تلبسين مخلينج عارضه تركته ع جنب ماهمني قام طلع مع بنته بيت هله قمت بس غيرت لباسي قلت والله مالبس الا ابيخ شيء ولبست وغسلت الميك وهو بالاساس ماشاف شكلي لان النور مب شغال قبل رحت انام وجا مع بنته جا يتقرب مني بس خلاص صدته نفسي حتى اسلوبه كان بالغصب لان مب اول مره ينكد علي اخر شيء قمت وتركته رحت الصاله وانسدحت لغاية مانام ورحت نمت
المشكله اختي ال صبغت لي والثانيه ال حنتني مبسوطين كلماني شنو قال زوجك على الكشخه قلت لهم اكيد عجبته وربي عوروا قلبي وهم مادروا اني غسلت الميك ومضت هالليله على نكد وقهر
والله ال تعبني زود ان للاسف تمنيت زوج صج يحتويني لكن هو للاسف مثله مثل الاخوان انا وياه يمكن الاخوان بينهم اسرار ضحك لكن انا لا
اهو فقط وياي اذا بياخذ حقه انبسط كنه هذي الحياه الزوجيه بس او اذا قلت تعبانه كلش نفسيته علي
الحاجات الثانيه الحمدلله مب مقصر مع بناتي ومن ناحية الماده