الزوج المتعب

هلا بنات اخباركم

عساكم طيبات

بنات بليز بليز ابي نصايح لاعز صديقه عندي

خويتي توها مخطوبه من فتره مش طويله وخطيبها مره يحبها كانت تحلم تتزوج واحد مثله فيه كل المواصفات اللي تحبها - لكن تقول انها ما تحس انها مندفعه في حبه تقول انها تحس انها جالسه تحبه اشوي اشوي وبعقل مع انها مره مبسوطه فيه وهو بعد من يوم شافها قال اذا بتزوج ماابي غيرها .

المهم طبعا مملكين يشوفون بعض مرتين كذا في الاسبوع ومره كويسين بس في بعض الاشياء

كانت مره محتاره قبل الملكه لانه اصغر منها بشهور وخافت حد ينتقد بس هالشيء الكل يشوفه عادي وثاني شيء هو احلى منها اشوي امممممم يعني هي جذابه وكشخه صراحه بس هو وسامة وبياض وكثير تصير له مواقف وكذا المهم الكل قال لها عادي بعدين هو حابها زي ماهي ذوقه كذا بعدين هي مو شينه بالعكس مملوحه بس خافت من المقارنات ولسا خايفه اي حد يتكلم عليها من وراها .

والاهم من هذا كله شيء واحد هو انه زوجها يحبها بس اذا يكون بالعمل مايرسل حتى مسج يكون مره مشغول يعني عادي نص اليوم ماتدري عنه شيء طيب البنت قلقانه عليه مثلا تبي تتطمن مرتبه شيء يجي بعد ما يخلص كل اشغاله يتصل او يجيها ويكون اوكيه معاها بس هي تكون زعلانه عاتبته وهو يتعذر علشان انشغاله بس هي مو مقتنعه

يعني هو تقريبا كل شيء فيه زين الا قله اهتمامه بالاتصالات والمسجات لما يكون مشغول

انا عجزت اكلمها اقول لها عادي وهذا عمله وكذا بس هي مره دلوعه ومافيها صبر ..

وش الحل معها ومعاه علشان يتغير ويحس و يهتم اكثر، حرام هالغبيه تخرب علاقتها بزوج كانت تحلم فيه