الزوج المدلل من صغره

شوروا على زوجي نشأ بدلال ودلع لاسيما إنه الابن الوحيد الابن اللي ماعمره سمع الا اطراء حتى لو بالكذب اتزوجته وعمره٢٤سنه ما احكيلكم كان زعولي مدلع اي كلمة تجرحه وعلى طول يشتكي علي عند أهله فتح باب حياتنا من بدري ما احتوى وضعنا،،مصروفه ياخذه منهم اي مال يجيني من اهلي فهي ملكه ومن حقه وأهله كانوا يدعمونه بالهالشي مع أول مكافأه من الجامعه قررت اترك الجامعه لانه أخذها كلها قلت اقعد فالبيت اشوف كيف يصرف علي وكان اغبى قرار اتخذته بحياتي كنت اشوف الأزواج واشوفه وانا ما اقارن قدامه ولا عمري ذكرت له هالشي بس مايعرف يقول كلمتين على بعض وما يحب يختلط بالناس واي احد يخالف رأيه هو عدوه رقم واحد وبنفس الوقت يهتم لاطراء الناس له رغم ان الناس اللي تمدحه ماعاشرته بس لانه في حاله وكل طاقته وخبثه صبه علي أنا،، اتحاملت وهذا اكبر خطأ كل بنت لازم اذا شافت من البدايه زوجها مافيه خير تتركه،، حملت بأطفالي ما احكيلكم اني انا امهم وابوهم وانا اللي اقوم بالدورين واليوم بعد زواج١٧سنه اعيش مع زوج مفلس فقير اخذ مني عمري وكل شي أملكه قلتله ابغى اتوظف قال عشان تشوفين نفسك على،، قلتله بعطيك منه بس اسمح لي البنات احتايجاتهم كثيره قال لا لكم على الاكل والشرب غيرها مافيه،، انا افضفض لكم الله يعلم اني في حاجه وراتب زوجي قليل جدا كيف أقنعه اشتغل وهو غيور شكاك مدلع ١٩ ساعه نايم مدمن وزعولي ونكدي،، والله يابنات اني تعبت منه ومن فقره ومن دلعه ادعولي واي بنت لسه في أول عمرها وزوجها كذا تبعد عنه من اولها وتنطلق للحياة لا تخافون من الطلاق خافو على عيالكم اذا دار عليكم الزمن الناس اللي كنت خايفه من كلامهم وينهم الان مافادوني ما شالو عني همي وحزني وحاجتي انا ما اشجع ع الطلاق بس اللي بدايته معها توجعها لا تدمر نفسها وتجيب ضحايا للحياة،، ادعوله بالهدايه ادعو يوافق اشتغل وادعولي ان الله يغنيني ويفرج همي