شلون تتصرف معاه هذا خاصة إذا راقبتي الوضع ولقيتي كل يوم نفس الشيء.
زي زوجي صار له كم يوم من تهاوشت معاه وكنت حاشة فيه وعرف اني اضايق من تعليقاته صار كل يوم يجي مهمته ينتقد ويعلق وكل شيء ماعاجبه صرت احس احتاج حجاب منه 🫥
مو طبيعي الوضع معه اليوم جا من الدوام يعني خبري اللي جاي من الدوام تعبان ويدور بس راحة لاهو شغال انتقادات و ع اشياء تافهة زي مثلا كنت قاصة اطراف شعري وصار في المقص شوي شعر مدري عنه وحطيت المقص ع الثلاجة اشوف جاي لي يقول في شعر ع الثلاجة ليش تقصي شعرك وترمي الشعر حسيت بكتمة كيف اشرح له انه من المقص ..حتى لو شرحت له يستغبي لأنه متعمد...بعدين شاف له شيء ثاني بنتي منفرة العابها وشوي من شنطة الحفاضات..يقولي ليش مرمى اغراضها في الارض ....اقوله يعني أنا مرمينهم مثلا .. يقول ولو شيليهم وأنا اشيلهم بس ترد تعفس مقدر اسيطر طول الوقت على الوضع طفلة صغيرة وماتفهم تبغى تلعب مافي احد غيري تلعب معاه وتطفش تعفس العابها وهو مايفهم...طبعا هو لازم يلقى له شيء عشان بس يستفزني لاني مقفلة جوالي مغيرة الباسورد ومحتر ادري مايفتقده في غيابه الا الجني لأنه محد يتحمله غير الجني بس لان المؤمن مبتلى أنا ابتليت به والحمدلله ع كل حال ..اجر وثواب الصبر .
طبعا هو عنده تعليقاته عادية وعادي مايطفش بس الانسان يتعب من السلبية وده يسمع كلمة حلوة مو معقولة كذا التحلي بصفات الذبانه يكره الواحد في من حوله ترى .