الزوج المستهلك المبذر

طيب جربي اتفقي معاه وخلي المصروف بيدك قولي نجرب شهر او شهرين وشوف كيف بنوفر
خليه يعطيك مصروف البيت حق المأكل والمشرب ولوازم البيت والمبلغ حسب راتبه
وانتي عاد انتي وشطارتك في التدبير ,, ولاتقولي اجرح كرامته ومن الكلام هذا كثير حريم جربو ونجحو
وهوه كمان لما يشوف الوضع تغير وبديتي توفري من المصروف راح يرتاح

اولا روحي معه للسوبر ماركه بيوم الراتب وانتي خذي الي يكفيكم مدة شهر لو بالكرتون اهم شي اغراض البيت
ومري الصيدليه وكذلك اغراض الاطفال لمدة شهر 
ثانيا قوليله وبصريح العبارة الناس صارو يتاذو منا لسبب انك تتداين والناس يالله مكفين حالهم وعيالهم 
ثم حاولي انك تاخذي منه مبلغ ولا تصرفيه ادا احتجتي شي هوا يجيبه وانتي احتفضي بالي عندك من غير مايدري

حبيبتي عاااادي اجرحي رجولته مافيها شي يعني لا راح يتسلف من امه واصحابه واخوانه ماتنجرح رجولته الله يهديك بس خليك صارمه معاااه وقولي له مثلا عطني شهريا هالمبلغ والباقي مالي شغل فيك هذا اذ رفض انك تقسمين راتبه وشي ثاني راقبيه بالصرف يعني لا كتبتي له أغراض روحي معاااه تشترينها منها تتمشين ومنها تمسكين يده عن التبذير واذا اطر الامر فشليه قولي له مرت اخوك امحت لي انك اخذت منهم فلوس وماادري ايش بالعربي لا تروح تشحذ اجرحيه انتي ولا يجرحونه الغرب وياكلونه من وراه اذا تسلف منهم خليك قويه معاااه واذا اطر الامر اسحبي فلوس من جيبه بدون لا يحس وخليهم ادخريهم لليوم الأسود وانا قط سالت شيخ مره بموضوع لوحده صديقه لي وقال اذا الزوج مايعرف يتصرف ماديا او بخيل علي زوجته يحق لها تأخذ منه بدون لا يدري بس الأهم تصرفها بمحلها او تدخرها

يعني ما راح تجرحين رجولته لما تشيلين عيالك ونفسك وتروحين بيت أهلك !!!
وما انجرحت رجولته وهو يطلب من امه واخوه ومن الناس !


انا رايي من راي الي فوق .. امسكي انتي المصروف حق البيت من أكل وشرب
و حطي حصالة بالغرفة عندك اول ما ينزل الراتب يحط فيها 500 لوقت الزنقات ونهاية الشهر
يفتح حساب ادخار ويخليهم يسحبون منه كل شهر 1000 كذا ع نهاية السنة يكون
معكم 12 الف ممكن تخلونها لسفرة او شيء
السوبر ماركت قولي له انا احب اغراضي اخذها بنفسي و انزلي انتي شوفي وش تحتاجين وخوذيه
واغراض الصيدلية بعد ..
اطلبي منه مصروف لك ولعيالك ع حسب راتبه والي يبقى من المصروف خبيه ..


غير كذا وصية دايما ع الصدقة .. يتصدق وربي بيبارك له بمالة ورزقة

الله يجزاكم خخيررر
انزل كثير ويشتري انا اقول لا ما احتاج وهو يحط وش اسوي اتهاوش معه بالهايبر

بجرب اخذ نص الراتب وهو نص ونشوف كيف الصرفيه

انا قلت كنوع من التهديد اقوله مو روحه فعليا