الزوج الي يستشير اهله فكل شي ..

السلام عليكم
بنات انا زوجي اهله عايشين ف مدينه ثانيه مو بمنطقه اهلي وعندي بنت وهو دايما يروح يقعد عند اهله كم يوم ويرجع واكون فهذي الفتره انا عند اهلي


المشكله اني في قرارات بحياتي ما اشاور فيها احد بس اقوله عليه الاحظ انه يتغير رايه يوم يكون عندي يوافقني الكلام وبس يرجع لاهله يقولي بطلت وكنسلت و و كانه الي انغسل مخه
بقولكم كذا موقف صار
اول موقف اني طلبته خدامه لاني حامل وتعبانه على وشك ولاده وبنتي صغيره ووافق بس راح لاهله خلال اسبوع صار يقولي لا محد يجيب خدامه وباقي احنا صغار و بعدين يوم قلت له كيف تغير كلامك!! قالي تبغي اهلي يضحكو علي وعليك ويقولو ماهي سنعه
طبعا امه عندها خدامه بس سلفاتي واخواته ماحد عندهم واحنا ظروفنا غير كل ناس بكيفهم بالنهايه بس استغربت كيف فجاه صار يقارن و خايف من التريقه وقلت له بتتحمل كل شي معي ولا عاد تفتح فمك اذا شفت مني تقصير الفتره الجايه لانه صار رافض بشكل قطعي للاسف ..
الموقف الثاني اني كنت بولد بمستشفى خاص ووعدني من قبل احمل باتفاق بيننا وشرطت اني اخذ بنج او ابرة ظهر يعني عندي سبب اني اولد ف الخاص
اتفاجئ هذي الفتره وانا خلاص على وشك ولاده انه مايبغاني اولد الا ف الحكومي وتتصل علي عمتي تقولي ان المستشفى الحكومي احسن وقامت تقنعني و صار هو يقولي عادي بعطيك بس ترا ماني راضي عنك تخيلي تولدين وزوجك مو راضي عنك!! قاعد يحاول قد مايقدر يغير رايي باي طريقه وهو عارف قد ايش انا مابغا الا الخاص عشان البنج مع ذلك قام يحاول واذا رفضت زعل مني!!!
ولما اقوله هي هرجة فلوس يقولي لا بس انا مو مرتاح
ماعرف ليش يعني مو مرتاح!!! مين لاعب ف راسه ومغير الاعدادات
يابنات هل انا متحسسه وابالغ ولالا لكن احس كل قراراتي ممكن ف لحضه تتغير بسبب انه يستشير اهله والمشكله انا ماعرف عنهم ولا شي و لا احب اتدخل ف خصوصيات احد لكن هو بس يصير معايا حاجه يرفع السماعه ويقول لكل اهله ويبدون يعطون رايهم لما يتغير ويقلب علي
والله اني تعبت والان الي بديت الاحظ ان المشكله مو بسيطه كانت تمر مواقف تافهه وامشيها لكن هذي اكثر حاجتين قهرتني كيف يوافق وفجاه يغير وانا اعرف زوجي من يومه لاقال كلمه مايغيرها بس مؤخرا صاير كذا يتصرف..
وش رايكم انتم هل معي الحق ولالا وكيف اوقفه عند حده واقوله مايسمع من احد احسني بطلع هبله لانهم اهله ولاني تعبت والله هذا بس خلال فتره بسيطه بكره بنبني بيت الله يستر من الجاي من الان قام يلمح لي انه ماراح يشاورني ف البيت وانه حلوو ومايحتاج يمكم يخاف اكثر طلبات ما ادرررري وش مشكلته انا بالنهايه زوجته ماني وحده غريبه 😩