الزوج والحب

مرحبا بنات بدخل بالموضوع ع طول انا من ايام مراهقتي انخبل إذا شفت حلوه او حلو يهمني جمال الشخص اكثر من اي شي خاصه إذا شفت بنت حلوه خلاص احس ضامنه الحلوه مستقبلها ونصيبها ومنصبه وحبه لها يعني صدق صدق خلونا مكون واقعين شوي بنت وحلوه اكثر وحده طول حياتها تخطبً وتشترط وترفض وتوافق وبالأخير ماشاء الله يجيها نفس اللي تبي كأنها جالسه تفصل تفصال
يجيها حلو ومنصب ويعشقها ومدلعها واهله ميتين فيها ويستعرضون فيها
كل هذا عشان ايش
لانها بس حلوه ولا احد يقدر يقولها شي لان
بيرقولو الناس يحق لها حلوه
حتى الأم لما يثير لها بنت حلوه تحب تترزز فيها
وتستعرض فيها وامها تكون مدلعتها عشان جمالها
لكن ماودي اقول البنت الشينه بقولكم اللي اقل
من عاديه تجلس سنين ماتتزوج احيانا يصك عمرها ٣٥ وهي توه احد يفكر ياخذها
وأول ماحد يطق بابها أهلها قبل الناس بقولون لها
خوذيه
احمدي الله لنه فيه احد فكر فيك الرجال يبون جمال
وأنتي موب حلوه حتى لو اللي متقدم
مو مناسب كبير او ماعنده وظيفه رسميه الأم
والناس بيقولون خوذيه اهم شي وجل فكر بك
يعني استحقار قوي للبنت العاديه
لكن لما نجي للواقع ترا ماحد يلوم الولد
تخيلي انك ولد وحصلتي ع زوجه جميله ودلوعه
شي اكيد بينهبل عليها وغصب يتخرفن
عكس اللي يأخذ عاديه مايشوفها شي لان مافي اي جمال فيها
لكن قبل فتره سنتين عندي خال مو شقيق امي
يعني من فتره لفتره نشوفهم بالمناسبات
تزوج وخالي هذا جميل اجمل خوالي وشايف نفسه فوق
وكانت دايم يقولون انه يبي جميله لان جامع هو
منصب وجمال
فكان شرطه ملكة جمال وخطب وعزمونا
كنت متحمسه اشوف للعرس وصارت صدمة عمري
قسم بالله وهو واقف جنبها كأنها امه
من شده ضخامة جسمها وملامحها
وسمارها انصدمت ولا استوعبت لما بعد الزواج لفتره صار يعزموننا وكذا
شفت خالي منهبل فيها متخرفن وهو والله
بدون كذب مافيها مسحة جمال
لكن بكل امانه اسلوبها يذبح ابتسامتها
ماشاء الله دايم نفسيتها فوق ماعمري شفتها منفسه
زوجها ماتقوله الا سم ولبيه!!
انا اللي مستغربه منه معقول مقتنع بشكلها يعني الكل بالزواج اجمع انها مو حلوه ابد
لدرجه قالو شينه وفيها وفيها
طبب وش السر وش الخبيئة اللي بينها وبين الله
اللي سخر لها زوج كذا جمال ومنصب وكان شارط
ملكة جمال يبي
كيف اخذها وحق عليها ناس قالو اخذها عن حب
لان الرجل إذا حب وحده بيعشقها حتى لو كانت شيفه وناس قالو اسلوبها
وكلن يقول شي برأيكم وش اللي يخلي الزوج يحب زوجته
إذا كانت ماعندها جمال ملفت؟