الزوج والمواقع الإباحية

في يوم من الأيام كنت تقلبين الملفات أو المحفوظات في جهاز الكمبيوتر و اكتشفت أن زوجك دخل موقع إباحي
أو زوجك كان قدام الجهاز ويطقطق فيه دخلتي عليه فجأة وهو يطالع في هالمواقع الخايسة كيف تكون ردة فعلك في تلك اللحظة وبصراحة….
1 _ تطلعين من الغرفة مباشرة وتبكين في الغرفة الثانية وتدعين له بالهداية وبعد ما تهدأ الأمور تناقشينه ليش فتح هالمواقع وتبينين له خطرها على نفسه وعلى دينه وتخوفينه بالله وتذكرينه إن العين تزنى وزناها النظر ومن ذا الحكي
2_ تستقبلين القبلة وتمطرينه بالدعاء إن الله يا خذه وتفتكين منه وتتخذين الإجراء اللازم من انك تقطعين الكهرباء وتمسكين الكيبورد وعلى راسه وتشنين عليه هجمة شرسة وتنشبين في حلقه ( عادي شباب )
3_ قلبك كبير وطيب وبتمشينها له وتتغاضين عنه وتقولين انه بشر يخطي ويمكن حب استطلاع والمرة هذي سماح …. والثانية إلهام هههههههه ……… يا زيني ساكتة
4_ تعاندينه وما تطلعين من الغرفة حتى يقفل الموقع وبعدها يصير خير ويا أنا يا لكمبيوتر في هالبيت
5_ تبكين قدامه وتقولين انك طحت من عيني ( وتعلقت بخشمي ) وانه خانك وخان ربه قبل كذا
6_ تسوين نفسك ما شفتي شي وتبدأ الحاسة السادسة تشتغل وبعد ما تجمعين الأدلة تواجهينه والله يستر من الجاي ………
ارجوا أن يكون الرد من الأخوات فقط لأني لا اسمح لنفسي أن أرد على رجل فالحياء يمنع ومعذرة إن تأخرت بالرد عليكن وذلك لأني ادخل الإنترنت بالقطارة وشكراً
أختكم أم حنين