الزيادة الطبيعيه في الوزن خلال الحمل مساااعده بلييييز

شخباركم كروشات وشلون البيبيات؟؟
حبيت استفسر شنو الزيادة الطبيعيه في الوزن خلال فتره الحمل
انا الحين باقي لي اسبوع واخلص الشهر السابع ومازاد وزني الى الآن الا 4 كيلو وتجيني ايام انزل كيلو منهم
طبعا زدت 3 كيلو بدايه الحمل بس دخلت الخامس ستوووب ماكو زياده توه بدايه السابع تحرك كيلو واحيانا ينزل
طبعا اشرب شاي بمعدل 3 اكواب او 4 بس الحين اشرب كوبين واحيانا واحد لاني خفت من وزني شفته مايزيد فخففت الشاي والفيتامينات يوم اخذ واسبوع مااخذ من الفساله شيبلعها هههههه
طبعا الوجبات احيانا وجبه احيانا ثنتين .. بين الوجبات احيانا اكل بس مودايم ناااااادر وشي خربوطي خخخخخ ويوميا انام جوعانه لانو فيني حموضه قاتله هههههه فأنام خفيفه احسن لي ومع ذالك ماأسلم منها
وعندي بزارين مزعجين ويعفسون ويوصخون مب طبيعيييين الله يحفظهم لي يارب
وشغل في البيت شبه يومي وماانام الا النهار في الليل ارق مب طبيعي ومن اجلس وانا احوس وماانسدح واتمدد الا يوم ثاني اللي اهو وقت النوم في النهار
اللي ابي اعرفه هل زيادتي 3 او 4 كيلو من بدايه الحمل وانا على وشك ادخل الثامن طبيعيه ولا نازل ؟؟
طبعا وزن البيبي اخر مراجعه كنت بنص الخامس وكل شي تمام بس من بعدها ماادري عنه لاني فوت موعدي من كم يوم بسبب مرض عيالي
اللي تعرف تفيدني الله يجزيها كل خير واللي ماتعرف ترفع الموضوع ربي يرفعها درجات بالفردوس