الزيت الطبيعي المثالي من جربته

شفتي الاسعار 😊

ماجربته لكن اسعارهم مبالغ فيها

شوفي يا آلاء ما فيه زيت بالعالم يوقف التساقط وهذا مو كلامي هذا كلام الأطباء ونتيجة وحدة تكلمك ما تركت شي وما جربته وظيفة الزيت الأساسية هي الترطيب فقط أما الإنبات الزيت الوحيد المثبت طبيا انه ينبت الشعر هو زيت إكليل الجبل فقط. ووحده ما يوقف التساقط فإذا كان شعرك يطيح مالك حل الا تروحين للطبيب يشوف سبب التساقط إذا كان عندك نقص في الفيتامينات يعطيك مكملات تستخدمينها لشهور يمكن تصل الى 6 شهور ، واذا كان التساقط نتيجة هرمون الصلع الوراثي هذا ماله حل الا المنكسوديل لأن الجين ما يروح ولا يتغير.
واذا عندك التهاب الشعر الدهني لازم تدخلين بروتينك شامبو القشرة لأن فروة رأسك تكون عرضة للالتهابات بشكل مستمر.

نصيحة يا إلاء إذا مثل ما تقولين انك ما تقدرين تشوفي شعرك يطيح بدون ما تسوي شي فهنا ضروري تخلين الصبر شعارك لأن الشعر ما يتبدل حاله بشهر او اثنين انت تحتاجين على الأقل 6 شهور من العلاج المتكامل عشان تلاحظين تحسن بسيط الشعر يحتاج عناية من كل الجوانب من الشامبو للبلسم إلى ترطيب الشعر إلى معالجة القشرة إلى بخاخات نمو الشعر إلى الماسكات والفيتامينانت طبعا.
ضروري يكون ليك روتين يومي واسبوعي عشان شعرك يتحسن اما انك تشترين زيت وتبي شعرك يوقف التساقط ابدا هالشي مستحيل ينفعك.