أخواتي الغاليات...الله يوفقكم ويعافيكم ولا يبتليكم...
سلمكم الله كنت البارح في سهره ويا صديقتي المقربة حيل والغالية على قلبي...
وبصراحة من حرتي عليها كتبت هالموضوع وثقة فيكم وفي حبكم للخير والمساعدة...
البنت تهبل وكل ميزة فيها من جمال ودلع وحلاوة وأناقة.........بس عيبها أو السلبية اللي فيها موب شي طيب ولا يغتفر...
البنت بيضاء بياض بحمره ماشاءالله لاقوة إلا بالله...بس......بشرتها مو صافية يعني زي النقط مكان منبت الشعر..
ومو هنا الخلاف...المصيبة ملمس بشرتها!.........شعر جسمها يجي متين مو زغب وناعم!
يعني حتى لو شالته تحسين بملمس الشعر الخشن..
كانت تشيل بالموس ورجعت له يوم ماشافت نتيجة..
قالت يمكن العيب فيه وتعاملت مع سودانية تجيها كل شهر تنظف جسمها..وأستمر حول السنة ولا أستفادت! خاصة نمر شعرها بالذات في جسمها سريع...يعني تسمع بأن النت اللي تشيل بالحلاوة مره في الشهر بس هي لا مايكفيها إلا مرتين أو ثلاث!
وتقول أنها أصلاً تعاني من كثر شعر جسمها في صدرها وبطنها وسألت لو كان هالشي جديد قال ماأدري بس أنها صارت أكثر حساسية
وراحت سوت ليزر وهم ماأستفدات إلا شعر وجهها زاد عن قبل...
واللي خلاها تشتكي ان زوجها الله يهديه ويصلحه لها الفترة الأخيرة إذا زعل صار يرمي عليها كلام يقول كني نايم مع خويي مو زوجتي!
ومره يقول ليش ماتهتمين في جسمك وتنظفينها صاير كنه صنفرة !!
وفعلاً لما لمست بالذات سيقانها نغزتني ولا أدري وش أقول لها!
بس وعدتها خير قلت إن شاءالله بنات حواء يفيدونك لأنهم محبات للخير وراعيات فزعة
والبنت ماعندها نت عشان كذا قلت نسو فيها خير أنا وياكم واللي مابيدها شي تدعي لها أقل شي إن ربي يعافيها مما بلاها لعلها توافق ساعة إستجابة...ولاتنسون إن الملائكة ترد على داعءك" ولك بالمثل"
والله وهي تتكلم شوي وتنزل دمعتها مع أنها عزيزة نفس ولا تشتكي بس الشكوى لله..
تسواهم? @tsoahm_2
عضوة
يلزم عليك تسجيل الدخول أولًا لكتابة تعليق.
ام دودي الصغير
•
ااااب
الصفحة الأخيرة